ما الذى يحدث فى مصر

**kareemhisham** · 17-12-2009 02:31 PM

المشاركة الأصلية كتبت بواسطة ehaballam

أنا يمكن مش فاهم فين المشكلة مش برده من واجب الحكومة الرعاية الصحية للشعب .... أصلها يا جماعة مش صدقة منهم ولا احسان ...
وخصوصا للناس اللي متقدرش ...ماهو ده المنطقي

تمام محدش قال حاجة ..

بس الصورة الى فى دماغ كل الناس ان الحكومة مهملة فى حق كل المواطنين و ان مفيش حد بيعبر الطبقة الفقيرة

**ehaballam** · 17-12-2009 02:47 PM

وهي فعلا كده ....
بص حواليك حتشوف ومش محتاج أقولك

**momoneer** · 17-12-2009 05:16 PM

بكرر مرة تانية انا مش بدافع عن الحكومة

بس امريكا مافيهاش أدوية ببلاش
ومرة كنت بعمل شات مع واحد من امريكا كان بيشتكى ان اسعار الدوا غالية وان الليله فى المستشفى بألف دولار و الفقير ما بيتعالجش
وان اوباما عايز يعمل تأمين صحى لكل المواطنين بس الأغنيا رافضين علشان كده هياخدوا فلوس منهم علشان علاج الفقرا وده نظام شيوعى
وعلى فكرة كمان
على اطراف نيويورك فيه احياء عشوائية بيعيش فيها السود فيها مخدرات ورزيلة وشذوذ ومع ذلك مش بيطلعوها كل شوية فى التليفزيون زى الاستاذ عمرو الليثى ما بيعمل

جزء كبير من مشكلة مصر فى الاعلام اللى خلى شكلنا زى الزفت قادم العالم والدول العربية على الأخص
فيه مثل بلدى بيقول (ماتنشرش غسيلك الوسخ برة)

ومع ذلك الحكومة طبعا مقصرة
مفيش ديموقراطية
مفيش اهتمام بالعلم
مفيش قدوة للشباب
مفيش مشروع قومى

**MoToRiZeR** · 17-12-2009 05:48 PM

أحياء الجريمة في أمريكا بتتجاب في الإعلام و في الأفلام و في الوثائقيات و في الأغاني كمان بدليل إن انا و حضرتك عارفنها و انا عن نفسي مرحتش نيويورك قبل كدة.

مسألة نشر الغسيل برة دي خلاص راح زمانها .. دلوقت العالم كله علي منشر واحد.

**momoneer** · 17-12-2009 08:24 PM

بتيجى فى الأفلام والأغانى
زى العشوائيات عندنا لما تطلع فى الأغانى الشعبية
لكن مفيش برامج امريكية بتشحت على الأحياء دى وتنادى المسؤلين وتولول وتهلل
انا بس قصدى الحاجات دى المفروض غير المصريين ما يشفوهاش

**mahamedaraby** · 17-12-2009 08:34 PM

انت بتكلم فى معدل الوفيات اقل

وزاد معدل عمر الانسان مش فاكر لحاجه و 70

يعنى ده كله اهتمام بصحه الانسان

هى مشكله الزياده السكانيه الكبيره هى اللى بتلتهم اى اصلاح

وطبعا غير السرقه والوسطه والكلام ده

والله كفايه ان بعد كل الحاجات اللى بنشوفها من غش و سرقه تلاقى حاجات زى دى بتحصل فى البلد

امال بقى لو مشينا صح ومبقاش فى سرقه هيبقى حالنا ازاى

لك الله يامصر

**midnightman_74** · 17-12-2009 09:29 PM

اللى بيحصل فى مصر هو استعداد لانتخابات مجلس الشعب 2010 اللى هيكون ليها تاثير كبير اوى فى انتخابات الرئاسة 2011 على حسب الدستور المعدل

