ادخل شوف الموضوع دة قبل ما تشارك او تكتب حرف واحد (رجاء خاص)
ياريت الموضوع دة يكون اول موضوع الاعضاء يشوفوة قبل ما يكتبوا اى مواضيع او ردود والمنتدى دلوقتى على القمة فياريت الناس تاخد بالها من الكلمة دى وترفع من شأن المنتدى اكتر مش تنزلة لتحت
دى شوية حاجات ياريت كلنا نلتزم بيها
1-
اشترك معانا فى المنتدى وقول موقفك بصراحة بدون ماتجرح مشاعر غيرك
2-
اتعامل مع الناس هنا بمبدا الحب والاحترام والتقدير والاخوة
3-
ماتدورش على العضو الكويس خليك انت القدوة الحسنة لغيرك من الاعضاء وخليك مرجع لاى حد عاوز يحسن من نفسة
4-
لما ترد على اى عضو انتقد كلامة لو كان عندك دليل بس ماتجرحش كلامة (ياريت نفرق بينهم )
5-
لو حد سأل عن حاجة رد فى حالة واحدة بس انك تكون متأكد من الجواب وماتقولش حاجة غلط مهما حصل وحط نفسك مكانة وشوف انت عاوز الصراحة ولا اى كلام
6-
لو غلطت بدون قصد اعتزر ودة مش هايقلل مش بريستيجك بالعكس هايرفع من رصيدك بين الناس
7-
لو دخلت موضوع ولقيت انة غلط او مكانة مش صح او غير لائق فاعمل تقرير بالموضوع واكتب الى مش عاجبك والادارة هاتتصرف وماتهجمش على صاحب الموضوع لانك مش احسن منة (لعمل تقرير هاتلاقية مثلث احمر صغير فوق المشاركة )
8-
لو فية حاجة مش عجباك فى المنتدى اعمل موضوع فى منتدى الاقتراحات او الشكاوى او اعمل موضوع نقاش هادف ومحترم فى المنتدى الاجتماعى واتناقش مع الاعضاء بكل رقى بس ماتفرضش كلامك عليهم
9-
ماتسألش اى عضو سؤال خاص على العام ابعتلة رسالة خاصة بكل تقدير واحترام
10-
لو نقلت موضوع من برة حطة فى منتدى الاخبار المنقولة او اكتب تحتة بخط واضح كلمة منقول
11-
لو حبيت تعمل موضوع او استطلاع اتأكد ان الموضوع مش هايعمل مشاكل بين الاعضاء
12-
لما تحب تهزر مع اى حد من الاعضاء هزر معاة فى حدود الادب وافتكر ان الناس كلها شايفة الموضوع واكتب فى ردك ما يفيد بانك بتهزر علشان محدش يفهمك غلط
13-
مش لازم تبقى عضو ذهبى علشان الناس تحترمك كفاية اوى انك تراعى ضميرك وتعمل بالكلام الى فات دة والناس كلها هاتحترمك
والى الامام يا نايل موتورز
الموضوع فكرتة منقولة بس الكلام من عندى