مطلوب تسعير لانسر 2007

**M.FOUAD** · 19-12-2009 12:58 PM

المشاركة الأصلية كتبت بواسطة mada121977

طيب خلى صاحبك يطلب فيها ال 70 بقلب جامد ... علشان التجار الحراميه دول رفعوا اسعار البوما اللى بيبيعوها بعد ارتفاع اسعار موديلات 2010

المشكلة ان موديلات 2009 لسة كثير في المعارض و بالذات ال 1300 و بتتباع لسة على 93 الف و معتقدش ان حد هيشتري لانسر 1300 2010 مانيوال ب 100 الف جنية

**mada121977** · 19-12-2009 01:17 PM

المشاركة الأصلية كتبت بواسطة mohamedezat

انا لما عرضت عربيتى للبيع سمعت فيها 68000ج
قولت انا اكيد سارقها واستحاله ابيع بالسعر ده طبعا
ادينا مستنيين الفرج
على فكره عربيتى رشه اكصدامين

طيب هو حلال على التجار يرفعوا سعر عربياتهم وحرام علينا احنا ؟؟
يعنى طبيعى انهم يخسفوا بالتمن الارض علشان المكسب يزيد لما ييجوا يبيعوا .. شوف بقى لما تروح تشترى من واحد منهم هايقولك سعر كام ؟!

**mada121977** · 19-12-2009 01:42 PM

المشاركة الأصلية كتبت بواسطة fouad nour

المشكلة ان موديلات 2009 لسة كثير في المعارض و بالذات ال 1300 و بتتباع لسة على 93 الف و معتقدش ان حد هيشتري لانسر 1300 2010 مانيوال ب 100 الف جنية

المشكله الوحيده فى رأيى عند بيع اللانسر هى كثره المعروض منها فى سوق المستعمل حتى لو كان عليها طلب كبير .. و مجال الاختيار للى بيشترى كبير برضه وبيشوف عربيات كتير خلال رحله الشراء سواء عربيات حالتها تعبانه او حالتها ممتازه فطبيعى لما يشوف عربيه حالتها زيرو بسعر عالى يضغط على البائع ويقوله على سبيل المثال دا انا شايف اختها بسعر اقل او اى حجه تانيه والسلام ...

**nayad_s** · 19-12-2009 09:04 PM

متشكر جدا ياشباب على ردودكوا انا روحت شوفت العربية هى مانيوال كاملة و فبريكة جوا ورشة بره رشة نظافة بس لاحظت ان فرش الابواب كله كان متفتح وكمان فى ازاز فيه تعليقة بسيطة وزراير المرايات برده بتحرك المرايات بصعوبة شوية وريحة العادم سيئة تقريبا مبتحرقش البنزين كويس والابواب فيها تعريجة وصاحبها بيقول ان اللى رشها مرشهاش كويس غير ان الفرامل بعد وقت فى عجلة بتصفر وقضيب انزلاق الكراسى الامامية مصدى فرأيكم ايه وتسوى كام العربية وفيها الحاجات دى وهى تقفيل يابانى ويترى فى تقفيل مصرى؟