امبارح حصل انفراجة جديدة فى هذة السيارة فبعد كل هذة الفترة من البحث عن مزيد من السيارات وجدت ان هذه السيارة هى افضلهم فبينما انا كنت استعد للزهاب علشان اشوف فيكترا 97 جاتنى مكالمة من الوسيط فى العربية دى بقوللى خلصتلك العربية على 75000 وعلى الفور ضبطت معه ميعاد لفحص السيارة عن طريق فنيين خاصين بى وبالفعل فحصنا السيارة فحص مالوش حل واتضح ان هذة السيارة دواخل ولا كلمة وحوض وشنطة من شدة نظافتهم ظن احد الفنيين ان تكون مغيرة نص ولا حاجة ورفعنا السيارة ووجدناها فعلا ممتازة واتوكلت على اللة وخلصت فى العربية والراجل على فكرة يعتبر جار لى فى مكان العمل واعطانى مع السيارة حاجات كان جايبها من برة مع شغلة لأنة بيستورد مكن حقن ومكن بلاستك والحاجات هى طقم صالون الكراسى والكنبة بفرش جيد جدا واربع ابواب بالزجاج بالمكن الكهربا بالفرش الداخلى بالزرار يعنى تشيل وتركب على طول مع ان الابواب اللى فى العربية ولا كلمة فيها وكمان سقف ورفرفين خلفيين بستارة الشنطة بباب الشنطة بالفوانيس بالاكصدام ومعاهم تنك بنزين كمان والكاوتش والبطارية لسة راكبين من حوالى شهرين وبعد ما خلصت فى العربية طلعت بيها فى صباح يوم الاربع 6/1وقرصت على العربية لما جبت بيها 160 على طريق العبور ومالحقتش ازود علشان الطريق قصير لكن ثبات السيارة روعة وسحب رهيب وفرامل تحس انها absوعفشة جيدة جدا والعربية سنتر هواء وتكييف تاتش محتاج شحن والطابلوة فية بعض التشققات العربية بيضاء يا ترى اية رأيكم يا اهل الخبرة فى هزة السيارة