المشاركة الأصلية كتبت بواسطة engehab
السلام عليكم
وعليكم السلام ورحمة الله وبركاته
ولكن لدى استفسار وحيد بخصوص صوت الموتور
بحس انه عالى جدا اكتر من الازم لدرجة انه اعلى من موتور ربع نقل شيفروليه فهل ده طبيعى فيها ولا فيها مشكلة
لو زي ما انت بتقول يبقى فيه مشكلة .. بس افتكر انك
بتبالغ شوية علشان التشبيه _على العموم يا أخى اطمن
بعد التليين ها يقل كتير .. وبعدين صوت الماتور حلو و هو عالي كدة ( وجهة نظري ).
الاستفسار الاخر بخصوص الجنوط لان السيارة فيها جنط 15 والسيارة عالية جدا وده ممتاز بالنسبة للطرق بنت 60*70 بتاعتنا ولكن اعتقد انه بياثر على استقرار السيارة على الطريق فى السرعات العالية والمناورة بيها والغرز الخ
فهل تركيب جنط 14 عريض هيكون افضل فى الاداء ام لا واذا كان افضل وهيعطى ثبات واستقرار اعلى ايه المقاس المناسب بالتحديد للسيارة ومتوسط الاسعار
اياك ثم اياك .. أوعى تعمل كدة .. ياراجل دة المقاس 15 بوصة
يعنى العربية محسوبة على كدة هندسيا _ يعنى المساعدين و العفشة
اللى بيتحملوا الصدمات مصممة على المقاسات دة ... فما تغيرش حتى لو هاتحافظ على القطر بتاع العجل
ملحوظة هامة
أتاكد من ضغط العجل جايز انت ما ضبطوش وهو دة اللى محسسك بالخشونة شوية علشان هى كويسة فى الثبات والمناورات بالبور التحفة بتاعها دة
تحياتى