لانسر 1600 اوتوماتيك ولا ياريس 1300 اوتوماتيك
ايه رايكم اشترى لانسر 1600 اوتوماتيك ولا ياريس فول اوبشين 1300 اوتوماتيك
انا عارف ان المقارنه بين 1600 و1300 وكمان اوتوماتيك هتكون فى صالح الانسر 1600
بس انا واحد من الناس بحب التويوتا عموما وبقول ان تويوتا محرك وعفشه وعمر افتراضى اطول من الانسر
بس مشكلتى مع الياريس ان التابلوه بتعها مش عاجبنى
الانسر ماركه مش بطاله ماشيه وبياعه وشكلها حلو برضو
الميزه الوحيده الى شايفها فيها عن الياريس هى ان محركها 1600 وكمان فتيس cvt
ده غير استهلاك الياريس للبنزين احسن من الانسر
ايه رأيكم ؟؟
لما ممكن تركب جديد، ليه تركب قديم؟؟
يا جماعة أنا شايف إن الإختيار صعب لأن الإختيارات المتاحة متقاربة جداً. بس رأيي إن الجيدد جديد برضة و كل الأجزاء بتاعت العربية جديدة يعني مسش هيقعد يغير كل شوية في حاجات. دة غير إن الجديد ليه بهجته، وتكنولوجيا أكثر تطوراً. طالما معاه فلوس ليه ما يبسطش نفسه.
حاجة كمان مهمة: إن شوارعنا و(لا حتى الطرق الخارجية) محتاجة أكثر من 1300 cc. الرادار على الطريق وكمان الزحمة الغريبة على الطرق السريعة.
ربنا يوفقه في إختيارة يا رب وما يندمش عليه.