إن شاء الله حاستلم لانوس بكرة

**baaaeldinn** · 16-12-2009 05:46 AM

ممكن أعرف من السادة الاعضاء أعمل إيه بالضبط من الالف إلي الياء

**SamerBassiouny** · 16-12-2009 09:14 AM

مبروك عليك و ربنا يكفيك شرها

انت مش حاتعمل حاجه غير انك بتعمل تشك على العربيه من انوار و مساحات و تكييف و تتاكد انهم ادوك الولاعه و كوريك و عدد 2 مفك و مفتاح عجل و الاربع طاسات

و طبعا ما تنساش الضمان و جواب المرور ممكن الضمان تستلمه بعد يومين تلاته بس اهم حاجه جواب المرور و فيه ممكن تتكتبها باسم اللى انت عايزو

اول حاجه تعملها بعد ما تستلمها تروح تحط بنزين لانها بيكون فيها 4 لتر تقريبا

و لو مش حتروح المرور في نفس اليوم يفضل تشتري غطاء للعربيه و تغطيها قبل ما تركنها بليل

**wael_dosoky** · 16-12-2009 10:29 AM

المشاركة الأصلية كتبت بواسطة baaaeldinn

ممكن أعرف من السادة الاعضاء أعمل إيه بالضبط من الالف إلي الياء

مبروك ويارب يعطيك خيرها ويمنع عنك شرها :
انا سبقتك من أسبوعين في الإستلام
اهم حاجة في جواب المرور انه مكون من ثلاثة ورقات لو هتشتري من معرض بره
الأول خطاب من gm إلي منصور شيفورليه بإنتقال حيازة السيارة منه إليه وهو ورقة علي الكومبيوتر عليها اختام gm وعليها ختم النسر من إدارة المرور
الثاني خطاب من منصور شيفورليه ببيع العربية إلي المعرض او الشركة إلي انت شاري منها وهو ايضا بيكون مختوم بختم النسر من المرور
الثالث فاتورة الشراء من الشركة او المعرض إليك ودي بيكون عليها ختم الشركة فقط
وراجع ارقام الشاسيه والموتور لازم يكون واحد في كل الورق
اما بالنسبة لتأخد بالك من ايه فأعتقد ان الزميل إلي قال لك في الرد الأول هو ده كل الكلام إلي انا عملته وربنا الموفق والمستعان
وانا رخصت وركبت فرش وركبت إنذار وهذا لأي إستفسار تمشياً مع سياسة هذا المنتدي الرائع الذي تجد تعاون فيه بين كل الأعضاء