السلام عليكم لكل اعضاء المنتدى و بالاخص البريليانس طبعا
كان عدى سؤال فى ال frv هى فى بلاستكه تحت دواسه البنزين دى لزمتها ايه و لو بتتشال هتزود سرعه العربيه مثلا و لا ايه ياريت اى حد عارف حاجه يفيدنى
و شكرا
عرض للطباعة
السلام عليكم لكل اعضاء المنتدى و بالاخص البريليانس طبعا
كان عدى سؤال فى ال frv هى فى بلاستكه تحت دواسه البنزين دى لزمتها ايه و لو بتتشال هتزود سرعه العربيه مثلا و لا ايه ياريت اى حد عارف حاجه يفيدنى
و شكرا
دي بتلاقيها في اغلب الاوتوماتيك وطبعا لاء متشلهاش
لان دي بتعمل بيها الكيك داون لو دوست علي اخر الدواسه مرة واحدة
بتخلي العربيه تسقط نقلة وتشد اسرع بس متستخدمهاش بكثرة
يا جماعه ممكن يفيدنا
معنديش فكرة بصراحه افتكرتها اوتوماتيك انا اسف
السلام عليكم ورحمة الله وبركاتة
اولا انا شفتها فى عربيتى لاقيتها حديد ش بلاستك وطبعا خطأ ان حضرتك تشيلها وكمان عمرها ماهتزود السرعة ممكن تزود سرعة العربية عن طريق تزويد البوجيهات ب3 شمعة بدل من 1 شمعة ممكن تركب فلتر رياضى لكن لو شلت الحديده الى تحت دواسة البنزين
وعلى فكرة انا من يوم مافتحت الموتور مابقتش بمشى بالعربية ال1600 اقل من 200كم\س فى الدائرى
ولو معاك ال1300 بعد اما ظبط الزوايا عند واحد فى السلام عندة الجهاز الى موجود فى البفارية بقت بتجيب معايا ال200كم\س من بعد اما ماكنتش بتجيب غير ال180كم\س
واى سؤال انا تحت امرك
انا مش فاهم نفس الجمله بتاعت فتح الموتور
ياعينى 180 كم بس دا انت انسان قنوع فعلا و كويس انك صبرت عليها لغاية لما كبرت و بقت تجيب 200 كم :eee:
المهم الحركة دية ما تقصرش عمر الموتور مثلا أو تحرقه على اعتبار ان الشركة الأم المفروض عارفة ان الموتور مثلا يجيب 200 أو 220 كم بس تكون ظبطاه على 180 كم عشان يعيش , رجاء الإجابة لأنى أبيض يا ورد فى المواتير :shyy:
العربية بتجيب 200مية مية والله"
معلش يا خالد انا هسالك كذا سؤال و هتعبك معايا
هو انا ممكن كده بمزاجى اغير البوجيهات بغيرها مش بتوعها
و انا و النبى نفسى افهم يعنى ايه تفتح الموتور عشان انا سالت كذا مره و ما حدش فهمنى و انا لو ما فتحتوش قبل كده ممكن يتفتح دلوقت و لا خلاص مع العلم انى عامل 30000 كم
و بعدين هو الفلتر بيزود السرعه و لا ايه بس هو بيتهيالى بيعلى صوت العربيه
و معلش كمان هى الزوايا ليها دعوه بالسرعه و ياريت تقول على الراجل اللى انت ظبطت عنده الزوايا عشان فى التوكيل بيستهبلو بيعملوها ب 250 جنيه
و فى حاجه كمان انا بقيت بلاحظ ان العربيه لحد ال 120 بتيجى بسهوله و من ال 120 لغايه 140 معقوله من 140 لغايه 160 بطيئه جدا دا لدرجه كان واحد صاحبى بيشد معابا على الدائرى بجولف بس 1000 سى سى و كان سادد معايا جدا مش عارف ده عند كل الناس و لا ايه
و انا كنت بسال هى البلاستكه او الحديده دى لزمتها ايه اصلا
و بجد انا اسف طولت عليك جدا بس انت شكلك فاهم و يا جماعه اللى عنده معلومه يقولها برضه
السلام عليكم ورحمة الله وبركاته
ازيك يا محمد عامل ايه وايه اخبارك
وانا ححاول افيدك من نحيتى على قد علمى لغاية مخالد يرد
البوجيهات ممكن طبعا تغيرها انت مش صعبه بس اللى راكبين فى العربيه فعلا ادائهم حلو جدا.
وبلاش موضوع والنبى ده قول بالله عليك ربنا يبارك فيك
فتح الموتور ده ببساطه بتاخد العربية فى طريق طوالى وتجرى بيها وتحرق على الغيارات بحيث انك تمشى بسرعة عاليه لمسافة طويله بس خد بالك فى التأنى السلامه..
موضوع الزوايا ده ياريت خالد يفيدنا كولنا فى الموضوع ده.
