الموضوع: على جنب يا اسطى

ما هو اكيد ربنا بعتلك الرجل ده علشان تعمل معه كده الله اعلم كان ممكن يحصله ايه لو كان اهمل ف نفسه وملقش واحد محترم زيك يحب مساعدع الاخرين فاكيد ليه نصيب انه يقابلك

هو مش موقف طريف ولكنه غريب شوية
من ٦ سنين نسيت تليفوني في تاكسي من سابا باشا على البحر إلى شارع وينجت(اسكندرية طبعا) ولما نزلت ملقيتش التليفون كنت مستعجل جدا ومقدرتش اقف احاول اتصل بيه، بعدها بساعتين اتصلت لقيته مقفول وبعد كده واحد صاحبي قالي انه اتصل ولما سمع صوت تاني قاله هو مش ده تليفون الدكتور أحمد قاله لأ وابقى خلي الدكتور أحمد ياخد باله بعد كده..(بمنتهى السخافة)
بعدها بـ ١١ شهر بالظبط اخدت تاكسي من عندي في أبوقير ولقيت التليفون موجود على تابلوه العربية فانتبهت إلى إنها نفس العربية البيجو بس شكل السواق متغير حاجة بسيطة يمكن عشان كان حالق شعره
أخدت منه التليفون على سبيل الفضول(نظام ايه التليفونات الشيك دي وريني كده)..-لأن التليفون كان ألكاتيل مميز جدا ولونه برتقالي غامق وجسمه معدني كان موديله ٧٣٥ على ما أذكر أو حاجة شبه كده- وقعدت أقلب في التليفون لقيت الـ directories بتاعة الأسماء لسه زي ما هي ومعرفش يمسحها لأن التليفون كان معقد شوية والسواق غبي شويتين بالإضافة إلى إن التليفون كان به خدش في مكان معين أنا عارفه
قعدت اتكلم معاه عن التليفون لغاية لما وصلنا جنب نقطة شرطة المندرة قلتله ثواني هنا بس عشان عاوز اسحب فلوس من ماكينة البنك الأهلي - ورا القسم على طول- ونزلت والتليفون لسه في ايدي لقيته بيشدني من ذراعي وبيقول التليفون يا حرامي...قلتله لأ تعالى انت يا حرامي خد التليفون في القسم...لقيته تنح وابتدى يفتكرني عشان الجسم واللحية وكده ومرة واحدة لقيته ناطط في التاكسي وطلع يجري
بعدها بشوية واحد صاحبه اتصل قلتله قول لصاحبك يكلمني تاني عشان الظابط بيسلم عليه وعاوز يشوفه- أنا مكنتش عملت محضر بس قلت أشتغله شوية- وقلتله تليفونات بيته متسجلة عندي ورقم عربيته واسمه بالكامل
لقيته بعد شوية بيتصل بيا وحيعيط وقعد يتحايل عليا اتنازل عن المحضر، المهم قعدت أمطوح فيه أسبوع وكل ما يكلمني الصبح اقوله كلمني بعد ساعتين ونص ، يكلمني اقوله كلمني بالليل، يكلمني بالليل أكنسل عليه، يكلمني تاني الصبح وهكذا
آخر مرة قلتله التليفون ده تمنه ١٤٠٠ جنيه وانت استخدمته ١١ شهر وكلفتني اني اشتري تليفون جديد فيبقى كده أنا ليا عندك تمن التليفون الجديد+ إيجار التليفون القديم لمدة ١١ شهر وحتفاهم معاك وأخلي الإيجار ١٠٠ جنيه للشهر الواحد
يعني الحسبة كلها ٢٤٠٠ جنيه تيجي تدفعهوملي بكره وأنا أتنازل
وافق طبعا وقعد يدعيلي
وجه في المعاد ومعاه الفلوس هزأته شوية ونصحته شويتين لأني كمان لقيت على تليفونه رسائل نسائية مش مظبوطة وبعد كده قلتله عفونا عنك

مره ركبت تاكسى وفى بدايه حركته لاحظت ان الكرسى بيمشى بيا جوا العربيه

قولت ياد يمكن بس بيتمرجح شويه , ومع الوقت وانفعال السواق مع الزحمه زادت تحركات الكرسى وزاددت شكوكى ناحيته لدرجه انى مسكت فى الباب كويس وعمال اقول هو يوم باين من اوله بس طبعا مش هينفع انزل بسبب الكرسى

