اي حد عاوز اي حاجة يقول للعبد لله و ما تقلقوش
اي حد عاوز اي حاجة يقول للعبد لله و ما تقلقوش
انا شفت فى السوق عربيتين جولف واحدة 1989 ومطلوب فيها 31 الف
والثانية احدث وشكل حلو قوى واربع ابواب ومطلوب فيها 40 الف
على العموم الجولف عجبانى قوى
لكن ما عنديش فكرة عنها خالص
عايز اعرف كل حاجة عنها
الله يكرمك
اعتبر انك بتعملى محو امية
عايز اعرف الموديلات
واسعارها
فهمنى قصة الجولف وكيف افرق بين الموديلات
ياريت لو فيه صور يبقى هايل
وكمان فكرة سريعة عن قطع غيارها
وافضل الموديلات فيها
انا كل اللى معايا 30 الف .... عشان ما تتحيرش قوى
فكر معايا
وقول لى تفتكر ممكن اشترى حاجة كويسة
ولا هاشترى اى حاجة وتتعبنى وخصوصا ان دى اول عربية لى وماعنديش اى فكرة عن اى عربية تانية
لكن الجولف انا حبيتها جدا جدا جدا
مع اطيب التمنيات
اخوكم حسين غزالة
من عينيا
1 - انا عايز ميكانيكى يشتغل فى جولف 1 ويكون استاذ
مستر سيد عبدو بتاع جسر السويس قالى مبشتغلش فى جولف 1 وقريب هبطل ال 2
2 - عايز كهربائى كويس برضو عشان العربيه فيها شغل كهربا كتير
3 - عايز فوانيس امامى جولف 2 - اشارات جولف 2 امامى - فوجات جولف 2
انا ساكن فى الهرم
ومستن ردودك
روح لسيد فكري فى المهندسين دا دكتور
هو فى ش متفرع من ش احمد عرابي
وقم تليفونة 0122792588
قوله انا جاي من طرف فادي اللي معاه الجولف البيضاء وهو حيعمل معاك الواجب
وادعيلي
انا زيه بالظبط
بردو صعبان عليا ادفع 30 ولا 35 ولا حتي 40
في حاجه غير جولف
وبجد محتار حيره ما بعدها حيره
انا قدامي دلوقتي 3 موديلات
جولف 2 ودي رينج 35 موديلات 89 و 90
وجولف 3 واحده بس علي 40 موديل 92
وبوينتر موديل 2006 علي 40
انا بقي كل يوم بحال
يوم اسمع ان البوينتر دي عربيه زفت وقطع غيارها مش متوفره
ومره الجولف 3 مش عارف الكمبيوتر بتاعها ماله وممكن يحصل حاجات فيه وتاني حاجه ان سعر 40 ده قليل اوي واكيد العربيه فيها حاجه
واخيرا جولف 2
الموديل قديم ولو جبته فيه شغل حيطلع عينكك وتفضل تصلح فيها طول عمرك وتسحب فلوس اااااد كده
وناس تقولك هات بولو وناس تقول هات لانسر كريستاله وناس تقولك هيونداي اكسنت اما خلااااااااااااااص
دماغي حتنفجر
حد يقول كلمته ياجماعه عشان انا والراجل ده نرتاح ونشتري بقي
بص انا شارى جولف 1 مش 2 وحاسس انى معايا عربيه احسن من الاكسيل والكلام الفاضى ده كله
والعربيه ماشاء الله مريحه وشبابيه ولذيذه جدا وبتاعت جرى
ما بالك بقى بالجولف 2 او 3 ؟؟؟
بوينتر 2006 .. شكلها مش حلو بس حديثه ومعنديش اى فكره عنها بصراحه
بس انا رأيى انت لو معاك 40 الف ممكن تعمل حاجه من 2
1 - تجيب bmw موديل من 86 ل 89 ال e30 وهتلعب فى 35 مثلا ويبقى معاك 5 احتياطى لو عايز تظبط فيها حاجه او تعدل حاجه على دماغك
2- تجيب جولف 2 على 30 الف ويبقى معاك 10 وساعتها تعدل فيها زى مانت عايز وهتبقى جامده جدا
وفى كل الاحوال انت مخرجتش من الالمانى وربنا يوفقك
يا جماعه انا معايا جولف 2 والعربيه مركونه من فتره طويله جدا علشان كنت مسافر .. المهم العربيه دلوقتي مبتتحركش من مكانها بالرغم من تغير البطاريه فأنا عايز اجرها لميكانيكي يظبطلي فيها كل حاجه ومش عارف اروح فين وانا ساكن في مدينه نصر
حد ممكن يدلني علي ميكانيكي جولف كويس وقريب
شكرا
معايا بيتل ------ و متابع الموضوع ده عشان انا مهتم جدا بموضوع تحويل جولف 1 الى 2 ممكن شوية اسئلة للجلفاوية اصدقائى
جولف ون لازم تكون حالتها كويسة و لا مش مهم اذ كنت هاعدل و معنى التعديل الى 2 ايه تغير الصاج يعنى ولا حجات تانية
اسعار الجولف 1 فى حدود كام
قدامى عربية جولف 1 سورى وحشة جدا ب 13 الاف جنية عايزة شغل كتير لو هاعدل الى 2 اهم حاجة فى العربية اية و تكلفة التحويل فى حدود كام يعنى تقريبيا اسف للاطالة--- ولو جبت جولف مش هابيع البيتل---