جميع مشاكل نيسان صنى....

**Usama Nagi** · 17-12-2009 03:34 AM

المشاركة الأصلية كتبت بواسطة ahmed20_08nubira

هو لما الكرسى يزيق والموتور يبقى صوته عالى شويه تبقى صينى؟

يا ريته كان صيني دا الكرسي فخر الصناعة المصريه و عمار يا مصر

**wounded** · 17-12-2009 07:13 AM

اذا كان الكرسى بيزيق يبقى ده عايز يتربط كويس وده ميعيبش العربية نهائى .
بس للأسف هو دة التقفيل المصرى.

**wounded** · 17-12-2009 07:17 AM

المشاركة الأصلية كتبت بواسطة roffa1

انا معاا 2010 اوتوماتك علمل بيها 4000 كم ليهامعايا شهرين-- العيب اللى واضح فيها و مضايقنى فعلا تزييقه فى الكرسى بتاعى ( السائق) و وزنى 100 كج بصراحه عامل زى المزيكه(زباله) مش مخلينى احس انى راكب عربيه زيرو --- العيب التانى اللى لاحظته انى لما اكبس بنزين مره واحده علشان اتخطى عربيه تانيه - العربيه مبتعملش كيك داون ومبتستجيبش بسرعه( بالمقارنه بالفيرنا الاوتوماتك اللى كانت معيا قبل كده ) وباحتاج كبسه اكبر على البنزين

بالنسبة للعيب التانى وده عندى برضو ان دواسة البنزين استجابتها بطيئة وسحبها بطىء.
على العموم انا حوديها التوكيل وابقى اقولكم ايه النتيجة.

**ahmed_aly78** · 17-12-2009 02:12 PM

السلام عليكم ورحمه الله وبركاته
انا فعلا معاى عيبين فى العربيه ال هو صوت موتور عالى فوق 120 وكذلك رعشه الفتيس وعرفت سبب المشكله من ايه كما ذكر اخويا وليد لكن فعلا العربيه فوق الممتازه فى توفيرها فى البنزين معايا لان معاى مانيوال وثباتها وشكلها الانيق عربيه وهميه مش بقول كده علشان معاى العربيه دى فعلا ده راى فى العربيه جميله جدا جدا بس اكيد اى عربيه فيها عيوبها ال بتتختلف من شخص للتانى لكن مش تؤثر على كفاءه وجمال السياره ...فعلا لو حد بيفكر فى عربيه ممتازه تبقى النيسان صنى كفايه موتورها يابانى

**ahmedshalaby250** · 17-12-2009 03:11 PM

انا اشتيت عربيتي من شهر يوليو ال فات وللاسف يا جماعه العربيه ممتازه عفشه وماتور وعزم وثبات بس يعيبها ان فيها حاجات بسيطه من باب التوفير بس بتهين شكل العربيه منها على سبيل المثال ان
الدهان بتاع العربيه ضعيف عن السيارات في فئتها لدرجه ان البوهيه ال عل الاكسدام الامامي لعربيتي اتاشرت وظهر تحتها الاكسدام بسواده وبامانه من غير اي حكات او خلافه
بالنسبه لموضوع الكرسي والتززييق ففعلا التزييق بتاع الكرسي بينرفز وانا رحت وللاسف كنت عند السروجي بركب كسوه للعربيه وشفت عنده كراسي اللانسر وقارنت بيه كرسي النيسان طبعا يا جماعه اللحامات في الكرسي من تحت شكلها معموله عند حداد مسلح ومش معزوله ولا متغطيه
بالنسبه لصوت الماتور ففعلا عالي بالمقارنه بالعربيات التانيه اما بخصوص سير الكاتينه فانا مش متاكد فعلا هل هوه جلد ولا حديد وهل ليه دور في الموضوع ولا ملهوش
بالنسبه لاحتراق الوقود فانا ملاحظ ان عربيتي بخلاف الدايو مثلا والانثر مبينزلش منها ميه من الشكمان ومعرفش ليه ومعرفش هل الحركه دي مقصوده ام انه احتراق غير كامل لان انا طول عمري اعرف الماتور الحلو لما ينزل ميه والعربيه دايره
ودعونا يا جماعه لا نهمل ان العزل الصوتي للعربيه وكمان التشطيب الداخلي وفرش الكراسي والارضات مش يالدرجه ال تشرف العربيه كونها اسمها عربيه ياباني

**mohamedhamam** · 17-12-2009 04:47 PM

جميل قوى ياجماعة يبقى مش كل مشكلة صغيرة تخلينا نقول و لكننا راكبين زيرو و لا تخلينا نشوه عربية الغالبية بيقولوا عنها محترمة نعم قد تكون هناك مشاكل صغيرة بس أكيد لكل مشكلة حل و ده اللى تعلمته من الهندسة مافيش مشكلة لا يوجد لها حل و لكن نسأل و نبحث عن الحلول و ربنا يسهل يعنى لو ذهبنا للتوكيل و عرضنا مشكلة تزييق الكراسى هذه أكيد لها حل و غيره من المشاكل لن أخوض فى تفاصيلها لكن عرض لهذه المشاكل بدون حلول تصبح سلبيات و مساوىء للسيارة نفسها و أى حد سيقرأ سيأخذ انطباع سيىء ممكن يؤثر على قرار شرائه لها و بالتالى سنضره هو و ليس السيارة و الهدف من مشاركتنا فى المنتدى تحقيق أقصى إستفادة ممكنة لجميع الاعضاء

**pharonicking** · 17-12-2009 08:47 PM

النيسان اللى هنا مفيش زيها برة فى دول الخليج """" مثلا الصنى بتنزل بشكل تانى خالص وتقفيل كورى اللى هنا تكنولوجيا قديمة وموديل قديم المفروض انتاجها يقف او يجددوه"

**د.محمود صلاح** · 19-12-2009 08:39 AM

أقوى عزل صوت لسيارة هو بلا منافس لصالح التويوتا

**javacoder** · 19-12-2009 10:37 AM

هى المشكلة فعلا ممكن تكون لأن الكرسى صناعة مصرية أنا نفسى مرة شفت سيارة ألمانى مدمرة بشدة من الخارج واضح انها اتقلبت من فوق طريق عالى مثلا و وقعت تحت و اتقلبت كذا مرة و كان كبوت العربية ضايع و لكن الصالون كان معدا الإصابة فيه طفيفة إلا الكرسى كان مكسور فواحد قاللى ان العربية دية بتتجمع فى مصر فبص الصالون كله أمان إلا الكرسى اتكسر عشان صناعة مصرى و عجبى...