على جنب يا اسطى فيلم جميل اوحالى بفكره الموضوع ده
ايه اغرب او اكتر موقف طريف حصلك وانت راكب تاكس او مع سواق تاكس
اكيد المواقف كتير والطرائف اكتر
عرض للطباعة
على جنب يا اسطى فيلم جميل اوحالى بفكره الموضوع ده
ايه اغرب او اكتر موقف طريف حصلك وانت راكب تاكس او مع سواق تاكس
اكيد المواقف كتير والطرائف اكتر
فكرة حلوة ...
ممكن أبدأ :
أغرب و أظرف موقف حصل معايا كان زمان فى اولى كلية ، و ماكنتش لسه طلعت رخصة و طبعا ممنوع اسوق العربية ...
كنت راجع من رحلة مع الكلية ، و كان يوم غريب من اوله ، ختم بأن اتوبيس الرحلة عطل و رجعنا بالعافية عند الكلية الساعة 11 مساء بدل 7 او 8 مساء..
و كانت الدنيا شتاء و مافيش صريخ ابن يومين فى الشارع ...
و طبعا كنت عايز اروح فشاورت و اول تاكسى وقف ركبته بدون تفكير ... شئ عادى ...
و لكن اصبت بالذهول لما شفت السواق و عينيه نص مقفولة :dzey:، و عمال يغنى و يصقف و يضحك بجنون ، :44:و يعوم بالتاكسى يمين و شمال و هو عمال يقول "ايه الزحمة دى .. شفت انا خدت الغرزة دى ازاى ؟؟" و ينطلق فى ضحك هستيرى و يرجع يغنى و يصقف تانى ، و كل شوية يروح ضارب فرملة جامدة و يضحك و يقول "ربنا ستر ... كنت هاخبط" ... مع ان مافيش قدامه حاجة ...:B4_592:
طبعا انا دمى نشف ... و اول ما ضرب فرملة و وقف رحت فاتح الباب و قلت له انا نازل هنا علشان عايز اشترى حاجة ، و سبت له حق التوصيلة و جريت ...
و طبعا استنيت لما نشفت فى البرد لما لقيت تاكسى تانى .. بس اتأكدت ان السواق مفتح و صاحى مش مسطول او مبرشم زى الأولانى ...
و تحياتى...
في منهم كدا بس ايه بكون صاحي ومصحصح كمان دول واخدين ع كدا اصلا بقضيها تهريج كدا عشان ياعلم شوفوني انا اهبل كدا بس بسوق
حاجات غريبه الواحد بشوفها
كنت مرة خارج من الكلية وكان يوم طويل ومش شايف قدامى فقومت موقف تاكسى وبعد ما ركبت اكتشفت انى راكب خردة بمعنى الكلمة مفيش ولا عداد شغال والتابلوه كله فاضى وطالع منه اسلاك والكراسى مش ثابتة وعمالة تتمرجح وطول ما هو ماشى بقا عمال اسمع اصوات غريبة
والراجل بسم الله ما شاء الله كان ماشى زجزاج وبعدين فجأة لقيته بيغنى واركب الحنطور واتحنطر ولقيته ساب الدريكسيون وعمال يتحنطر على الكرسى وطبعا الكرسى مساعده :10D5C8~1107:
قولتله ابوس إيدك امسك اللجام انا نفسى اروح انهارده سليم :eee:
ومن هنا اتعلمت انى ما اوقفش اى تاكس قبل ما اشوف حالته وحالة السواق إيه :B4_611:
موضوع لذيذ :hlopaet_prv:
ههههههههههاقتباس:
فكرة حلوة ...
ممكن أبدأ :
أغرب و أظرف موقف حصل معايا كان زمان فى اولى كلية ، و ماكنتش لسه طلعت رخصة و طبعا ممنوع اسوق العربية ...
كنت راجع من رحلة مع الكلية ، و كان يوم غريب من اوله ، ختم بأن اتوبيس الرحلة عطل و رجعنا بالعافية عند الكلية الساعة 11 مساء بدل 7 او 8 مساء..
و كانت الدنيا شتاء و مافيش صريخ ابن يومين فى الشارع ...
و طبعا كنت عايز اروح فشاورت و اول تاكسى وقف ركبته بدون تفكير ... شئ عادى ...
و لكن اصبت بالذهول لما شفت السواق و عينيه نص مقفولة :dzey:، و عمال يغنى و يصقف و يضحك بجنون ، :44:و يعوم بالتاكسى يمين و شمال و هو عمال يقول "ايه الزحمة دى .. شفت انا خدت الغرزة دى ازاى ؟؟" و ينطلق فى ضحك هستيرى و يرجع يغنى و يصقف تانى ، و كل شوية يروح ضارب فرملة جامدة و يضحك و يقول "ربنا ستر ... كنت هاخبط" ... مع ان مافيش قدامه حاجة ...:b4_592:
طبعا انا دمى نشف ... و اول ما ضرب فرملة و وقف رحت فاتح الباب و قلت له انا نازل هنا علشان عايز اشترى حاجة ، و سبت له حق التوصيلة و جريت ...
و طبعا استنيت لما نشفت فى البرد لما لقيت تاكسى تانى .. بس اتأكدت ان السواق مفتح و صاحى مش مسطول او مبرشم زى الأولانى ...
و تحياتى...