موضوع سحب العربية فوق ال140 انت عامل كام كيلو بالعربية لدلوقتى ممكن تكون محتاج تغير فلتر هواء ولو مكنش ممكن تنظفه بالهواء وده حيغير سحب العربية .
اما البلاستيكة فأنا معنديش فكرة واللى عندى هيا حديده تحت زدواسة البنزين.
وبالتوفيق
ياجماعة لو حد عايز يروح عندة قولولى وانا هقولة على العنوان لانى مش عارف اكتبة
بس كل الى اقدر اقولة انه فى مدينة السلام بجانب الحرفيين
ازيك يا مصطفى باشا اخبارك ايه انا متشكر جدا على ردك و رد خالد كمان و فعلا الناس هنا كلها محترمه و بتساعد بعض و انتوا الاتنين بالذات و لو تفتكروا احنا التلاته من اوائل الناس اللى كنا بنكتب عن ال frv المهم انا برضه لسه عندى استفسار بخصوص تفتيح الموتور انت قصدك يا خالد انى اطلع بالعربيه على الاول و ال rpm على 6000 و امشى بيها على 200 لمده اد ايه و ياريت عنوان الراجل اللى انت عملت عنده ترصيص و ظبط زوايا بس هو فعلا الزوايا بتفرق فى السحب و فلتر الهوا لو محتاج يتغير ياثر على السحب برضه
وشكرا
و معلش حاجه كمان يا خالد هو انا عامل 30000 كم يا ترى كده خلاص ما ينفعش افتح الموتور مع العلم انى كنت ساعات بجيب 195 سرعه و بعيدن اعرف انه اتفتح خلاص ازاى
هو مافيش حد هيرد و لا ايه
طب فين خالد و مصطفى
فين باقى الناس
لا انا قصدى ان حضرتك تحضر الموتور وتجيبة rpm 6000 وهيا واقفة وتكارك بنزين كتير
بعد كدة تطلع على الاول لغاية rpm 6000
وبعد كدة التانى لغاية rpm 6000
لغاية الخامس
وتمشى عليها لمدة وتقرص عليها جامد وتشد بيها جامد كام مرة كدة وبعد كدة هتبقى ان شاء الله كويسة
ازيك يا محمد وازيك يا خالد
اخباركو ايه
ومبروك يا خالد ربنا يتملك على خير واكيد احنا معزومين
يا محمد انا تحت امرك فى اى استفسار بس بجد مكنش عندى فكرة عن موضوع فتح الموتور بعد معملت 30000 علشان كده مرديتش افتى؟؟؟
وعموما انت معاك تليفونى وتقدر تتصل وتحت امرك فى اى شئ
وكل عام وانت بألف خير
مصطفى باشا انا على طول عاملك ازعاج كده و انت اخبارك ايه عاوزين نتقابل بجد يا جماعه مش هينفع كده
انا كنت بس عاوز اعف انت ممكن تفتح الموتور بعد ما مشيت بيه 30000 كبلو و ياريت يا خالد عنوان الراجل بتاع الزوايا
معلش اسف على التأخير
اسم المركز (عادل اسو)
العنوان(مدينة السلام متفرع من طريق بلبيس الصحراوى بجوار المزرعة)
رقم الموبيل (0188018858-0128327126)
شوف يا استاذ محمد انا بصراحة معرفش اوي في حوار فتح الموتور ده بس علي حد معلوماتي ان 30000 كم كتير حبتين وعلي ما اظن ان الموتور اطبع خلاص وهيبقي صعب اوي يفتح معاك بس انا ليا سؤال عند حضرتك انت عايز تفتحه ليهه؟؟؟؟؟؟!!!!!!!!!!!!!!!! يا جماعة السرعة الزايده مش حلوه و ربنا يستر طريقنا كلنا و يكفينا شر الحوادث
طب يعني هو سحبها بيبتدي يقل من سرعة كام??? و علي العموم نستني خالد لما يرد لأنه اكتر واحد ممكه يفيدنا في الموضوع ده و ازاي اعرف ان الموتور اتفتح هحس بأيه يعني بس ياريت حضرتك توضح السحب بيقل بعد سرعة كام?
نصيحة منى ليك انك ماتفتحش الموتور عشان انا من يوم مافتحته وانا بقيت زى المجنون وبقيت راكنها علطول وبخرج بال١٣٠٠ عشان اتلم من سرعة الجرى العالية لانى معظم الوقت بمشى بيها ١٨٠كم/س وكمان ٢٠٠كم/س فالحمد لله ربنا يهدينا ويهديكم
فعلا ماعتقدش ان هيبقى سهل فتح الموتور بس هيتفتح
ونصيحة بلاش تفتحة
هو السحب بيبتدى يقل من بعد ال120 لدرجه ان اى حد بيعدى منى لو بشد معاه و يا خالد لو هو صعب دلوقت بس ممكن امشى اد ايه زى ما انت قلت قبل كده عشان افتح الموتور يعنى اما احرق على الغيارات كلها و اجيب 200 امشى اد ايه عليها