.ارجو من الاخوه المتخصصين ان يشرحوا لى ماهى مشكله السياره؟

**ashraf_5971** · 17-12-2009 09:23 PM

الاخوه الكرام....كل عام وانتم بخير جميعا......استأذنكم فى استفسار.....من حوالى اسبوع ذهبت غيرت البوجيهات وزيت الموتور ....ووجدت السياره ما شاء الله طلقه....الان السياره لم يعد سحبها زى لما غيرت البوجيهات؟؟؟...ذهبت الى ميكانيكى مجاور لى...غير لى فلتر الهواء والبنزين ونصحنى بتغيير الوصله الاماميه للشكمان فغيرتها..ولكن السحب لم يعد كما كان.....السياره من ساعه لما اشتريتها من 5 اشهر للان بتاكل بنزين(8كم فى اللتر).....ارجو من الاخوه المتخصصين ان يشرحوا لى ماهى مشكله السياره علما بانها(لانوس99)...وما هى اسباب عدم السحب وماهى اسباب شراهه السياره للبنزين؟؟؟؟؟...........ولكم منى كل الاحترام

**samirayad** · 17-12-2009 09:36 PM

الأفضل تعمل أسكانر الأول
علشان تعرف موقف حساس الأكسجين والرشاشات

**ashraf_5971** · 17-12-2009 09:46 PM

المشاركة الأصلية كتبت بواسطة samirayad

الأفضل تعمل أسكانر الأول
علشان تعرف موقف حساس الأكسجين والرشاشات

شكرا حبيبى على اهتمامك.... بس اعمل الاسكانر ده فين ....وهل يبين حاله الرشاشات حقا؟؟؟

**samirayad** · 17-12-2009 10:01 PM

لو حددت مكان أقامتك
أكيد حتلاقى زملاء تدلك
وطبعا الأسكانر حيبين حالة الرشاشات من ناحية كفاءة الحريق

وكمعلومه عامه
أى عنصرمدمج فى عملية التحكم
بيتم التحكم فى آداءه من خلال الوحده ذاتها
يبقى لازم الأسكانر يبين كفاءته

**sherif_84** · 17-12-2009 10:06 PM

أنا من رأيى توديها الشركة تعمل سكانر عندهم افضل من بره عشان لو العربية احتاجت اى صيانة او تغيير حاجة معينة تبقى أضمن من بره عندك شركة ابو غالى موتورز جسر السويس امام سوق القنال و فرع الزيتون شارع طومانباى دول كويسين جدا

**ashraf_5971** · 17-12-2009 10:14 PM

شكرا يا شريف بك على اهتمامك انت وسمير بك.....بس ابو غالى دول مش غاليين عليه(انا قريب منهم فعلا فى جسر السويس)...والله انا تعبت من الميكانيكيه وعايز اخلص من عيوب العربيه عشان لو ماتعدلتش حاضطر لبيعها..وارجع تانى اطنطط فى المواصلات احسن ما تستنزف فلوسى

**sherif_84** · 17-12-2009 10:23 PM

هما الاول بيدخلوا العربية على الاسكانر عشان يعرفوا العيب فين وبعدين مافيش حاجة بيغيروها من نفسهم بيسألوك الاول هتغير ولا لأ؟ والحاجة اللى شايفين انها عايزة تتغير هايغيروها وفى نفس الوقت بيعملوا صيانة شاملة للعربية يعنى تربيط عفشة و فحص زيت الفرامل و الفتيس والكشف على التيل الامامى والخلفى وفى الاول والاخر انت اللى تحدد تروح الشركة ولا الميكانيكى

**ashraf_5971** · 17-12-2009 10:28 PM

المشاركة الأصلية كتبت بواسطة sherif_84

هما الاول بيدخلوا العربية على الاسكانر عشان يعرفوا العيب فين وبعدين مافيش حاجة بيغيروها من نفسهم بيسألوك الاول هتغير ولا لأ؟ والحاجة اللى شايفين انها عايزة تتغير هايغيروها وفى نفس الوقت بيعملوا صيانة شاملة للعربية يعنى تربيط عفشة و فحص زيت الفرامل و الفتيس والكشف على التيل الامامى والخلفى وفى الاول والاخر انت اللى تحدد تروح الشركة ولا الميكانيكى

حبيبى ماذا تعنى ب فى الاول والاخر انت اللى تحدد تروح الشركة ولا الميكانيكى.....وهل الصيانه الشامله دى تعمل كام تقريبا ولا تؤاخذنى على هذه الاسئله...وشكرا على سعه صدرك

**sherif_84** · 17-12-2009 10:51 PM

أقصد انك انت اللى تحدد تروح الشركة او للميكانيكى من واقع الكلام اللى انا قولته عن الشركة يعنى لو مرتاح مع الميكانيكى اللى انت بتروحله يبقى خلاص كمل معاه أنا بس اقصد ان الشركة افضل عشان تعرف تعمل سكانر على العربية وهما حافظينها اكتر من الميكانيكى ,بالنسبة للصيانة العادية بتبقى حوالى 55ج صيانة دورية فقط انما لو ظهر عندك حاجة عايزة تتغير بيحاسبوك على سعر القطعة + ضريبة مبيعات + مصنعية تركيب

**ashraf_5971** · 17-12-2009 11:02 PM

المشاركة الأصلية كتبت بواسطة sherif_84

أقصد انك انت اللى تحدد تروح الشركة او للميكانيكى من واقع الكلام اللى انا قولته عن الشركة يعنى لو مرتاح مع الميكانيكى اللى انت بتروحله يبقى خلاص كمل معاه أنا بس اقصد ان الشركة افضل عشان تعرف تعمل سكانر على العربية وهما حافظينها اكتر من الميكانيكى ,بالنسبة للصيانة العادية بتبقى حوالى 55ج صيانة دورية فقط انما لو ظهر عندك حاجة عايزة تتغير بيحاسبوك على سعر القطعة + ضريبة مبيعات + مصنعية تركيب

شكرا يا غالى على نصايحك الجميله....وان شاء الله حاروح لهم واريح دماغى(اللى تعبت مع العربيه) بس لما احوش قرشين...ودمت عونا لاخوانك