بالظبط كدة بعد غسلة تمام للعربية وبعد تنشيفها كويس (لازم تنشف طبعا ) وبعد كدة تبدأ العمل ترج الزجاجة تحط شوية من السائل على القطنة وتدهن كل حته فى العربية على حدة ممكن تدهن الكبوت والرفارف والاكصدام (متجبش الواكس على الفوانيس ولا المرايات ولا اى حاجة فيبر او ازاز عشان بيليط ممكن الجزء اللى فى المراية دهان دة ماشى ) بعد ما تخلص ترجع لاول نقطة وتبدأ تمسح السائل بقطنة ناشفة او سفنجة نضيفة وطرية بعد لما نشف وتفاعل مع الدهان وتكرر الموضوع مع السقف والبيبان اللى ورا والشنطة طبعا حتلاقى العربية نورت وحتلاقى دهان العربية بقى ناااااااعيم والتراب قل تجمعه على العربية
انا جبته ب 85 جنيه وفى منتجات تانية بتكون فيها طبقة التشميع اكتر بس اغلى على العموم انا راضى عنه حتى الان بينى وبينك انا مش بعرف اركب العربية وهى مش نضيفة بحس فى حاجة غلط دى راحة نفسية وتاكد انك لو مرتاح نفسيا لعربيتك ان شاء الله عمرك ما حتشتكى منها حتى لو ظهر فيها مشكلة حتحس انها عيانة وعايزة تتعالج هههه يا رب اكون قدرت اوصل اللى انا عملته وربنا يباركلك فى لوجى يا باشا