الجامعه بتاعتى اتقفلت و قعدت فى البيت ( 16 حاله انفلوانزا خنازير)

انا فى هندسه فى العاشر من رمضان hti
و اتقفلت لمده اسبوع عشان ظهر فيها 16 حاله انفلوانزا خنازير
و انا قاعد فى البيت و التيرم اتاجل و حاجه زى الزفت
كنا خلاص هنبدا امتحانات و نخلص التيرم و يبقى حمل و اتشال من علينا
لكن مكتوب علينا نشيل الهم اسبوع زياده
و ربنا يستر و لما نرجع الجامعه تانى ميظهرش حالات جديده
كان نفسى نمتحن و نخلص التيرم
و وضع انفلوانزا الخنازير واضح ان هو سئ جدا
المرض بينتشر بسرعه فظيعه و عدد الوفيات بيزيد
و الارقام المعلنه غير صحييييييييييحه
مش عشان الحكومه مش عاوزه تعلن لا
ده عشان الحكومه اصلا معندهاش القدره على حصر دقيق للمرضى
و ربنا يسترها علينا الايام الجايه

ربنا يسترها عليك وعلينا جميعا

اجلو التيرم لامتى؟

انا شغال فى العاشر من رمضان ولاحظت قبل كده ان مفيش حد فى الجامعه كان تقريبا قبل العيد او بعده مش فاكر وجه فى بالى ان ده بسبب انفلوانزا الخنازير وربنا يستر

Watch that the government will delay the start of the 2nd term.....

the government cant really do anything this term as you have said you were so close to starting exams.....

they will let everyone finish their exams (all universities) and then they will probably delay the start of the 2nd term.

The 2nd term should normally start on Feb 7th....but we shall see what they will do then!

اقتباس:

---

اجلو التيرم لامتى؟

---

لمده اسبوع مبدئيا

دا انت معاية باه انت قسم اه ؟؟؟؟؟؟؟؟؟

انا مدنى دفعه 2006

اللهم احفظنا ..وخلى بالك من نفسك
ولا تنسى ان تلبس كمامه وانت داخل المنتدى!!

ربنا يصبرك بجد.. و الحمد لله انها جت على قد تأجيل التيرم

وانت وضعك اية حاليا ياريت نعرف بالنسبة لدراستك وجامعتك

انت ممكن تستغل التاجيل ده في انك تراجع على معلوماتك قبل ما تخش الامتحان
و ربنا يوفقك و تنجح بتقدير عالي

يا عم يابختك انت زعلان !!!:36_1_34[1]:
هو فى حد يطول يقفلولو الكلية:10D5C8~1107: ده انا اتمنى :hlopaet_prv:
لأ بجد ربنا يحفظك ودى فرصة بجد تراجع وتظبط المنهج
يا محظووووووووظ:shine[1]:

اقتباس:

---

وانت وضعك اية حاليا ياريت نعرف بالنسبة لدراستك وجامعتك

---

وضعى حاليا قاعد فى البيت و التيرم اتاجل لمده اسبوع مبدئيا
و انا كان المفروض هبدا امتحانات اخر التيرم يوم الاتنين الجاى ده
يعنى خلا خلصنا محاضرات فاضل الامتحانات بس و كنا نخلص من التيرم الرخم ده
على كلامهم كده
الاسبوع الجاى اجازه و هنرجع الاسبوع اللى بعده نمتحن من يوم الاتنين
يعنى كل اللى حصل انهم عملو shift للدراسه لمده اسبوع
الا ان يظهر جديد ممكن الموضوع يزيد عن اسبوع عشان عدد الحالات كان كبير اوى و فى يومين بس كانو 16 حاله
يوم الاربع كان فى 11 حاله و يوم الخميس 5

اقتباس:

---

المشاركة الأصلية كتبت بواسطة eng/muhamad

وضعى حاليا قاعد فى البيت و التيرم اتاجل لمده اسبوع مبدئيا
و انا كان المفروض هبدا امتحانات اخر التيرم يوم الاتنين الجاى ده
يعنى خلا خلصنا محاضرات فاضل الامتحانات بس و كنا نخلص من التيرم الرخم ده
على كلامهم كده
الاسبوع الجاى اجازه و هنرجع الاسبوع اللى بعده نمتحن من يوم الاتنين
يعنى كل اللى حصل انهم عملو shift للدراسه لمده اسبوع
الا ان يظهر جديد ممكن الموضوع يزيد عن اسبوع عشان عدد الحالات كان كبير اوى و فى يومين بس كانو 16 حاله
يوم الاربع كان فى 11 حاله و يوم الخميس 5

---

اولا ربنا يوفقك وتنتهز فرصة التاجيل وانها فرصة للمراجعة ثانيا حاول بقدر مايمكن تقلل اختلاطك بالناس هناك وبعد الامتحان روح على طول ولا تستخدم مرافق ولا تشرب مية من حنفية و خلى معاك منديل معقم الوقاية خير من العلاج وربنا يوفقك

الحمد لله على قد كدا , فى ناس اتقفلت عندهم من اول الشهر ده وطبعا اللى فى كليه عملى منهم اتسوح تسويحه طين

فكويس انها جت معاك على قد تأجيل امتحانات

انا كمان المعهد اتقفل النهاردة السبت انا فى معهد العاشر برضة بس فرع اكتوبر وكل حاجة اتأجلت اسبوع

انا فى اسنان عين شمس و لقوا تلات حالات اتنين فى تانية و واحدة فى باكلوريوس
رحنا كلمنا المعيدين عشان لو هايقفلوا العيادات اصلى ورايا requirements ما خلصتهاش(حد عايز يحشى:36_1_8[1]:)
راحوا ردوا علينا رد مستفز قالولنا انتوا بتتعاملوا مع التهاب كبدى و ايدز و بلاوى تانية عايزين نقفلكوا الكلية عشان شوية انفلوانزا :36_6_3[1]:
و عجبى

ربنا يعافينا بس دى مصلحه ليك تذاكر تانى وتراجع !

انا عاوز اخلص من التيرم
التيرم ده اصلا كئييييب و فيه مشاكل كتير فى كل المواد
ده غير المشاكل الشخصيه اللى عندى انا و مأثره عليا نفسيا فكان نفسى اخلص

محدش عارف الخير فين ..........