عرض للطباعة
بسم الله الرحمن الرحيم
انا متقل عليكم ..انا عارف
كان نفسي يكون فيها حاجه اسمها تصريح مزاوله مهنه ..للصنايعيه
يعني الدكتور مسؤل مباشر عن حياه الناس
والصنايعي مسؤل غير مباشر عن حياه الناس
الدكتور لازم يمارس المهنه بترخيص..عشان مايموتش حد
انا نفسي كمان الصنايعيه يشتغلوا بترخيص
عشان الموضوع مايكونش عامل زي ميه البطيخ كده..الدنيا عايمه وأي حد يفتي في أي حاجه ..
والمفروض كمان الترخيص يكون بإمتحان...
رأيكم إيه؟؟؟
وإزاي ممكن نعمل قانون زي كده
أصل بجد الواحد تعب من الناس دي
تعرف الصنايعيه علشان ياخد الترخيص دا امتى :) للاسف لما بيكون مسافر بس يادكتور .
يعني اعرف واحد جاتله فيزا حداد للسعوديه , وهو اصلا طالع محاسب فللاسف اشترطو علشان يطلع تصريح السفر انه يعمل اختبار مهاره ويدخل كورس تعليمي لمدة 3 شهور مع انه اصلا مالوش في الحداده ههههههه
البلد دي ماشيه بالشقلوب باين عليها ولا ايه
حتى لو عملنا قانون ايه اللى هيحصل يعنى
فى البلد دى اسهل حاجة اصدار القوانيين واصعب حاجة تنفيذها
فى البلد دى مفيش غير الله نطلب منه الرحمة من العذاب اللى الشعب كله محطوط فيه
اصل الموضوع بقا بجد صعب جدا
انا مثلا لفيت على اكتر من 5 ميكانيكيه عشان صوت العربيه عالي
وكل واحد فيهم بيفتي
يعني واحد قالي تاكيهات:hlopaet_prv:
والتاني قالي عمود الكرنك:hlopaet_prv:
والتالت قالي مكهربا زياده:hlopaet_prv:
والرابع قالي الكربيراتير :hlopaet_prv:
والخامس قالي عاوزه عمرة :hlopaet_prv:
...
ومحدش فاهم حاجه
والمفروض انهم مسؤلين عن كفاءه عمل العربيه ..الي هيا شايله ناس وماشيه في الشارع بين الناس
يعني ممكن تضر راكيها ..وتضر المواطن الي ماشي في الشارع..وممكن توصل درجه الضرر لحد القتل
يعني مش موضوع فلوس بياخدوها من اصحاب العربيات عن طريق النصب عليهم
.
.
لا يا باشا انت فاهم غلط هما مسئولين عن ملى جيوبهم بالفلوس فى اخر اليوم الا من رحم ابى
و بصراحة العيب مش عليهم العيب على اللى سايب الدنيا تطرمخ من اولها لاخرها
و ماذا سوف يستفتاد من الترخيص
هل هو لمحاسبة الصنايعى
ام لزيادة كفاءته
يا دكتور موضوع التراخيص دى من وجهة نظرى سبوبة لحاجات كتير
لا انكر اهميتها و لكنها لن تصلح ما افسده الدهر
انا شخصيا تعرضت لمشكلة التراخيص دى و كانت من وزارتكم وزارة الصحه
--
عندنا من زمان فى المعمل اجهزة اكس راى
المهم فكرنا نجيب جهاز جديد بعد ما اشتريناه و اتشحن وقف فى الجمارك
ليه يا عم
قالوا لازم الشركة يكون عندها حد معاه ترخيص استعمال اجهزة مشعه و يشرف عليكم دكتور من الطاقه الذرية
المهم ماشى
كانت شروط الترخيص
كشف طبى
و دورة فى معهد الامان النووى
--
طبعا الكشف عدى زى اى كشف افتح بقك قول اى
بتشتكى من حاجه
انت زى الفل
---مع ان المفروض ان الكشف ده فيه تحليل كامل للدم ووظائف الكبد
و حاجات تانيه كتير
المهم
الدورة بقى دى لمدة شهر كانت ايامها بـ700 جنيه
اول يوم حصل معانا مثل ما يحدث للولاد اول يوم دراسه
