هل حصل معاك الموضوع ده (هل هو مظبوط)؟؟.................

استفسار لعل ان يكون واجه حد فى المنتدى من قبل

انهاردا جائنى تليفون على تليفون المنزل فرديت

انا : الو

هي : معاك شركة روتانا للسياحة

انا : اهلا وسهلا

هى : التليفون ده تليفون منزل ام ماذا

انا : ليه

هى : احنا عاملين سحب على ارقام التليفونات والرقم ده فاز معانا برحلة اسبوع

لشرم او الغردقة او رأس سدر

انا : طيب ازاى

هى : حضرتك تيجى الفرع فى العنوان الاتى 26 شارع لطفى حسونة متفرع من ش نوال

امام قسم العجوزة (شركة روتانا للسياحة) الدور الارضى بنفس البيت اللى فيه معرض مرسيدس

انا : طيب هل هناك من مبالغ مدفوعة

هى : 20 جنية لاستلام الدعوة وهى مقدمة من شركة كوميت ويسترد المبلغ عند حضور الحفل

غدا فى السابعة والنصف مساء بفرع شركة كوميت الموجود بالعنوان الاتى 10 شارع سيد مكاوى

ميدان أبو المواهب العجوزة - الجيزة
انا : شكرااا

هى : يجب الحضور قبل الساعة الرابعة بعدها سيتم حذف رقمك والسحب على رقم اخر

انا : اوك

ايه رأيكو فى الكلام ده انتو مقتنعين بالكلام ده

حد صادفو الموضوع ده قبل كده

اروح ولا ماروحش ؟؟؟؟؟؟؟؟؟؟؟؟؟؟؟؟؟؟؟

متروحش يا باشا ده نصب ده أسلوب دعاية من أساليب دعاية time sharing

عادي بتحصل كتيير وبسمع عليها كتتير

وسياتك حتروح تدفع ال 20 جنية ومحدس هيسأل فيك بعد كده

وممكن تروح بعد يومين متلاقيش الشركة اصلاً

ده نصب * نصب :D :D :D :D :D

النصابين اهمه حيوية وعزم وهمة

اقتباس:

---

متروحش يا باشا ده نصب ده أسلوب دعاية من أساليب دعاية time sharing

---

:twisted: :twisted: :twisted: :twisted:

نعم حصل معايا

بس كنا فى النادى ولقيت مندوب الشركه بيقول كلام مشابه وادانى دعوه لحضور وقال فيه جوايز وحاجات زى كده

المهم وافقت علشان اخلص من رزالته ولكن فوجئت انه بيطلب مبلغ 10 ج وتسلم عند الحضور لتأكيد الحضور

فدفعت لانى ماكانش يدفع ارجع فى كلامى

وبعدين رحنا وادونا الفلوس بالفعل لكن كانوا هيدبسونا فى حاجه تانيه من عروضهم فى حفل الحضور بس الحمد لله خلصت منهم بمعجزه وروحت وقلت توبه

المهم هى طرق من طرق الدعايه والتجاره بشكل رزل وبايخ

نصب وسرقة
إقفل معاهم الخط فوراً لأنهم لا يستحقوا حتى تلك الدقيقة التي ترد فيها عليهم

حصللي
و روحت
و اشتريت زفت time share
و ماعتبتوش من يوم ما اشتريته و بروح شرم انزل في أي حته
بس بادفع الأقساط من باب الاستثمار بس لأنه بيغلى كل سنة بتاع 3-4 تلاف جنيه

اقتباس:

---

متروحش يا باشا ده نصب ده أسلوب دعاية من أساليب دعاية time sharing

---

تمام

بدون تفكير
نصب

نصصصصصصصصصصصصصصصببببببببب ببببببببب أوعى تروح هدب مشوار محترم وتعدلك ساعتين تلاته (وأحتمال أسبوع ) تسمع في رغي وحواديت ودوشه وتخرج دمك محروق وبدل ماتروح بيتكم تروح تعمل أشتراك في العباسيه :D :D

الكلام ده حصل معايا بس مش بالتليفون ده وانا ماشى فى الكوربه مصر الجديده لقبت واحد وقفنى وقالى نفس الكلام ده قلتله شكرا ومشيت لانه نصبه فى الاخر .
يا جماعه هى الحدايه بترمى كتاكيت ؟

حرامية :twisted: :twisted: :twisted: :twisted:

أخى العزيز وليد :-) بأختصار: لا تذهب!!!!

معروفه

شكرااااا يا جماعة على النصائح

الحمدلله انا مش عارف ازاى شركة المفروض انها محترمة تعمل كده

اقتباس:

---

متروحش يا باشا ده نصب ده أسلوب دعاية من أساليب دعاية time sharing

---

:shock: :shock:

اليوم اتصلوا بى فى المنزل بنفس الأسلوب
وتم التعامل مع المكالمة بمنتهى تقفيل المخ
وشكرا لكم على نصائحكم وتنبيهاتكم للجميع
والله المنتدى ده فيه فايدة كبيرة

اقتباس:

---

المشاركة الأصلية كتبت بواسطة محمود

اليوم اتصلوا بى فى المنزل بنفس الأسلوب
وتم التعامل مع المكالمة بمنتهى تقفيل المخ
وشكرا لكم على نصائحكم وتنبيهاتكم للجميع
والله المنتدى ده فيه فايدة كبيرة

---

الحمدلله ان الموضوع قدر يفيدك و100/100 اقفل فى وشهم على طوووول

البلد كلها فتحه بقها دلوقتي وكله عايز ياكل منك اي حاجه..

فحط الموضوع ده في دماغك في اي تصرف غريب عليك بيقابلك...وربنا يحمينا ويصلح حتانا

اااااااااااااااااااااا...... ................فكرتني بالذي مضى نفس الشركه دي اتصلوا بيا بس السنه اللي فاتت وقالولي احنا شركه روتانا وعملنا سحب وطلع رقمك وبتاع المهم خدت العنوان ودخت لحد ما رحتلهم(ده من عبطي اني رحت أصلا)وانا عند قسم العجوزه سألت واحد فكهاني كده لو سمحت فين عماره كذا(مش فاكر بالضبط)بس اتصور الراجل ضحك وقاللي انت رايح شركه روتانا صح.........اتخضيت وقولتله انت عرفت منين ماردش عليا وضحك تاني بعدين قاللي على المكان..............رحت لاقيت البواب بتاع العماره سألتوا عن الشركه دي قاللي معرفش بعدين واحد طلعلي من شقه من الدور الارضي وقاللي اتفضل يا باشا وبتاع.......وقعدوا يحوروا كتير بعدين أخدت بعضي ومشيت بعد مالقيت كذا واحد بيزعقوا ويهللوا بيقولوا عايزين فلوسنا يا نصابين.........كل ده نصب في نصب

انسي يا باشا

نفس الكلام حصل معايا فى اسكندرية واتدبست فى الزيارة وخلصت منهم بخناقة وكان الموضوع على تايم شيررررررررررررررررر

دي بقت موضه
لا طبعا ده استهبال رسمي

انا حصلت معايا من 4 سنين ورحت وكان الموضوع انهم بيعملوا دعاية لبيع اسبوع تايم شير في شرم الشيخ وخلعت منهم بأعجوبة بعد ما قعدوني مع كل الموظفين في الشركة اللي كان اسمها "تارجت" عشان يقنعوني اني اشتري وانا على كلمة واحدة "ما أخدوش يا بابا ما أخدوش يا بابا :)"

اوعى حد يروح احسن دول عاملين زى القرادة بيلزقوا ولو حصل وحد راح اوعى يتكسف ويشتري تدبيس ,,