الموضوع: عايز أركب سوبر شارجر- كيا برايد سيدان

المشاركة الأصلية كتبت بواسطة beeso

بص هي فكرة حلوة إنك تركب سوبرشارجر عشان سواء هو أو التربو هايلين بنسبة للعربية وفعلا ممكن تلاقي عند عادل وجدي أو يطلبهلك بس فيه حاجات كتير قوي فعلا محتاجة تتغير في العربية لو عاوز تحس بفارق جامد أنا عن نفسي كنت ركبت تربو قبل كده في عربيتي ال bmw m40 بس كانت تجربة فيها نسبة من الفشل وشلته في الآخر عشان شوية مشاكل

بص أولا لو احنا حنفترض إنك مش حتغير حاجة فعربيتك يعني الموتور يبقى ممكن أقولك مبدئيا إيه هي الحاجات اللي محتاجها :

1. لو إنت حتركب سوبرشارجر مش تربو يبقى لازم تعرف هو أنهي حجم اللي حتجيبوا (air inlet/exit) وده في عومل كتير قوي منها el-engine compression ratio في موتورك كام (أنا اعتقد إنه مش حيكون أقل من 1:13) يعني من الاخر مش حتعرف تعلي elboost pressure عشان ماتسيحش البساتم فالافرق مش حيكون وهمي
2. لو إنت خلاص حددت الحجم بناء على اللي قلتهولك يبقى لازم تظبط مكانه في الصدر بمعنى تتأكد إنه له مكان (معرفش حوض البرايد واسع ولا لأ )
3. لازم تتأكد إنك حتعرف توصله oil lines من الموتور إذا كان oil cooled بس إنما لو هو water cooled كمان يبقى لازم تحط الكلام ده برده فيعتبرك (لازم يتعمل خرم في البلوك بتاع الموتور أو تاخد من عند مقاس الزيت وبرده تعمل خرم في الكارترة عشان الراجع بتاع الزيت
4. ممكن لو العربية حرارتها عليا تحتاج تركب oil cooler وطبعا حتحتاج تركب intercooler عشان elsupercharger
5. برده حتحتاج العدادات ده oil pressure , oil temp , boost pressure على الاقل.
6. خط هوا يروح من الفلتر أو صدر العربية للسوبرشارجر/تربو وخط تاني لحد الموتور (معرفش في airmass meter في عربيتك ولا لأ عشان لو عندك يبقى لازم الهوا يعدي عليه عشان العربية تمشي كويس معاك ) موضوع وصلت الهوا ده كان من أكبر المشاكل اللي واجهتني فامتستهونش به وفكر فيه كويس
7. حتحتاج شكمان catback يعني نوع معين من غير مصافي وداه موجود بس غالي شوية
8. معرفش إذا كان السوبرشاراجر بيركبله زي turbo timer ولا لأ (بيتهيألي لازم)

بيتهيألي أنا حاولت اشرحلك إيه اللي إنت محتاجه عشان بس تعرف إنه مش سهل زي مايابن بس هو جميل وانا أعرف كذا واحد من صحبي مراكبنوا وبصراحة هايل بس الموضوع حيحتاج مجهوود رهيب

أرجو أكون افدتك

شكرا

شكرا علي المعلومات الجامده ديه بس انا كده اتعقدت مش عايز تربو ولا سوبر اتشارجر هركب

مكنه وعافشه سبور وكده تمام اوي تخدمني لو تعرف نوع مكنه يتركب في الكيا برايد وعفشه
سبور وشكرا

المشاركة الأصلية كتبت بواسطة oshaaa

شكرا علي المعلومات الجامده ديه بس انا كده اتعقدت مش عايز تربو ولا سوبر اتشارجر هركب

مكنه وعافشه سبور وكده تمام اوي تخدمني لو تعرف نوع مكنه يتركب في الكيا برايد وعفشه
سبور وشكرا

بصراحة مش عارف عشان أنا خبرتي في كيا شهرين بس