ما بلاش نظرية المؤامره دي واتهامك لاي عضو مهما كان في المنتدى يعني عدم احترامك للمنتدى اصلاً
عرض للطباعة
انا شفت السيراتو في الصين
و شفت اعلاناتها هناك في كل حته
و مش متأكد بس أعتقد بشكل كبير ان فيه سيراتو بتتصنع في الصين زي ما كل عربيات الدنيا بتتصنع و تتباع في الصين
بس ماعتقدشي انها بتصدر
عارفين ليه لأن مبيعات كيا في الصين ارتفعت هذا الشهر 190%
الرقم صحيح و مفهوش خطأ كتابي يعني تقريبا ثلاثة أضعاف
فأكيد مفيش فرصة للتصدير بره الصين اللي هيا حاليا أكبر سوق سيارات في العالم
و مبيعات كيا ارتفعت 51% في العالم كله هذا الشهر في عز الأزمة الاقتصادية و يشمل الأسواق الأوربية و الأمريكية
تقريبا مسئولي كيا هيجيلهم خبل من النجاح العالمي الغير متوقع
و معلومة أخيرة أكثر موديلات كيا مبيعا عالميا في العالم هذه السنة السيراتو الجديدة أو الفورتي
و لسه الكادينزا و اخر حاجة إن بيتر شراير عرض اسكتشات لسيارة سيدان بمحرك في8 و دفع خلفي ،، الجينسيس بتاعت كيا بس كالعادة أشيك و أحلي و أكثر هجومية
يا جماعة افيو ايه و سيراتو ايه الى انت جاى تقول علية :dontudear:
مفيش احسن من s500 حد شاف التقفيل بتاعها و الخامات المستخدمة ده كفاية المتور و العفشة و اسم مرسيدس
يعنى معلش ازاى واحد يسيب العربية دى و يجيب السيراتو ده حتى الاتنين فى نفس الفئة السعرية فوق الميت الف جنية :44:
NO Comment
ياجماعه خلاصة موضوع الصين
كل العربيات السيراتو اللى بتتباع فى العالم كله بمختلف فئاتها ( 1.6 - 2.0 - 2.4 ) خارجه من مصنع واحد فقط فى Hwasung بكوريا
ودا اللى مسبب ازمه للشركه ومخليها مش ملاحقه على الطلبات
وزى ماقال استاذ أحمد أنور الصين كان لها النصيب الأكبر من مبيعات السيراتو السنه دى
نظرا لانهم يعتبروا من أكبر الأسواق المستهلكه للسيارات حاليا
بس العربيات كلها جايه من كوريا مفيش سيراتو واحده بتتقفل برا كوريا
أنا عاوز اقول معلومة بس ياريت محدش يزعل منها.
أنا ليا ناس أصحابى شغالين فى جهاز حماية المستهلك وقالولى ان أكتر عربيات عليها مشاكل بين العملاء والتوكيل :khd: هى بالترتيت كالاتى: اسبيرانزا - افيو - كيا كارينز.
ودة كلام مش من دماغى دة من حماية المستهلك.
واللهي يا يا رجالة مش عارف أقولكم إيه، مبدئيا انا معايا سيراتو sx وشايف انها عربية ممتازة بمعنى الكلمة، بس هقولكوا على موقف حصل قصاد عيني من سنة تقريبا في ميناء العين السخنة، كنا في جولة مع وفد اماراتي للشركة الاماراتية التي استحوذت على المينا ( موانىء دبي العالمية) وكان فيه حوالي تسعين عربية نسخة طبق الأصل من ال b.m.w x3 (بس معليهاش اي علامة تدل على هويتها) واقفين على أحد أرصفة الميناء وفوقيهم تراب دليل على وقوفهم فترة طويلة، أحد اعضاء الوفد سأل أحد مسئولي الميناء عن سبب وقوف العربيات دي. فجاء الرد أن العربيات دي صيني وتمن الواحدة فيها بعد الجمارك ميعديش مية وعشرة الف جنية بعد الجمارك وانها تقليد لل x3 وانك بعد ما تشتريها الشركة بتبعتلك علامات البي ام لو انت عايز، المهم أن وكيل بي ام دبليوم عرف الموضوع ده وقدم شكوى وطلع قرار بمنع الافراج عن العربيات دي عشان كده لسة على الرصيف لما يشوفولها صرفة....طبعا الموضوع مكنش يهمني بأي شكل ساعتها لكن لما دلوقتى حد اتكلم عن تقليد السيراتو اقتكرت الواقعة ، من الناحية النظرية الاحتمال وارد ، لكن بيحصل فعلا مع السيراتو ولا لا؟ الله أعلم
bmw x3 صيني...!!!!!!!!!!!!!!!!!!!!!
الكلام ده لو صحيح 100% دي تبقى كااااااااااااااااااارثه...! !!!!!!!!
كده السوق المصري بقى ملطشه لأي حد عايز يعمل فلوس و بيزنس و ده على حساب المستهلك المصري... دي ارواح ناس يا جماعه...
ارجو من الساده الأعضاء اللي يقدر يتأكد من المعلومه اللي اتكتبت دي, يتأكد و بشكل قاطع, هل فعلا فيه عربيات ((بتتقلد و تتصنع في الصين)) و لا ده مش صحيح..؟؟؟؟
و انا بقول تتقلد, علشان انا اكيد عارف ان فيه شركات عالميه (المانيه و ايطاليه و فرنسيه و غيرهم...) ليهم مصانع في الصين, و ده عادي جداا و انا بتعامل معاهم في شغلي لأن ده تحت اشراف الشركه الأم... و ليها مقاييس و معايير و قسم كامل خااااص بمراقبة الجوده... مش اي كلام
بس تتقلد دي اللي غريبه جداا و مستحييل يكون الموضوع ده قانوني...
كده ممكن مثلا واحد يشتري عربيه من بره التوكيلات زي الخليجي, تطلع صيني على حسب الكلام اللي بيتقال ده..!!!!! مصيبه طبعاااا
دي ولا بي إم صيني ولا حاجة دي.... عربية صيني واخدة ضهر البي إم x5 إسمها CEO...و بي إم رافعة قضية عليهم
http://www.core77.com/blog/20060814-...sideback-2.jpg
بلاش وحياتكم الكلام الغير مؤكد و الغير مبني على حقائق...مش علشان واحد قالي معلومة يبقى أنقلها هنا بدون تحري و نثير البلبلة زي ماهو حاصل كده قدامنا!!!