السلام عليكم ورحمة الله وبركاته
لو طلبين
الاول اريد ان ازهب لمقر عملى فى عمارات العبور فى صلاح سالم بالتحديد امام بانوراما اكتوبر او الشبراوى
واسافر يوميا من الزقازيق على موقف السلام ولكن الطريق يكون مذدحم جدا فى الصباح واصل بصعوبه
فهل لو جربت طريق من الزقازيق لعبود ساجد مواصلات من عبود لصلاح سالم اسرع وغير مذدحمه
ام ازهب من الزقازيق لعبود ثم لرمسيس ومن رمسيس ساجد مواصلات لصلاح سالم
ارجوا النصيحه ايها اسرع ولا يكون مذدحم او على الاقل اقل ازدحاما من طريق" السلام -صلاح سالم"
ولك جزيل الشكر
ارجو الرد بسرعه لو سمحتم
ده احسن حل , طريق السلام اسرع لكن بيبقى واقف دايما فاحسن حل تنزل رمسيس و هتلاقى مليون مواصلة لصلاح سالم .اقتباس:
المشاركة الأصلية كتبت بواسطة nandoli
ممكن تركب من الزقازيق لرابعه ( احيانا بينزلو الركاب عند اول مكرم )
ومن رابعه مكان ما هتنزل فى طريق النصر ممكن تركب اى
ميكروباص للعباسيه من اللى بيمشو صلاح سالم و يا
سلام لو فى حاجه بتنزل النفق هتطلعك عند بدايه
عمارات العبور المجاوره لكوبرى الفنجرى
لو الحل ده ميمشيش معاك خليك على قديمه احسن
لان موضوع عبود و رمسيس لفه فضلا عن ان مدخل
القاهره من اتجاه الموسسه بيكون زحمه بردو
وممكن تجرب بنفسك عشان تقدر تحكم صح
طالما عندك استعداد تركب مواصلتين
يبقى اسرع حاجة من عبود لحدائق القبة (مشوار حوالي 15 دقيقة بالكتير )
ومن حدائق القبة ميكروباصات الحي السابع مدينة نصر وتنزل أول كوبري الفنجري (حوالي 5 دقائق فقط )
وربنا يوفقك
مافيش حاجه تقريبا من عبود لصلاح سالم دايركت
أنا كمان هاحتاج أروح عمارات العبور يومياً تقريباً :10d5c8~1107: ، في واحد قال لي أحسن حاجة ميكروباص من رابعة للعباسية. هو الميكروباص بياخد شوراع إيه بالضبط في اتجاهه للعباسية؟
عندي كام سؤال كمان لو سمحتوا:
طيب مافيش حاجة من محطة مترو كوبري القبة مثلاً؟
إيه أحسن حاجة في الرجوع بقى الساعة 2-3 بعد الظهر؟ الرجوع لأي محطة مترو أو عبود؟
إيه أخبار الركنة هناك لو رحت بالعربية؟
من رابعه للعباسيه بيفضل ماشي في شارع الطيران على طول و يخش شمال في صلاح سالم هتلاقي عمارات العبور على يمينك على طول
الطريق مش هياخد 10 دقايق
الركنه هناك رخمه شويه بس السياسه (جمع سايس) هناك مظبطين الدنيا و هتركن حتى لو حاسس ان الدنيا على اخرها