**amrbakly** · 17-12-2009 10:15 PM

ولا اي حاجة

انت متخيل دوا بتلاتة مليون جنية في الشهر دة رقم ؟

يا راجل دة لو عيش حاف مدعم من بتاعنا دة ( اللي و الله ما يرضي كلاب الشوارع تاكلة برة) عايز اكتر من الرقم دة علي الأقل حط جنبة 4 و 5 اصفار كمان

و بعدين انا عايز اقولك و بمنتهي الصراحة لازم الناس تاخد اكتر من كدة لأننا في مصر بندفع ضرايب مرعبة علي عكس ما الناس متخيلة

لو حسبت الضرائب علي كل شئ حتلاقي نفسك لا تختلف كثيرا عن السويد و النرويج اللي الناس بتدفع فيها 50% ضرائب علي الدخل، بس احنا بقي بندفعها بطريقة تانية ، شوية في جمارك شوية في ضرائب مبيعات شوية في اربع خمس ضرائب بتدفعها علي السلعة الواحدة

بالأضافة بقي إلي مصاريف الجهات السيادية ...... أنت عايز اية يا راجل لما يطلع السيد وزير المالية يقول في التلفزيون أن كل عائد قناة السويس بيروح لجهه سيادية كمصاريف اللي هو في أدني مراحلة بيكون تلاتة مليار جنية

و بعدها مستكتر 3 مليون في الشهر علي الغلابة

**ainshouka** · 17-12-2009 11:03 PM

المشاركة الأصلية كتبت بواسطة momoneer

بسم الله الرحمن الرحيم

أولا : انا مش تبع الحزب الوطنى ولا بطيق اسمه
بس فيه حاجات بتحصل فى البلد انا مستغربلها

انا صيدلى و زوجتى صيدلانية تعمل فى الحكومة ( تبع وزارة الصحة )
وكل شهر يجيلهم دوا بحوالى 3 مليون جنية ويطلع فى القوافل الطبية ببلاش فى القرى الفقيرة
وكل اسبوع يطلع قافلة طبية فى المحافظة
الدوا فيه كل ما تتخيلوه من ادوية ضغط وسكر
الى فيتامين سى وكالسيوم و أدوية كتير اسعارها غالية
دول حتى بيوزعوا واقى ذكرى !!! ايه الدلع ده؟؟

وانا فى الصيدلية ( صيدلية خاصة )
بشوف ناس جاية من مستشفى الصدر والطفل
ومعها ادوية واخدنها ببلاش من المستشفى غالية جدا
اخرهم مضاد حيوى اسمه كلاريثرو ب 40 جنية !!!
تخيلوا
واحد يدفع 3 جنية
يكشف وياخد علاج ب50 جنيه
ومع ذلك مش عاجبنا
مش عارف العيب فى مين
هل فينا
ولا فيهم ؟؟؟
ولا انا فاهم غلط؟؟؟

انا مستغرب جدا من كلام حضرتك

لان انا كنت شغال فى وحدة صحية فى احدى الارياف اثناء فترة التكليف بتاعتى كنت بشوف العجب اغلب ادوية الاطفال الشرب غير موجودة وان جاءت تأتى بكميات قليلة لاتكفى مدة الشهر
كانت هناك فترة تمر علينا كان لايوجد زجاجات شراب خافض للحرارة او مضاد حيوى محترم حتى

تخيل طفل حرارته مرتفعة ومش لاقينله اى دواء خافض للحرارة ومكانش موجود غير الامبسيللين 250 وهو مضاد حيوى ضعيف
لما وحدة صحية لايوجد فيها سوى الامبسللين كمضاد هل تظن انه سيأتى بأى فاعلية بعد ذلك
وعندما يأتى تفتيش ويجى يفتش على الدفاتر والشغل واجى اقوله ان فيه ادوية كتير ناقصة ومش موجودة ويقولى اكتبلى لستة بالادوية الناقصة اللى انت عاوزينها فى الوحدة واكتب ومفيش اى نتيجة

ونروح المخازن يقولولنا اصل مفيش دعم وفيه عجز فى الموازنة وكلام غريب ونضل عالحال دا شهور

وعلى فكرة مش انا لوحدى تقريبا اغلب الوحدات فى المنوفية نفس الظروف كدا برضه

انا كنت مسؤل عن توفير ادوات الاسنان وفضلت اعمل طلبيات واتابع معاهم ويقولولنا اعملوا ورقة رسمية باللى انتوا عاوزينه والكلام دا من 6 اشهر وتقريبا حتى الان لم يحدث شئ لان انا سبت الحكومة والحمد لله

ياراجل دا مكانش فيه حتى شرائط تحليل سكر فى الدم!!!!!!!!!!!