وفجأه وهو فى عز مجده عربيه قصادنا وقفت مره واحده فراح هو دايس جامد علشان يطلع من شمالها رحت انا مقلوب بالكرسى لورا ومسكت فى السقف لأن الكرسى اترفع بيا تماما كان على وشك انه يتقلب وتقريبا حسب ما شوفت بعد كدا ان الاخ اللى وقف راح واخد شماله بسرعه علشان يدخل فى شارع جانبى فراح سواق التاكسى ضارب فرامل جامد وانا بشد نفسى لقدام علشان اتعدل رحت داخل بكل قوتى فى الزجاج الامامى بالتابلوه زى افلام الكارتون بالظبط

هو خد اللى فيه النصيب منى وانا نزلت من العربيه عظم جسمى كله مكسر من الخبطه وهدومى اتبهدلت هباب اسود من التابلوه

حرام عليك يا راجل مش عارف ارد عيك من كتر الضحك

فكرتونى بنكتة تانية ... قصدى تجربة مضحكة تانية ...

مرة ايام ما كان معايا اللانسر البطة كنت دخلتها سمكرة و دوكو علشان استعد للفحص و تجديد الترخيص ..

و انا طالع من المستشفى شاورت لتاكسى ، و لكنه ماوقفش ، و لما ناديت "تاكسى" راح واقف.

المهم ركبت لقيته راجل عجوز من فريق اشبال ما تحت التسعين ، و لقيته بيسألنى "هو احنا فين يابيه ؟؟" فقلت له ، و قلت لنفسى يمكن مش عارف المكان ، مع انى كنت مستغرب ... حد مش عارف ميدان الجيزة ؟؟؟ فلقيته بيقول لى "و هو حضرتك دكتور ؟؟" ، فقلت له "أيوه يا حاج" ، قال لى "تخصص ايه ان شاء الله ؟؟" ، كل ده و هو واقف و انا ابتديت ازهق ، فرديت بنفاذ صبر "عيون ان شاء الله" ....

و راح الحاج مفرقع القنبلة "اصل انا من زمان نفسى اكشف لأن آخر مرة كشفت قالوا لى فيه عندى ميه بيضا و لازم عملية ، بس انا باشوف كويس ... دى يادوبك شوية زغللة" ...

ساعتها عينيا لفت فى وسط رأسى و قلت له "شوية زغللة ولا معاها شبورة ؟" و افتكرت انه ما وقفش لما شاورت و لكن وقف لما ناديت ، و ابتديت اخاف ...

رد و قال لى "تمام كده يا دكتور ، فعلا فيه شبورة ، بس خفيفة .. هو ينفع ابقى آجى لسعادتك و تكشف على ؟؟"

رحت فاتح الباب و قلت له "آدى احنا فيها .. اتفضل يا حاج و مش هاخد منك حق الكشف"..:ob_mak1[1]:

طبعا ركن و جه و كشفت عليه.

الكل مستعد للصدمة ....

يا دوب مياه بيضاء مستوية فى احدى العينين ، يعنى بيشوف بالعين دى خيالات بس ، و العين التانية لسه ماستوتش و بيشوف بيها 6/36 .... بس ...:b4_592:

المشكلة انه بعد ما كشفت عليه و قلت له على التحاليل المطلوبة للعملية كان مصر انه يوصلنى علشان يرد الجميل ... و الحمد لله هربت لما لقيت واحد صاحبى ساكن جنبى و حلفت له انى هاروح معاه ...:n_no[1]:

شوفوا لو كنت ركبت معاه يومها كان حصل ايه ؟؟؟

باقى النكتة انه جالى بعدها بكذا شهر علشان اعمل له العملية ... كذا شهر ... نفسى اعرف كان بيسوق ازاى ؟؟؟

ملحوظة ، تمت العملية بنجاح فى العينين بفارق شهرين بينهما ، و آخر حاجة كنت اعرفها عنه انه جدد الرخصة و نجح فى كشف القومسيون بجد ... و كان فرحان جدا انه رجع يشوف تانى ....(امال كان سايق ازاى ؟؟؟)

