كنت عايز اسال عن احسن مكان في القاهره لزبط الزوايا ؟؟؟
عرض للطباعة
كنت عايز اسال عن احسن مكان في القاهره لزبط الزوايا ؟؟؟
اللى سمعت عنه
اشرفكو ده فى الحى السابع فى مدينة نصر
بريدجستون
بس فيه ناس شكرق فيهم وناس لا
بص ياسيدي الفاضل !!!
انا بعد لف ودوران كتير وطبعا فلوس كتير اتدفعت !!
انا هقولهم لك بالترتيب
أولا - أفضل واحد في مصر انا اتعاملت معاه وبيظبط العربية تماااام
عمرو بدوي في مدينة نصر في الحي السادس
ثانياً :
بنزينة موبيل اللي في شارع الجزائر في المعادي
ثالثاً :
فيه بنزينة موبيل في المنيل بس مش عارف مكانها فين بالضبط !!
فى واحد اسمة علاء الدين بعد منزل الدائرى مريوطية هرم
بس ماقدرش اقول انة رقم واحد فى مصر علشان انا ملفتش كتير فى موضوع الزوايا دى بس هو مشهور اوى وكل اللى تعامل معاهم شكر فية ومحل كبير يسمح لدخول 3 عربيات فى نفس الوقت وفى ناس فاهمين شغلهم
جولدن تايرز - العشريني من فيصل - الهرم
ناس فاهمه وأجهزه حديثه والأهم ما بترجعلوش تاني بمشكله بعد الظبط
دخلت العشريني من شارع فيصل == هتلاقي بنزينة كالتكس على ايدك الشمال بعدها بحوالي 100 متر ورشة جولدن تايرز و هو عامل يافته صغيره على ناصية الشارع إللي هو فيه من شارع العشريني, ممكن تسأل مجرد وصولك لمحطة كالتكس عنه وهم يدلوك
وانا آخر مره ظبط فيها من حوالي شهرين كان زوايا بـ 20 جم فقط وعنده ترصيص ولو فيه حاجه في العفشه هيقولك قبل مايشتغل
انا لسة مرصص هناك الاسبوع اللى فات... شغل 100%
MMamdouh
و اسعار ضبط الزوايا كام ؟
30 جنية امامى فقط
MMamdouh
اي مكان غير بنزينة وطنيه
عمرو بدوي مدينه نصر ملووش حل يا جماعه بجد
انا بتعامل معاه من 3 سنين ملووووووش حل بسم الله ماشاء الله عليهم
روحته في مساعد معووج 4 سم عدله خلا المقاسات صفر
وروحتله في باره معووجه نتيجه خبطه وزبط الاداء ده راجل ممتاز
موقعه في السابع تدخل يميل من جنب ابو رامي علطول وتفضل مكمل شويه هتلاقيه على اليمين
اسعار عمرو بدوى اية يعنى تنزل العفشة وضبط الزوايا
فيين عمرو بدوي و بكام
يا ريت يا جماعة فعلا نعرف مكان عمرو بدوي بالتفصيل و نوصل ليه اذاي .. و ايه تكلفة ظبط الزوايا و الترصيص
عمرو بدوي تروح السابع عند ابو رامي تدخل يمين من ناصيه ابو رامي تفضل ماشي هتلاقيه على اليمين بس هتمشي شويه يعني هتلاقي مطب والطريق واخدك يمين برضو تكمل وتمشي شويه تقريبا هتعدي يا مطب يا اتنين وهتلاقيه علىاليمين وجنبيه معرض عربيات
الزوايا ب 25 او 30 امامي مش فاكر بالضبط لو في حاجات بايزه برضو هيقولك
الترصيص مش فاكره بس هو غالي سنه بس ترصيص نضيف جدا
عموما انا الراجل ده فعلا ثقه عاااليييه واميييين جدا وناس فعلا بتفهم
اضف الى ذالك معاهم كاوتشات اسعار معقوله وعندهم نيتروجين كمان
يا جماعه هو الترصيص بيبوظ شكل الجنوط ؟؟؟ ولا ايه هو الترصيص اصلا ؟؟ اسف لجهلي
الترصيص
قطعة صغيرة من الرصاص تتحط فى جنب الجنط قريب من العجل
العربيات الفابريقة نفسها نازلة بترصيص
يعنى مش هيبوظ شكل ولا حاجة
متابع
الترصيص اسمة فى الاصل "اتزان" و دة بيتم من خالا وضع اثقال من الرصاص على طرف الجنط لمعدلة اى نقطة فيها وزن زائد فى اى جنب من اجناب الجنط
عدم اتزان الجنط بيتسبب فى غربلة فى الدركسيون على سرعات عالية لان الجزء التقيل فى الجنط بيميل انة يدفع الجنط للخارج مع كل لفة و تحس ان فردة الكاوتش "بتلب" و بالتالى لازم وزن يتحط فى الجهة العكسية للناحية التقيلة عشان قوى الطرد المركزى للوزنين دعادل بعضها و الفردة تلف بدون ارتجاج
الرصاص نوعين... نوع بكليبس بيركب على شفة الجنط و دة النوع الشائع...
http://www.made-in-china.com/image/2...l-OBT-FE1-.jpg
و نوع تانى لزق بيتلزق على بطن الجنط و غالبا بيستعمل فى الجنوط السبور اللى بيبقى فيش فيها شفة خارجية لتركيب رصاص من ابو كليبس
http://www.marcparnes.com/WheelWeights.jpg
MMamdouh
بسم الله الرحمن الرحيم
يا جماعة انا روحت ل عمرو بدوي من يومين عشان اظبط زوايا .. و بعد ما حط العربية علي الجهاز و قعد يشوف في الشاشة شوية ارقام و حاجات كدة .... قالي بعديها ان العربية مش هتنفع تتظبط عشان الفردة اليمين ماخرة 1.5 سم و لازم تتظبط ب زرجينة .... و اداني عنوان واحد في العتبة ممكن يعملي الحوار ده ..بس صراحة انا صعب عليا اروح المشوار ده عشان زرجينة ...
يا ريت بقي حد من اخواتنا يقولي مكان حد كويس يعملي حوار الزرجينة ده بس يكون قريب من مصر الجديدة ... لان العربية خلاص بقت تحدف علي الفاضي و المليان :stink[1]: