ياجماعة حد جرب البومة الجديدة ال2010 الاتومتك بالنظام الجديد ياريت لو حد جربها يعرفنا علشان نعرف التغيير في الفتيس بقا افضل ولا القديم احسن:36_1_40[1]:
عرض للطباعة
ياجماعة حد جرب البومة الجديدة ال2010 الاتومتك بالنظام الجديد ياريت لو حد جربها يعرفنا علشان نعرف التغيير في الفتيس بقا افضل ولا القديم احسن:36_1_40[1]:
الدكتور عمرو أحد أعضاء المنتدى قابلته في معرض التوكيل من يومين كنت مع واحد قريبي بيشتري شارك والدكتور عمرو اشترى اللانسر البومة 1600 أوتوماتيك كلاسيك
يالا يا دكتور منتظرين رأيك في العربية والفتيس
مبروك للدكتور عمرو ومنتظرين تقيمه للفتيس الجديد
العربيه والله ماشاء الله ممتازه
انا مش عارف مين اللي بيقعد يطلع عليها كلام وحش
انا واحد من الناس كنت ممكن اركب توك توك ولا اركب لانسر
ماشاء الله الثبات كويس جدا
العفشه قويه بس مش ناشفه قوي بس فعلا قويه تديك ثقه تدخل في اجدعها مطب
صوت الموتور عالي شويه مقارنتا بالكوري اللي انا كنت راكبه
بالنسبه للفتيس انا حاسس انه مهدي صوت الموتور عن الcvt شويه انا سقت الفتيس القديم قبل كده في عربيه 2009 تحسه بيدي صوت عالي وعزم ضعيف شويه ماجربتوش علي ds وكمان في حاجه غريبه ملاحظها ان دواسة البنزين في الفتيس القديم اطري من التيبترونك مش عارف ليه بصراحه
موضوع التيبترونك ده حلو في الحرق والشد
اكتر حاجه ضايقتني في الفتيس ان النزله من النقله التانيه للأولي بتبقي محسوسه
بس بأمانه وده شيء هتحاسب عليه ان العربيه خامتها حلوه والتقفيل رائع مازل بعيد عن الكوري وللعلم انا كان معايا نيو سيراتو ولسه بايعها من اسبوع
مشكلة العربيه ده انا من غير كماليات وحركات بس يعوض ده كله بالنسبالي الخامات الداخليه والتقفيل
واي استفسار انا تحت امركوا
ألف مبروك يادكتور علي العربية ربنا يديك خيرها ويكفيك شرها وشرالطريق وشر التوك توك والميكروباص وخطأ الغير بس يادكتور لسة محدش اشتكي منها احنا بس كنا عايزين رايك بصفتك اول واحد في المنتدي جايبها فكنا عايزين نعرف بس انطباعتك الأولية عنها ولك جزيل الشكر:biggrin2::coool:
السلام عليكم و رحمة الله و بركاته يا دكتور ..........
بداية مبارك عليك العربية و أسأل الله أن يعطيك خيرها و خير ما صنع لها و يصرف عنك شرها و شر ما صنع لها .
ربنا يمتعك بيها و تجد فيها كل ما تتمناه .
ثانيا إحنا مستنيين تقريرك المفصل عن العربية و ياريت يكون مصور (بعد إذن حضرتك طبعا ) لأنى مخبيش عليك معجب جدا بالسيراتو الجديدة بس والى و والدتى عايزينى أشوف الانسر البومة و أعتقد هى ده الفرصة اللى هأقدر أقارن فيها بين العربيتين ( مع ملاحظة إنى مييال تجاه السيراتو بصراحة) .
و يريت حضرتك تقولنا السعر كام و الأوبشنز إيه و حضرتك جبتها منين ؟
مرة تانية ربنا يباركلك فيها و أسف على الأطالة
شكرا لحضرتك يا د. عمرو على المعلومات وتجربة الفتيس الجديد
جزاك الله خيرا يا دكتور عمرو ...... و متشكر جدا لأهتمام حضرتك و منتظر بإهتمام بس عايز أعتذر لحضرتك لأنى حاسستك بالسربعة خد و قت حضرتك كاملا و على أقل من مهلك و والله كفاية عندى إنى أتعرف على شخصية ذوق و محترمة زى حضرتك و إن شاء الله تكون معرفة خير لو حضرتك تقبل يعنى
مش عقده والله ولا حاجه هههههههههههه
انا ركبت دايو وعملت فصل وحش معايا وهي لسه زيرو اديتها سكه
وكان معايا النترا 2007 عربيه ممتازه بس بعتها للتغيير وللعلم عملت فصل بايخ برضه بس كنت حاببها بالدرجه اللي تخليني اتسامح معاها كانت عشره لمده مش قصيره
النيوسيراتو بصراحه جالي فوبيا من الكلام عليها وانا كان عندي نفس الحدفه الشمال والعمر مش بعزقه :Ob_mak1[1]:
بس بصراحه والله انا كنت بكره البومه ده جدا بس ممتازه
ربنا يباركلك فيها ويديك خيرها ويكفيك شرها ومستنيين بقية تقيمك للعربية وجزاك الله خيرا عنا وعن جميع المسلمين
دعاء لمرة واحدة بالعمر روى عن رسول الله (صلى الله علية وسلم )مضمون الحديث انة قال من قرأ الدعاء في اى وقت فكأنة حج 360حجة وختم 360 ختمه واعتق360عبدا وتصدق ب360 دينار وفرج عن 360 مغموما بمجرد أن قال رسول الله الحديث نزل جبريل (علية السلام)وقال يارسول الله أي عبد من عبيد الله سبحانه وتعالى أو أي احد من أمتك يا محمد قرأ الدعاء ولو مرة واحدة في العمر
(((الدعاء))) لا اله إلا الله الجليل الجبار لا اله إلا الله الواحد القهار لا اله إلا الله الكريم الستار لا اله إلا الله الكبير المتعال لا اله إلا الله وحدة لا شريك له إلها واحدا ربا وشاهدا وصمدا ونحن له مسلمون لا اله إلا الله وحدة لا شريك له إلها واحدا ربا وشاهدا أحدا صمدا ونحن له عابدون لا اله إلا الله وحدة لا شريك له إلها واحدا ربا وشاهدا أحدا وصمدا ونحن له قانتون
لا اله إلا وحدة لا شريك له إلها واحدا ربا وشاهدا أحدا صمدا ونحن له صابرون لا اله إلا الله محمد رسول الله اللهم إليك فوضت أمري وعليك توكلت يا ارحم الراحمين انشرها حتى تأخذ ثوابها وثواب من يقرآها منك :ask::ask:
الف مبروك ي دكتور . ربنا يديك خيرها و يكفيك شرها
مبرووووووووك يا دكتور
http://up4.m5zn.com/9bjndthcm6y53q1w.../jvdlh84rs.jpg
http://up4.m5zn.com/9bjndthcm6y53q1w.../mfpcxymmd.jpg
http://up4.m5zn.com/9bjndthcm6y53q1w.../t5s3tzn5z.jpg
http://up4.m5zn.com/9bjndthcm6y53q1w.../rz7290khl.jpg
http://up4.m5zn.com/9bjndthcm6y53q1w.../wlwukjhyj.jpg
http://up4.m5zn.com/9bjndthcm6y53q1w.../csr4f8w1x.jpg
الف مبروك يا دكتور عمرو
صحيح سؤال بس هيا فعلا العدادات نازلة بشكل جديد ولا القديم
ويا ترى لو شكل جديد اضاءتو لونها ايه
ويا ريت صورة للعربية من الداخل بليل عشان الاضاءة تبان
الف مبروك