:rfds:ممممم
هو ال k800 ده نازل جديد ؟؟
اصل يوكو بيقول انها فى السونى الجديد بس ..
عرض للطباعة
سوني ما بتعملش شبكات موبايل ...... يمكن قصدك اريكسون ..... اريكسون عاملة شبكة اتصالات في القاهرة الكبرى بس و هواوي بقية الجمهورية .... و مفيش حاجة اسمها مشكلة في السيستم بتاع اتصالات مع موبايل معين !! و انا استعملت سوني اريكسون مع اتصالات كتير جدا و عمره ما عمل معايا مشاكل .... و اعرف ناس كتييييييييييييير معاها سوني اريكسون و بتستعمل اتصالات ..... جرب تغير الشريحة يمكن فيها حاجة بايظة .... مش هتكلفك اكتر من 5 جنيه .....
و فيه حاجة ...... انا برضه مش مع انها مشكلة شبكة ...... لانك بتقول اتصالات + نوكيا في المحلة كان شغال كويس ...... يبقى برضه الشبكة مش هي السبب ....... يعني لو في نفس المكان اللي جربت فيه الموبايل و ما لقطش .... حطيت الشريحة في موبايل تاني و لقط يبقى مش الشبكة اكيد .....
أسف يا أستاذ أحمد أنا قصدي إركسون والموضوع إن فيه مشكلة بين السوني الجديد وإتصالات أنا عارفة بقالي سنة (أنا كنت ومازلت بعدل على الموبيلات السوني إركسون) والمشكلة في إن بعض الموبيلات ترتدادتها مش متفقة مع الشبكة لكن الجهاز شغال زي الفل مع بقيت الشبكات ومهما غيرت الشريحة نفس المشكلة وبتبقى في مناطق معينة يعني أعرف واحد في القاهرة عشان الموبيل يظبط لازم يقفل ال3g ويشتغل على الgsm ولما بيروح بنها بيشتغل بال3G عادي فهيا مشكلة في الشبكة في بعض المناطق
والأخ صاحب الموضوع جرب تقفل ال3g وتشوف الوضع إيه
أنا مع رأي Yoko ... جرب و قولنا
أنا رأيي مشكة "جزئية" compatibility بين النوع ده من الموبيلات و محطه التقويه اللي بتخدم المنطقة المذكوره.
أنا قولت جزئية علشان هو بيشوف SIGNAL أو شعار شبكه اتصالات يعني لاقت شبكة. لكن لما بيحاول يتكلم أو حد يكلمه بتظهر عنده NETWORK BUSY. و الله أعلم!!!
في حل أخير.. أنك تشتري شريحه فودافون أو موبينيل و بعدين تحول الاشتراك لاتصالات عن طريق خدمه مش عارف اسمها بالعربي MOBILE NUMBER PORTABILITY بس هي تمكنك من استخدام شريحه فودافون مثلا عاشان تكون عميل تابع لشركه اتصالات. المفروض تشتغل كويس معاك اذا كانت شغاله كويس في مصر.
سيدي الفاضل الكلام ده ينطبق على موديل معين نازل لبلد معينة و متهرب لمصر انما ما ينفعش بتعمم على ماركة كاملة
ثانيا الترددات المستخدمة في مصر هي كالتالي
في الجيل التاني
gsm 900 و gsm 1800 (في بعض المناطق القليلة جدا 1800 ده)
الجيل التالت
wcdma/umts 2100
و الترددات دي ال 3 شبكات بتستخدمها ...... مفيش شبكة بتستخدم تردد غير التانية على فكرة
أنا فاهم بس ده حاصل في موبيلات التوكيل المصري وأنا قصدي على التردد الي شغال عليه الموبيل كل موبيل ليه تردد مختلف (أو ما يسمى بالrezonanse في الإلكترونيكس) وده تهنيج من الشبكة لإن لما تقلب الجهاز لgsm المشكلة بتتحل ولو برج التقويه إتغير بتتحل يبقى أكيد العيب مش في الجهاز
وعلى فكرة أنا عاشق للسوني إركسون وكل العيلة معاها سوني إركسون (ومعايا خط إتصالات ومفيش مشكلة عندي ولا عند أختى ولا ولدتي)
المشكلة بتبقى في بعض الأجهزة فقط وأنا مش بعمم على الماركة
انا جربت تانى النهارده ...
جربت الشريحه بتاعى مشتغلتش (نفس المشكه)..
جربت شريحه صاحبى اتصالات (مشتغلتش)..
جربت شريحه صاحبى كمان اتصالات ..(مشتغلتش)..
موبينيل شغال فودافون شغال ...
و كل ده فى نفس المكان ...
و كمان جربنا نفس الشرايح دى فى موبيل سونى اريكسون غير بتاعى ...
مشتغلتش !!!
هو انا اقفل ال 3g ازاى ؟؟