تقرير عن الالنترا 2010 بعد 2000 كم
احب اشاركم معايا التقرير ده بعد 2000 كيلو سواقه
اولا انا جبت العربيه بعد ماكنت راكب لانوس 2007
1- الرحابه والصالون الواسع مع الالوان المتناسقه البيج مع البني المحروق اللي هوا شيه الرمادي
2- التكيف مجربتوش قوي لاننا في الشتاء
3- العفشه فوق الممتازه بالنسبه لاني كنت راكب لانوس
4- عزل الصوت الخارجي ممتاز
5- الباور اللي هوا نقطه الخلاف في المنتدي انا مش شايف اي عيب فيه الباور على السرعات العاليه اداؤه فوق الممتاز مفيهوش اي عيب تحس ان العربيه عاوزه تمشي طوالي
6- استهلاك البنزين اقل بكتير من الانوس بتعمل حوالي 13.4 كم لليتر داخل البلد
7- بخصوص انها واطيه من ورا انا شايف انها اعلي من الانوس لاني بعدي على نفس المطبات اللي كنت بحك فيها بالانوس وبنفس الحمل من غير ماتحك مني
8- الصيانه رحت غبور قليوب بعد 1000 كليو عالم محترمه واداني بقيت جركن الزيت لانه بيحط 3.5 كيلو بس
بصراحه انا مش شايف اي عيب في العربييه من اللي الناس بتتكلم عليه
وده عباره عن تقرير على قد خبرتي في العربيات لاني شايف بعض الافتراءات على العربيه دي
ولكم من جزيل الشكر