مقدرتش امسك نفسى من الضحك شكرا على المشاركه
شكرا لتشريفك الموضوع هما فعلا فى منهم خربانين بمعنى الكلمهاقتباس:
في منهم كدا بس ايه بكون صاحي ومصحصح كمان دول واخدين ع كدا اصلا بقضيها تهريج كدا عشان ياعلم شوفوني انا اهبل كدا بس بسوق
حاجات غريبه الواحد بشوفها
هههههههههههاقتباس:
كنت مرة خارج من الكلية وكان يوم طويل ومش شايف قدامى فقومت موقف تاكسى وبعد ما ركبت اكتشفت انى راكب خردة بمعنى الكلمة مفيش ولا عداد شغال والتابلوه كله فاضى وطالع منه اسلاك والكراسى مش ثابتة وعمالة تتمرجح وطول ما هو ماشى بقا عمال اسمع اصوات غريبة
والراجل بسم الله ما شاء الله كان ماشى زجزاج وبعدين فجأة لقيته بيغنى واركب الحنطور واتحنطر ولقيته ساب الدريكسيون وعمال يتحنطر على الكرسى وطبعا الكرسى مساعده :10d5c8~1107:
قولتله ابوس إيدك امسك اللجام انا نفسى اروح انهارده سليم :eee:
ومن هنا اتعلمت انى ما اوقفش اى تاكس قبل ما اشوف حالته وحالة السواق إيه :b4_611:
موضوع لذيذ
اهو ده متقلوش على جنب دا تقووووووووله هـــــــــــــــــــــــص
فكرتونى بنكتة تانية ... قصدى تجربة مضحكة تانية ...
مرة ايام ما كان معايا اللانسر البطة كنت دخلتها سمكرة و دوكو علشان استعد للفحص و تجديد الترخيص ..
و انا طالع من المستشفى شاورت لتاكسى ، و لكنه ماوقفش ، و لما ناديت "تاكسى" راح واقف.
المهم ركبت لقيته راجل عجوز من فريق اشبال ما تحت التسعين ، و لقيته بيسألنى "هو احنا فين يابيه ؟؟" فقلت له ، و قلت لنفسى يمكن مش عارف المكان ، مع انى كنت مستغرب ... حد مش عارف ميدان الجيزة ؟؟؟ فلقيته بيقول لى "و هو حضرتك دكتور ؟؟" ، فقلت له "أيوه يا حاج" ، قال لى "تخصص ايه ان شاء الله ؟؟" ، كل ده و هو واقف و انا ابتديت ازهق ، فرديت بنفاذ صبر "عيون ان شاء الله" ....
و راح الحاج مفرقع القنبلة "اصل انا من زمان نفسى اكشف لأن آخر مرة كشفت قالوا لى فيه عندى ميه بيضا و لازم عملية ، بس انا باشوف كويس ... دى يادوبك شوية زغللة" ...:36_1_37[1]:
ساعتها عينيا لفت فى وسط رأسى و قلت له "شوية زغللة ولا معاها شبورة ؟" و افتكرت انه ما وقفش لما شاورت و لكن وقف لما ناديت ، و ابتديت اخاف ...
رد و قال لى "تمام كده يا دكتور ، فعلا فيه شبورة ، بس خفيفة .. هو ينفع ابقى آجى لسعادتك و تكشف على ؟؟"
رحت فاتح الباب و قلت له "آدى احنا فيها .. اتفضل يا حاج و مش هاخد منك حق الكشف"..:Ob_mak1[1]:
طبعا ركن و جه و كشفت عليه.
الكل مستعد للصدمة ....
يا دوب مياه بيضاء مستوية فى احدى العينين ، يعنى بيشوف بالعين دى خيالات بس ، و العين التانية لسه ماستوتش و بيشوف بيها 6/36 .... بس ...:B4_592:
المشكلة انه بعد ما كشفت عليه و قلت له على التحاليل المطلوبة للعملية كان مصر انه يوصلنى علشان يرد الجميل ... و الحمد لله هربت لما لقيت واحد صاحبى ساكن جنبى و حلفت له انى هاروح معاه ...:N_no[1]:
شوفوا لو كنت ركبت معاه يومها كان حصل ايه ؟؟؟
باقى النكتة انه جالى بعدها بكذا شهر علشان اعمل له العملية ... كذا شهر ... نفسى اعرف كان بيسوق ازاى ؟؟؟:44:
ملحوظة ، تمت العملية بنجاح فى العينين بفارق شهرين بينهما ، و آخر حاجة كنت اعرفها عنه انه جدد الرخصة و نجح فى كشف القومسيون بجد ... و كان فرحان جدا انه رجع يشوف تانى ....(امال كان سايق ازاى ؟؟؟)
مره ركبت تاكسى وفى بدايه حركته لاحظت ان الكرسى بيمشى بيا جوا العربيه
قولت ياد يمكن بس بيتمرجح شويه , ومع الوقت وانفعال السواق مع الزحمه زادت تحركات الكرسى وزاددت شكوكى ناحيته لدرجه انى مسكت فى الباب كويس وعمال اقول هو يوم باين من اوله بس طبعا مش هينفع انزل بسبب الكرسى
وفجأه وهو فى عز مجده عربيه قصادنا وقفت مره واحده فراح هو دايس جامد علشان يطلع من شمالها رحت انا مقلوب بالكرسى لورا ومسكت فى السقف لأن الكرسى اترفع بيا تماما كان على وشك انه يتقلب وتقريبا حسب ما شوفت بعد كدا ان الاخ اللى وقف راح واخد شماله بسرعه علشان يدخل فى شارع جانبى فراح سواق التاكسى ضارب فرامل جامد وانا بشد نفسى لقدام علشان اتعدل رحت داخل بكل قوتى فى الزجاج الامامى بالتابلوه زى افلام الكارتون بالظبط
هو خد اللى فيه النصيب منى وانا نزلت من العربيه عظم جسمى كله مكسر من الخبطه وهدومى اتبهدلت هباب اسود من التابلوه