كل مدرس يقولك اسمك ايه و ابوك شغال ايه
علشان يشوف نظامه فى اللى هايظبطوه دروس و مجموعات و يركز عليهم
برضه
اسمك ايه و بتشتغل فين و دى شركة ايه و بتعمل ايه و طبعا كانت العيون تبرق لما تلاقى كلمة بترول
ما علينا
الدورة فيها تخصصات كتير و لكن الشرح لم يفهمه الا دكتور متخصص فى الطاقه الذريه كان بيدرس معانا
و فى الاخر تم اخذ الشهادة و دفعنا المعلوم و تم تعيين دكتور ليفتش على المنشأة بتاعتنا و يتقاضى مبلغ من المال لا اذكرة
المهم الدكتور ده عمرنا ما شفناااااااااااااااااااااا ااااااااه
---عاااااااااااااااادى جدا
و معايا ترخيص من وزارة الصحه
و زغرطى ياللى مانتش غرمانه
و افرح يا شعب انا بقيت فى الطاقه الذريه
ان شاء الله سوف احضر لك فايل "بس مش لاقيه دلوقتى" سعودى به توصيف للعمل المهنى
و بداخله حوالى 75 وظيفه
من اول سباك الى مبيض محارة مرورا بالحلوانى و الجناينى
عاملين توصيف لكل مهنه
يعنى مثلا
سباك
كاتبين المفروض المهارات التى يجب ان يتمتع بها
ثم توصيف للعمل
مثلا تغيير كوع الحوض
متطلبات التشغيل: كوع جديد - مفتاح رقم كذا و هكذا
الامن اثناء العمل : يجب ان يرتدى نظارة واقيه و .......
و كفايه كده
و محدش يقولي قطع عيش و غلابة و مش عارف إيه .. انا و انا بشطب الشقة لقيت إن الواد اللي بيطلع الرمل العمارات بيعمله في الشهر ما يوازي 4 أضعاف مرتبي تقريباَ ! ( بس بيطلع عين أهله بيهم )
ليه يعني ؟؟اقتباس:
المشاركة الأصلية كتبت بواسطة motorizer
هو يومية الباشا اللي بيطلع الرمل كام ؟؟
يوميه الصنايعياقتباس:
المشاركة الأصلية كتبت بواسطة egyegy
سواء كان شغال في الخرسانه أو ماشابه
مش بتقل الايام دي عن 70 جنيه..شفت بعيني محدش قالي
70* 30 = 2100 جنيه في الشهر غير الدخان واكله وشربه
.
.
وحكايه قطع العيش دي
الحق احق أن يُتبع
إلي مش فاهم في حاجه ..مايشتغلهاش
عشان حرام عليه فلوس الناس ..وحاجه الناس الي عمالين يخربوا فيها بجهل
ده لو بتشغله في بناء عمارة لفترة .. إنما لفترة طياري كدة بيعمل أكتر
و ده اللي بيعملوه في المدن الجديدة
مثلاَ اما بتجيب سيراميك .. انا جبت الكمية طلعت 160 علبة
طلعهوملي الدور التالت مقابل 2 جنيه للعلبة و هو بصراحة تعب جداَ لأن متوسط وزن العلبة كان 25 كيلو سيراميك و بورسلين.
320 جنيه في 3 ساعات .. و ريح شوية و إتغدي و راح عمل شغلانة زيها في العمارة اللي قدامي يعني لو حظه حلو ممكن في يوم يعمله 1000 جنيه !
فا هما بيكسبوا طبعاَ بس بيشتغلوا بشكل غير إنساني بصراحة.
هو ده الى مجننى فى البلد دى (بختك يابو بخيت) جت معاه قفش المعلوم وابقى راضى الرجاله ما جتش يبقى العربية بايظة وروح لبتاع الكربراتير او السمكرى او الحلاق!!!!اقتباس:
المشاركة الأصلية كتبت بواسطة a7med_pharma
عشان كده أنا نفسي ( انا بحلم طبعا ) ان يتم تفعيل قانون يحكم الموضوع ده
والمفروض انها تكون مهنه لها ظابط ورابط
.
ومحدش يشتغلها الا لما يكون له ترخييص بيها
.
بس والله
بس ده حلم