السلام عليكم
اولا : انا نفسي حد يجاوبني هل بالفعل غيارات اللوجان ضيقة بالنسبة لسيارات الاخري بمعنى اني حاسس اني ببذل مجهود غير طبيعي في النقل بين الغيارات يعني مثلا انا مابلحقش اجيب الثالث و امشي بيه شويه بلاقي الموتور بيزعق وعايز الغيار الرابع
عرض للطباعة
السلام عليكم
اولا : انا نفسي حد يجاوبني هل بالفعل غيارات اللوجان ضيقة بالنسبة لسيارات الاخري بمعنى اني حاسس اني ببذل مجهود غير طبيعي في النقل بين الغيارات يعني مثلا انا مابلحقش اجيب الثالث و امشي بيه شويه بلاقي الموتور بيزعق وعايز الغيار الرابع
حضرتك عامل كام كيلو
ده حقيقى فعلا بس أنا كنت عاوز اوضح لحضرتك أن ديه على قد علمى ميزه مش عيب
(أنا ها احاول ابسط المعلومات الى عندى بقدر الامكان لانى مش متخصص )
ليه ده ميزه ؟
لانه بيدل على قوة الماتور المتناسبة مع وزن العربية ؟
برده ليه بيدل على كده ؟
هقول حاجتين الاول
اولا : كل ما سرعة العربية بتزيد وزنها على الارض بيقل
ثانيا : كل غيار اعلى بيكون اقل فى العزم من الغيار الى تحته يعنى الثانى عزم الماتور فيه اقل من عزم الماتور على الاول وفى الثالث عزم الماتور بيكون اقل من عزمه على الثانى
فالتغيير للغيار الاعلى بيحصل لما العربية وزنها بيخف مع السرعة ( كل ما سرعة العربية بتزيد وزنها بيقل زى ما قلنا) ولما وزن العربية بيخف لان سرعتها زادت معنى كده أن الماتور بتاعها بقى قوى عليها وهى مش محتاجة عزم الماتور كله هنا بننقل على الغيار الاعلى والغيار الاعلى يعنى ترس اكبر وعدد لفات اكثر بس عزم اقل زى ما قلنا
طب وأيه يعنى عزم اقل ما العربية لما مشيت وزنها زى ما قولنا خف فاحنا هنتنازل عن بعض العزم الى مش عاوزينه دلوقتى عشان نستفيد بعدد لفات اكتر الى هى بعنى سرعة اكتر
يبقى معنى كده لما حضرتك بتنقل بسرعة معناه أن العربية مش محتاجة سرعة اكتر عشان وزنها يخف اكتر عشان الماتور يقدر يجرها
مثلا عشان تجيب الثالث فى اليارس مثلا لازم تكون السرعة 60 لان قبل كده بتبقى العربية تقيلة على عزم الغيار التالت فلو أنت حاولت تجيبة على سرعة 30 مثلا هتلاقى العربية بتقطع ( بتنحغ زى ما بيقولوا )عشان لسه وزنها تقيل على عزم الثالث الى هو عزم قليل فكان الماتور بيقولك "مش قادر يا سيدى اصبر عليا شويه لما وزن العربية يخف عشان اقدر اجرها عزم التالت قليل عن عزم الثانى" فتقوم حضرتك مزود السرعة شويه عشان العربية تخف ويبقى المتور قادر يجرها
يعنى لما الغيار يكون ضيق معناه أن الماتور مش بيعيط ويقولك اصبر عليه شويه لما السرعة تخف ولكن بيقولك هات الغيار التانى أنا مش محتاج وزن العربية يخف اكتر من كده أنا قادر اجرها دلوقتى
أنا الكلام ده على قد فهمى وممكن الاخوة الخبراء يصححولى لو كنت غلطان
طبيعى جداا على فكرة و 90% من العربيات نفس الموضوع ده الطبيعى
ده طبعا لو فى حالة سواقة هادية زى اى عربية
اول تطلع بيه
تانى لغاية 35 .. 40
تالت 55 .. 60
رابع 80
خامس على 3 ار بى ام = 109
3 ونص ار بى ام = 125 انا شايف انة طبيعى جداا النسبة ديه فى اى عربية بالتقريب ياريت حد يصححلى الموضوع ده لو كنت غلطان
ذكر الله جاب من الاخر
كل سنة وأنت طيب يا حامد باشا
وانت بالف خير وسلامه دايما ان شاء الله
انا اعتقد انه موضوع تعود بس