ولما اجيب طلبية المعمل مكانش فيه غير كوبيات بلاستيك وشوية كلام فاضى مينفعش فى معمل تحليل من اساسه

فعشان كدا تلاقينى مستغرب من كلامك لان اللى انا شفته عكس كده خالص

**A7MED_PHARMA** · 17-12-2009 11:16 PM

المشاركة الأصلية كتبت بواسطة ainshouka

انا مستغرب جدا من كلام حضرتك

لان انا كنت شغال فى وحدة صحية فى احدى الارياف اثناء فترة التكليف بتاعتى كنت بشوف العجب اغلب ادوية الاطفال الشرب غير موجودة وان جاءت تأتى بكميات قليلة لاتكفى مدة الشهر
كانت هناك فترة تمر علينا كان لايوجد زجاجات شراب خافض للحرارة او مضاد حيوى محترم حتى

تخيل طفل حرارته مرتفعة ومش لاقينله اى دواء خافض للحرارة ومكانش موجود غير الامبسيللين 250 وهو مضاد حيوى ضعيف
لما وحدة صحية لايوجد فيها سوى الامبسللين كمضاد هل تظن انه سيأتى بأى فاعلية بعد ذلك
وعندما يأتى تفتيش ويجى يفتش على الدفاتر والشغل واجى اقوله ان فيه ادوية كتير ناقصة ومش موجودة ويقولى اكتبلى لستة بالادوية الناقصة اللى انت عاوزينها فى الوحدة واكتب ومفيش اى نتيجة

ونروح المخازن يقولولنا اصل مفيش دعم وفيه عجز فى الموازنة وكلام غريب ونضل عالحال دا شهور

وعلى فكرة مش انا لوحدى تقريبا اغلب الوحدات فى المنوفية نفس الظروف كدا برضه

انا كنت مسؤل عن توفير ادوات الاسنان وفضلت اعمل طلبيات واتابع معاهم ويقولولنا اعملوا ورقة رسمية باللى انتوا عاوزينه والكلام دا من 6 اشهر وتقريبا حتى الان لم يحدث شئ لان انا سبت الحكومة والحمد لله

ياراجل دا مكانش فيه حتى شرائط تحليل سكر فى الدم!!!!!!!!!!!

ولما اجيب طلبية المعمل مكانش فيه غير كوبيات بلاستيك وشوية كلام فاضى مينفعش فى معمل تحليل من اساسه

فعشان كدا تلاقينى مستغرب من كلامك لان اللى انا شفته عكس كده خالص

الدكتور بيتكلم صح
يعني انا مثلا شفت أدويه الحملات المجانيه دي
وتقريبا كلها ..كلها أدويه مده صلاحيتها قربت تنتهي ..وده كلام شفته بعيني
وبيحاولوا يوزعوها ..الحكومه مش بتعمل حاجه كده لله
.
وبعدي زي ما العضو الفاضل قال
يمكن ده استعداد لانتخابات مجلس الشعب ..الي تتبعها انتخابات الرئاسه

.
.
.

الموضوع: ما الذى يحدث فى مصر

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

لو عرفتم من الذى حدد يوم 8 يوليو للاعتصام لعرفتهم حقيقة ما يحدث الان

شاهد الذى يحدث فى المحلة

ملخص ما حدث..وما يحدث..وما سوف يحدث في مصر

هل انت راض عما يحدث

الكلمات الدلالية لهذا الموضوع

المفضلات

المفضلات

ضوابط المشاركة