صمام تهوية علبة المرافقpcv

**zanativich** · 16-12-2009 07:12 PM

انا عنى فى كتيب الصيانة تغيير pvc كل 30000كم
بس انا مش عارف هى اية ؟
رجاء حد يفهمنى
وشكرا

**samirayad** · 16-12-2009 08:41 PM

ببساطه شديده
pcv
هى أختصار لمصطلح أنجلش positive crankcase ventilation
اللى أنت كاتب عنوانه
يعنى تهويه جبريه لعلبة المرفق
والمرفق ....ده أيه
ده عمود الكرنك
وأيه العلبه اللى بيبقى فيها عمود الكرنك ....بطن المكنه من تحت وبنغطيها بغطاء الكرتير

نيجى بأه لموضوعك

أنظمة تهوية علب المرفق نوعين
1- نوع طبيعى وده نوع قديم بياخد خط الفائظ مباشرة من البلوك الى فلتر الهواء مباشرة أى خط فائظ طبيعى
هنا بأه بيبقى فيه شوية كسل فى تحريك الأبخره والغازات من داخل الكرتير لخط سحب المكنه وبالذات لما بيحصل سدد وقلق شويه فى خط الفائظ وده بيأثر على حرارة المكنه وغيره

2- نوع جبرى (زى اللى عندك ) أى خط فائظ جبرى
ببساطه بيتم أخد شوية هواء نظيف من بعد فلتر الهواء
نوديهم للكرتير
الهواء النظيف ده بيختلط بالأبخره جوه الكرتير
وبعد كده يتم أرسالهم من خلال ماسورة أو خرطوم تخلخل الى مجمع سحب المكنه
على الخط ده موجود بلف ال pcv
اللى هو صمام عدم رجوع تقريبا بيسمح بمرور الغازات المختلطه بالهواء النظيف من الكرتير ( وده من خلال خط الفائظ الجبرى اللى قولنا عليه الى مجمع سحب المكنه )

دى فكره مبسطه من خلال قرا ءت سابقه

ولو دخلت الموسوعه الحره للمعلومات
وعملت سيرش عن الموضوع ده
حتلاقى معلومات كتير تفيدك أكتر

**ahmedyehia515** · 17-12-2009 09:09 PM

و الله أنا لما شفت الموضوع كنت فاكر أنو صاحب الموضوع بيسأل على ال PVC " نوع من المواسير" . بس بعد ما شفت رد الاستاذ samirayad فى حاجة واحدة ينفع أعملها