الموضوع: محاولة للتأكد من جودة خامات عفشت النيو سراتو

طيب يا استاذ اسلام متعمل موضوع منفصل كده توضح فيه وجه نظرك وتجاربك مع العربيات الى جاتلك
واهو بالمره تطمن الناس

المشاركة الأصلية كتبت بواسطة bassemforever

انا معايا السيراتو اى اكس والمشاكل دى حاسس انكم مكبرينها اة الكونسل بيبقى دافى ودة عادى مش سخن يعنى مجرد دفا بسيط جدا والى عايز يكلمنى واوريهالوا بنفسي مفيش مشكلة انا بسيب الموبيل عادى علية ومش بخاف وايدي بتيجي علية دفا بسيط اوى الى هوا مش مزعج خالص
موضوع العفشة الى بيشتكى انها ناشفة يروح يعمل نيتروجين ويقلل ضغط الكاوتش شوية 30 بدل 32 وهيحس بالفرق وهيا مش مزعجة للدرجة دى وبعد ال 10 الاف هتلاقيها نعمت كتير
اما عن المقص انا بلبس كمية بالعات ومطبات يعنى مش عايز اقولكم حاسس ان الناس بتبالغ الى يقول اتقلبت على مية والمقص اتكسر محسسنى انه راكب لادا طالعة من مصنع اى كلام انا بمشى 160 وبنقل حارات عادى وبلبس مطبات زبون يعنى :) دة كلام فارغ كل الموضوع ان جنط ال 17 بيبقى كتير اوى على طرق مصر لان وزنه تقيل فممكن ياثر على المقص مطب جامد ممكن ياثر ودة مش عيب مقص ولا عيب عربية دة عيب طرق والى خايف يجيب الى بجنط 16 وهيريح بالو ولو تلاحظوا الجيتا والفكترا بتنزل ب16 مش عارف التوكيل عندنا استورد دى 17 ازاى اكيد عنده واسطة :) هوا عادى بس الطرق هنا علشان تركب جنط كبير يبقى عربيات كبيرة مش الحجم دة والعفشة العادية الكلام دة فى طرق برة الى مفهاش الكلام الى عندنا ياريت نحط الامور فى مكنها وبلاش مبالغة

الكلام ده بيمثل رأيي بالحرف

انا معايا هاي لاين 17الف كم بقالها 6 شهور

و لبست "حفرة محترمة" و نزلت مقتنع اني كسرت مقص أو جنط أو مساعد و الحمد لله طلع الكاوتش بس و غيرت الفردة

و للعلم أنا كنت ماشي على 130 فعلا و خدت الحفرة بفردة واحدة و الحمد لله .

السخونة هي دفئ موجود في اللانسر و التويوتا من سنين ماحدش قال ليه ؟؟؟ وعموما ليها حل بسيط للي مش عايز سخونةلأنها الصراحة بتدوب التلج في المشروبات بدري شوية لو مسافر سفر طويل و معاك حاجة ساقعة .

العفشة الناشفة ....هي مش ناعمة حرير فعلا ....بس برضه مش مزعجة خالص

وده مقابل تماسك و ثبات

وبرضه عفشة الأوكتافيا ألعن منها 100 مرة ماحدش وقف وقال عليها وحشة و خاف وخوف الناس ليه ؟؟؟؟

أنا مش قصدي ان كل اللي بيشتكي بيهول ...أبدا

من حق أي واحد يشتكي من أي حاجة مش عاجباه ولو كانت زقزقة في دواسة

بس اللي أقصده ان بلاش الحوار يطور الشكوى و يخليها عيب و يدخل في النص ناس ليها مزاج تقلب الترابيزة.

المشاركة الأصلية كتبت بواسطة osama75

يا أخوانى الاعزاء عندى سؤال اتمنى ان اعرف اجابته هل توجد منتديات أخرى غير نايل موتور بتتكلم برده عن نفس المشاكل المتعلقة بالعفشة والمقصات بتاعة السيراتو ام الشكاوى دى ظهرت فى منتدانا الحبيب فقط لو فيه حد عارف الاجابة ياريت يعرفنى

يا عزيزي حتى لو مافيش منتديات تانية بتتكلم

احنا نقدر نتكلم بموضوعية و نفتش و ندور على الحقيقة لأننا أكبر منتدى مصري و علينا مسؤلية معنوية . الباقيين بينقلوا مننا حتى الشكاوى

موضوع المهندس غازي موجود في أكتر من منتدى تاني و منقول مننا

المشاركة الأصلية كتبت بواسطة solom_eslam_2008

انا فني في توكيل كيا في المنصورة انا بشتغل في العربية دي كل يوم ومن ساعت ما سمعت عن المشاكل بدأت اركز اووووووووي في العفشة واطمن ديما ان المقصات سليمة وبشيك تشيك من نار وبربط عفشة كويس جدااااااااااا بس والله العظيم العربية مفيش فيها اي مشكلة من نحية العفشة ولا المقصات والمقصات اجمد مقصات شوفتها علي فكرة المقصات دي وخده من الهوندا 2005 والعفشة ممتازة جدااااااااااا
وانا بحب العربية دي جداااااااااااا وانا كل عربية بسأل صاحبها اقولة انتا عندك مشاكل يقولي العربية تمام ومعنديش اي مشكلة خاالص

أنا اتشرفت بمقابلة السيد اسلام قبل استلام العربية و عملي صيانة العشرة الاف و هو فعلا ثقة و بيحب شغله و فاهم كويس

و أنا أثق في كلامه .

تجربة قيادة النيو سيراتو - التقرير المنتظر ‏( 123 )
ahmed_su