ارض اربع قراريط مساحة 700 متر مربع مسورة بالكامل

**aboudelmsry** · 16-12-2009 06:36 AM

السلام عليكم ورحمة الله وبركاته

ارض اربع قراريط مساحة 700 متر مربع مسورة بالكامل بسور ارتفاعه ثلاثة امتار وعليها بوابة في طموه جيزة تبعد عن ميدان الجيزة حوالي 10 كم الارض متميزة فهي بحرية وهي في داخل قرية بمحافظة الجيزة وتطل علي شارعين واحد 12 متر والاخر خمس امتار وتبعد عن المنيب بحوال 6 كم وهي تصلح لبناء فيلا او مخزن او مشروع الارض في حرم النيل حيث انها تبعد عن النيل مايقارب 120 متر يعني اللي هيشتريها لو هيبني فيها هيكون مالك الشارع ال 12 مترومالك انه يري النيل ايضا لكن من الشارع الجانبي يعني فرصة حقيقية وحاجة لقطة ومن الواضح ان كل اللي بيبنو هناك بيبنو فلل والارض ليها مستقبل كبير حيث ان قرية منيل شيحة تبعد حوالي 2 كم عن طموه تباع فيها الشقة في ابراج فندق الماريوت بأسعار خرافية

سعر القيراط الواحد مائة وخمسون الف جنيه

الايميل

kapotsha.kapotsha@yahoo.com

الصور

دي واجهة الارض

وده ياجماعة الشارع الجانبي ونهايته هتكون النيل يعني اللي هيبني فيها فيلا هيشوف النيل من الشارع الجانبي وهيشوف ابراج الشرطة بتاعة المعادي في الناحية التانية وفي نفس الوقت هيكون مالك الشارع الامامي

ودي صور منازل بتتبني موجودة بجوار الارض

وفي نهاية الارض عالطول بيكون النيل

انا كمان ببني فيلا هناك اليومين دول خلف هذه الارض مباشرة

واغلبية قطع الاراضي او بعض المنازل والفلل هناك بيملكها الاخوة العرب الخليجيين

**emam** · 16-12-2009 09:11 AM

هى الارض دى قريبة من شارع الجيش ولا ايه ؟ ولا فى نهاية مصنع بتروجاس - انا عارف المنطقة عشان كان جيشى هناك

**aboudelmsry** · 16-12-2009 09:21 AM

ايوة الارض قريبة من شارع الجيش في نفس البلد

لكن الارض اقرب لمنيل شيحة

الارض دلوقتي في شارع الجيش بئت بالمتر والمتر وصل ل 2000 جنيه وماتلاقيش كمان ارض للبيع

من كام سنة كان شارع الجيش ارخص مكان في طموه

وسبحان الله تعالي شوف دلوقتي الفلل هناك بتتباع بالملايين

موضوع ابراج الماريوت بتاع المنيل رفع سعر الارض هناك جدا

شكراا اخي الفاضل لمرورك

**mahmoudysf** · 16-12-2009 05:46 PM

هل الارض دى ملكية مسجلة وهل السعر نهائي

**aboudelmsry** · 17-12-2009 02:35 PM

الارض ليها عقود صحة ونفاذ

ومسجلة في الجمعية وتكليف في المساحة باسم جدي الله يرحمه

يعني هيكون هناك كافة الضمانات للمشتري ان شاء الله

**mahmoudysf** · 17-12-2009 02:45 PM

هي الارض ماسكة من الاسلفت ولا فى شارع جانبي
ويا ريت السعر النهائي وان شاء الله جاد فى الشراء

**aboudelmsry** · 17-12-2009 07:24 PM

اخي الفاضل

الارض مش علي الاسفلت مباشرة القيراط علي الاسفلت حاليا وصل ل400 و500 الف جنيه

الشوارع الجانبية كمان هناك اربعة وخمسة متر

لكن الارض تطل علي شارع 12 متر

علي فكرة الارض كل مدي بتزيد

انا كنت عارضها من سنة القيراط ب100 الف

ولما جالي الزبون وخلاص كنت هبيع اعمامي واقاربي قالولي ان القيراط بئا ب150 الف جنيه وعندهم الزباين

بس انا اختلفت معاهم علي السمسرة لانهم طلبو مني سمسرة كبيرة اووي

دلوقتي القيراط حصل هناك 200 الف جنيه

بس من خلال السماسرة اللي بيغالو اووي في سمسرتهم وكأن الارض حكر لهم

انا لو تنازلت سوف اتنازل عن السمسرة وتكون في حدود المعقول

اي قانونية وليس مبالغا فيها

**mahmoudysf** · 18-12-2009 05:55 AM

شكرا على الرد
وان شاء الله احاول اظبط مع الوالد ونتفق معاك على ميعاد نشوف فيه الارض
بس يا ريت رقم التليفون للتواصل

**aboudelmsry** · 18-12-2009 04:09 PM

علي الرحب والسعة

موبايل

0124931724

**mahmoudysf** · 20-12-2009 01:46 AM

شكرا لحضرتك
بس انا اتاخرت عليك عشان الوالد قالي انو بيخلص فى قطعة تانية ولو محصلش نصيب فيها هكلم حضرتك

الموضوع: ارض اربع قراريط مساحة 700 متر مربع مسورة بالكامل

LinkBack

أدوات الموضوع

عرض

-

-

-

-

-

المواضيع المتشابهه

سلام مربع للاوبل ..

منزل للبيع دورين 184متر مربع بالصور

مخالفة مربع الاشارة بكام ؟

للبيع قطعه ارض 82 م مربع في اول فيصل بجوار المرور

الكلمات الدلالية لهذا الموضوع

المفضلات

المفضلات

ضوابط المشاركة