جزاك الله خير
وعلى فكره الى انت عملته ده هو الى انقذك من الى كان حيحصلك لو طنشت وكملت معاه
شووف انت بقى كان حيصل ايه دى مجرد زغلله بسيطه

هو مش موقف طريف ولكنه غريب شوية
من ٦ سنين نسيت تليفوني في تاكسي من سابا باشا على البحر إلى شارع وينجت(اسكندرية طبعا) ولما نزلت ملقيتش التليفون كنت مستعجل جدا ومقدرتش اقف احاول اتصل بيه، بعدها بساعتين اتصلت لقيته مقفول وبعد كده واحد صاحبي قالي انه اتصل ولما سمع صوت تاني قاله هو مش ده تليفون الدكتور أحمد قاله لأ وابقى خلي الدكتور أحمد ياخد باله بعد كده..(بمنتهى السخافة)
بعدها بـ ١١ شهر بالظبط اخدت تاكسي من عندي في أبوقير ولقيت التليفون موجود على تابلوه العربية فانتبهت إلى إنها نفس العربية البيجو بس شكل السواق متغير حاجة بسيطة يمكن عشان كان حالق شعره
أخدت منه التليفون على سبيل الفضول(نظام ايه التليفونات الشيك دي وريني كده)..-لأن التليفون كان ألكاتيل مميز جدا ولونه برتقالي غامق وجسمه معدني كان موديله ٧٣٥ على ما أذكر أو حاجة شبه كده- وقعدت أقلب في التليفون لقيت الـ directories بتاعة الأسماء لسه زي ما هي ومعرفش يمسحها لأن التليفون كان معقد شوية والسواق غبي شويتين بالإضافة إلى إن التليفون كان به خدش في مكان معين أنا عارفه
قعدت اتكلم معاه عن التليفون لغاية لما وصلنا جنب نقطة شرطة المندرة قلتله ثواني هنا بس عشان عاوز اسحب فلوس من ماكينة البنك الأهلي - ورا القسم على طول- ونزلت والتليفون لسه في ايدي لقيته بيشدني من ذراعي وبيقول التليفون يا حرامي...قلتله لأ تعالى انت يا حرامي خد التليفون في القسم...لقيته تنح وابتدى يفتكرني عشان الجسم واللحية وكده ومرة واحدة لقيته ناطط في التاكسي وطلع يجري
بعدها بشوية واحد صاحبه اتصل قلتله قول لصاحبك يكلمني تاني عشان الظابط بيسلم عليه وعاوز يشوفه- أنا مكنتش عملت محضر بس قلت أشتغله شوية- وقلتله تليفونات بيته متسجلة عندي ورقم عربيته واسمه بالكامل
لقيته بعد شوية بيتصل بيا وحيعيط وقعد يتحايل عليا اتنازل عن المحضر، المهم قعدت أمطوح فيه أسبوع وكل ما يكلمني الصبح اقوله كلمني بعد ساعتين ونص ، يكلمني اقوله كلمني بالليل، يكلمني بالليل أكنسل عليه، يكلمني تاني الصبح وهكذا
آخر مرة قلتله التليفون ده تمنه ١٤٠٠ جنيه وانت استخدمته ١١ شهر وكلفتني اني اشتري تليفون جديد فيبقى كده أنا ليا عندك تمن التليفون الجديد+ إيجار التليفون القديم لمدة ١١ شهر وحتفاهم معاك وأخلي الإيجار ١٠٠ جنيه للشهر الواحد
يعني الحسبة كلها ٢٤٠٠ جنيه تيجي تدفعهوملي بكره وأنا أتنازل
وافق طبعا وقعد يدعيلي
وجه في المعاد ومعاه الفلوس هزأته شوية ونصحته شويتين لأني كمان لقيت على تليفونه رسائل نسائية مش مظبوطة وبعد كده قلتله عفونا عنك

مقدرش اقولك غير ان مالك حلال فعلا
ربنا يباركلك وكويس انك علمته الادب على اصوله

اكيد رغييييييييييييييييييييييي ييييييييييييييييييييي لحد ما ودنى تورم