الموضوع: عملت حادثه يا رجاله

حصيلة الملف المشئوم فى يوم واحد بس ,يوم الخميس اللى فات

# فيرنا الساعه 8 ص نفس الحادثه بتاعة محمد باللمللى بس اللى متغير إنها حضنت الرصيف بوشها وطلعت فوقيه ووشها راح خالص ودنتها مركونه يوم

# فيرنا تانى ساعة العصر


# آخر وحده قدام عينى , بيجو 504 ماشيه فى زفه وعماله ترقص الرقصه المعتاده وعند نقطة الملف, اللى سايق فجأه فقد السيطره وهووووووووووووووووووووووو وووووووووووووووووب ويروح لابس فى تاكسى شاهين من اللى راكنين عالشمال و من قوة الخبطه طلع التاكس فوق الرصيف



[frame="5 50"]ياريت كله يخلى باله [/frame]



وفى حل ظريف قوى أنا بعمله ومن كتر ما عيشت فى الوهم معاه بقيت مصدقه

الحل هو التخيل
أيوه التخيل مش بهزر جربوا ومش حاتخسروا حاجه

أول مرتين تلاته هيبقوا صعبين بس بعد كده الموضوع حايبقى سهل خالص وبعد شويه هاتدمنه








البدايه من ساعة متشوف نادى الشرقيه على يمينك تخيل إنك فى دوله محترمه بتحترم العقل وتقدر البنى آدم

تانى حاجه قدام نزل الشباب على يمينك برضه تخيل إن المنطقه اللى داخله من الشارع وواخده حته من الرصيف , ممنوع فيها الإنتظار ومتخططه بخطوط صفراء مايله ومخصصه فقط للأتوبيس والزفت الميكروباص.

تالت حاجه قبل كوبرى المشاه علطول تخيل إن فى إشاره ,قبليها عين القط من النوع الحنين على العجل وكمان مش من النوع الصينى اللى بينور أحمر وأخضر ويبوظ بعد كام شهر ( كله على حساب صاحب المخل) وبعديها خطوط بيضاء من بتاعة عبور المشاه بس تكون من النوع الثابت مش اللى متخفف بمايه ويبهت بعد كام شهر(على حساب صاحب المخل برده) . الإشاره دى هيعدى من قدامها الناس والمرضى والمعاقين واللى شاغالين فى المستشفى بإحترامهم من غير بهدله وقلة قيمه

رابع حاجه تخيل إن مدخل الشارع اللى بعد نادى الشرقيه زى الفل, النقره المقرفه اللى موجوده فيه بقالها خمس سنين إختفت و العمل الفنى الزباله برده إختفى (حاطيين أربع أسود مبتسريين وعندهم تخلف عقلى وعته مغولى) , ولو ميكرباص إتجرأ ونزل حد فى الحته دى يروح ورا المجره


خامس حاجه تيجى تبص على شمالك عند نادى الشرطه تخيل إن كل شىء مضبوط ومفيش بوكسات راكنه صف تانى و لا إشارتها مكسره ولا المجند اللى فيها يروح كاسر يمينه من غير ما يبص . وكمان ياريت تتخيل إن نادى الشرطه مغلق ووعليه يافطه كبيره مكتوب عليها

إلى كل أهال الشرقيه
حرصا منا نحن رجال الشرطه على راحة المواطنين وتخفيفا من أعباءهم

فقد قرر السيد مدير أمن الشرقية هدم نادى الشرطه ونقله إلى مكان آخر لما يمثله من عبء مرورى على طريق الكورنيش فى هذه المنطقه الحيويه خصوصا عند المناسبات والأفراح
كما سيتم بناء كوبرى على الترعه على نفقة إدارة المرور من حصيلة المخالفات وذلك لتحقيق سيوله مرورية خصوصا لسيارات الإسعاف وتخفيف العبء المرورى عن الكوبرى السابق له ( كوبرى الحصان العارى) وإلغاء الإشارة المزعجه الموجوده عند مدرسة الثانوية العسكرية

الشرطه والشعب فى خدمة الوطن

سادس حاجه عند مدخل الطوارىء , تخيل إن فيه منطقه مخططه بالأصفر المائل وممنوع الوقوف فيها أصلا ولا حتى الوقوف المؤقت (مره إتعطلت خمس دقايق كاملين وأنا بنقل مريضه فى الإسعاف كانت فى حاله حرجه جدا وقلبها على وشك التوقف علشان سواق تاكس قدام مدخل الإسعاف بينزل كذا ست وعيالهم وعمالين يتخانقوا على الأجره )



سابع حاجه عند الملف المشئوم , تخيل وجود مطبين(واحد عند مخرج المستشفيات والتانى عند مخرج الجامعه) لعبور المشاه وتهدئة سرعة السيارات وبكده لما تيجى تقرب من الحته دى تهدى علشان المطب التخيلى . (على فكره مطب عبور المشاه مش بيبقى زى أى مطب والسلام ,لأ ده بيبقى ليه معايير خا صه . بيبقى على شكل المصطبه طوله4 متر وعرضه بعرض الشارع كله وإرتفاعه بإرتفاع الرصيف بتاع ضفتى الشارع وبكده المشاه مش هانزلوا ويطلعوا ).


وبعد ماترسم الحاجات دى فى خيالك حتلاقى نفسك إتوماتيك بتهدى رحمة بالناس والمرضى عند كوبرى المشاه ( الإشاره التخيليه) وبتهدى فى الملف (علشان المطبات التخيليه)




وربنا يستر



عواد8760

متشكر جدا لحضرتك وربنا يسترها علينا كلنا