انا كنت بتفرج امبارح على اكسسوارات للعربية ولاقيت cover لليد بتاعتة عصاية الفتيس فاشتريت واحدة معاها المسامير بتاعتها بس لما جيت اركبها ماعرفتش اخلع الاصلية اللي راكبه حد يعرف ازاي بتتفك ولا عاوزة عفشجي يفكها ولا مابتتفكش اصلاً
عرض للطباعة
انا كنت بتفرج امبارح على اكسسوارات للعربية ولاقيت cover لليد بتاعتة عصاية الفتيس فاشتريت واحدة معاها المسامير بتاعتها بس لما جيت اركبها ماعرفتش اخلع الاصلية اللي راكبه حد يعرف ازاي بتتفك ولا عاوزة عفشجي يفكها ولا مابتتفكش اصلاً
بص انا مش هاعرف افيدك ازاى تركبها
بس ممكن تورينا صوره الجديد اللي انت اشتريته - سعره لو تكرمت
http://static.howstuffworks.com/gif/...990007-480.jpg
زي اللي في الصورة كده بس للفتيس المانيوال وفي منه اشكال كتير بيبدأ من15 جنيه ل55
متابع
بص ياباشا.. انتا جيت فى وقتك لانى كنت عايز أعمل اللى عندى جلد طبيعى.. انتا كل اللى هتعمله انك تمسك الكفر الجلد بتاع الفتيس من القاعدة بتاعته وهى عبارة عن برواز بلاستيك وتشده لأعلى وبراحة كدة.. ودا لانه محكوم بكلبسين قدام وكلبسين ورا.. فا الاسهل انك تشده من ورا هتلاقيه طلع كله فى ايدك .. وبعدين هتلاقى الجلد متدبس بدببيس فى القاعد البلاستيك دى ومن أعلى بــ حزام أفيز بلاستيك تقطعه بقصافة وبعدين تركب الجديد... وياريت حضرتك تقولنا الجديد جايبه منين وبكام وياريت صورة ليه
تحياتى
م/ أحد نبيل
انتا تقصد العصاية نفسها يا محمد ولا تقصد الجلدة السودا
انا عندى الجلدة السودا اللى تحت عصاية الفتيس مقطوعة سالت عليها مش لقيها قالو بتيجى استيراد طب القيها فين بتتباع ياريت اللى يعرف يفيدنى وشكرا
انا لسه جايب واحده من التوفيقية ب 17 جنيه شكله حلو و جلد و فيه خياطه و لعب :mad2:
المشكلة فى تركيبها مش فك الاصلية.. مقبض الفتيس الاصلى لو عربيتك مانيوال بيتفك بأنك تلفه عكس عقارب الساعة هو عباره عن قلاووظ الكلام ده مش عارف ماشى على كل العربيات ولا ايه انا عندى كده فى الماتريكس و ال i10
انا ركبت اللى اشتريته و مكنش ثابت فى مكانه و بيلف و بعد يومين و انا بحرق و بنقل بعنف من الاول للتانى لقيت المقبض طار من مكانه و اضطريت اركب الاصلى تانى و مستنى اخرطله جزء عند الخراط علشان يركب بقلاووظ زى الاصلى فى عصاية الفتيس
هو بصراحه شكله كويس جدااا و فى منه 3 الوان رمادى*خياطه سوداء او بيج*خياطه سوداء او اسود بالكامل لكن عيبه انه صينى منهم لله الصينيين :H_angry[1]: المقبض يطير من نقلة و الادهى انه ملزوق بأحقر انواع الامير فى الصين لازقين معدن مع بلاستيك بأمير :dzey: و كمان مستخسرين الامير :khd:
انا راميه فى العربية و هبقى اصوره لما يركب
لو قصدك على قبضة العصاية نفسها فا دى مقرفة جدا جدا فى الفك... انا كنت شوفت موضوع على دايوتك عن القصة دى و الموضوع اتحل بان صاحب السؤال فك العصاية من العربية و حط القبضة فى مية مغلية لمدة 5 دقايق قبل ما يفكها
كمان راهى ان القبضة الجديدة لازم يكون فيها مكان لسقاطة المرشدير
MMamdouh
الف شكر على الشرح بس مش جايب نتيجة معايا ياباشا
انا قصدي المقبض اللي مكتوب عليه النقلات
في منها ب50 جنيه اشكال تحفة بس للاسف شكلها ماتنفعش على الانوس خااااااااااااالص لا الغالي ولا الرخيص
انا شايف اني اشحّتها لاي حد احسن لان الموضوع شكله كبير رغم ان شكلها حلو والله
صح زى ما قال الباشمهندس محمد لقطة الدبرياج مشكله الاحسن بلاش مجازفه