اخير يا شباب توكيل بي واي دي في مصر ( شركة الامل ) تتعامل بأحترام مع ملاك السيارات في مصر وتلغي مصاريف تركيب قطع الغيار يعني ممكن تشتري قطع الغيار من عندهم وتركب بره التوكيل والتوكيل مش هيحسب مصاريف تركيب زي زمان والحمد لله
عرض للطباعة
اخير يا شباب توكيل بي واي دي في مصر ( شركة الامل ) تتعامل بأحترام مع ملاك السيارات في مصر وتلغي مصاريف تركيب قطع الغيار يعني ممكن تشتري قطع الغيار من عندهم وتركب بره التوكيل والتوكيل مش هيحسب مصاريف تركيب زي زمان والحمد لله
خبر جيد مشكور
بس شركة الأمل بتبيع قطع غيار فين
خبر رائع جدا ومفيد للجميع مشكور جدا
وقطع الغيار متوفرة في أي فرع من فروع التوكيل في فروع التوكيل في العباسية وفي الإسكندرية وأنا عرفت إن الآن جاري الإنتهاء من مركز الصيانة المعتمد للسيارة byd في القطامية
وأنا كنت في باب اللوق من كام يوم بس كنت معدي مستعجل شفت محل كبييير مكتوب عليه شعار byd زي ما يكون معرض كبير أو مركز قطع غيار إذا كان حد عنده فكرة عنه ياريت يعرفنا
دا واحد من معارض الأمل (انا حجزت منه ال byd المجمعة)
اناشفت العربية و اتصدمت صدمة فظيعة؟؟؟
العربية تقفيلهاسى سىء سىءجدا جدا و خصوصا الدهان تحس انها مدهونة ببويةعادية بالفرشة ما حصلتش حتى السمكرى و بتاع الدوكو فى العادى بيطلعوا العربية احسن من دى بكتير
شفتها ةالنهارد فى توكيل الا مل بروكسى العربية لونها ابيض... روح وافتح الكبوت و قولى رايك و اللة انا كنت ناوى اشترى بس اتصدمت
افتكر هيحسنوا الانتاج بعد تلافى بعض الملاحظات......فى المعرض يمكن نشوف العربيات فى افضل صورة
هي العربية رائعة لما جربتها في المعرض (ركوب و الكبوت و الشنطة)
هي فيها بعض الملاحظات
اولا الأكر بتاعة الباب ضعيفة جدا
ثانيا اللحامات في الحوض واضحة شوية (مش الدهان هو اللي وحش)
ثالثا الكنبة الخلفية ناشفة شوية و مفيهاش اللبة او السوست اللي نتخلي الكرسي يهبط شوية مش عارف هي هتبقي متعبة للي قاعد ورا ولا لا
تقييم مبدئي :
الدهان الخارجي جميل جدا بس الصاج ضعيف شوية (قريب من العربيات الكوري)
خامات التابلوه جيدة جدا و ما شوفتش عيوب او بروز فيها
الفرش الجلد و الموكيت في الأرضية خامتهم معقولة بس ممكن يتوسخوا بسرعة(لونهم بيج فاتح قريب من الأبيض)
شنطة واسعة جدا
العربية من الداخل واسعة من الأمام و اللي قاعد ورا مستريح
منطقة الموتور منظمة كويس ما فيهاش اي عيوب تقفيل
الأوبشن فيها معقول بس ما جربتوش ان شاء الله لما استلم هجربوا و هاقولوكم
أنا عاينت العربية التقفيل المحلي كانت واقفة في معرض في باب اللوق في ميدان الفلكي أمام البارك العمومي هناك بس مش فاكر إسمه والصراحة كانت ممتازة وماشفتش أي عيوب خالص وأحب أوضح ملاحظة بخصوص الأكر ....
هي مش ضعيفة بس هي بتحتاج سحبة جامدة شوية في الفتح وده بيخلي البعض يحس إنها حتتخلع في إيده ... والموديل الصيني كمان كده بالظبط وده من الملاحظات البسيطة علي الbyd بصفة عامة وإن كان ليس بعيب كبير لأنه ماظهرش إننا سمعنا عن أكرة إتخلعت من عربية
ولما تقارنها مثلا بالكورولا في الأكر تجد الفرق إن الكورولا بسحبة بسيطة للأكرة تفتح علي طول إنما الـ BYD تحتاج شد أقوي للأكرة
مشكورين
اللهم صل على محمد وعلى آله وصحبه أجمعين