مصروف البنزين اخباره ايه مع الجيتز 1600

**amroman2006** · 18-12-2009 01:58 PM

السلام عليكم

كنت عايز اعرف مصروف البنزين اخباره ايه مع الجيتز 1600 , خصوصا السير وسط الزحمة داخل القاهرة , فى ناس كتيرة قالت ان موتور الجيتز هو موتور الألنترا القديم واستهلاك البنزين فيه وسط الزحمة و داخل البلد بيكون عالى اوى ( مش اقتصادية )

ممكن حد يعلق على الكلام ده

**Samir_Adel** · 18-12-2009 02:06 PM

بالعكس, أنا كان معايا جيتس 2008 و قعدت بيها 10,000 كيلو. بصراحة العربية اقتصادية و مش بتاكل بنزين خالص.

**monmonmon** · 18-12-2009 02:13 PM

المشاركة الأصلية كتبت بواسطة samir_adel

بالعكس, أنا كان معايا جيتس 2008 و قعدت بيها 10,000 كيلو. بصراحة العربية اقتصادية و مش بتاكل بنزين خالص.

ما هى بترجع لطبيعة سواقتك و خبرتك يا باشا يعنى هتلاقى ناس كتييييير هيقولوا انها مش موفره خالص.. بس بصراحه ده عيبهم

انا عندى الماتريكس الحمد لله بتعمل 280 و 300 كم فى الصفيحة و هتلاقى ناس كتيير بيقولوا عليها مش اقتصادية و بلاعة بنزين و الارقام دى مش حقيقية بس العملية فى الاول و الاخر بترجع للى سايق

**Egyzizo** · 18-12-2009 02:16 PM

أعتقد ان استهلاك أى عربية 1600 للبنزين فى الزحمة هيبقى غير مرضى ..

**amroman2006** · 25-12-2009 02:10 AM

المشاركة الأصلية كتبت بواسطة monmonmon

ما هى بترجع لطبيعة سواقتك و خبرتك يا باشا يعنى هتلاقى ناس كتييييير هيقولوا انها مش موفره خالص.. بس بصراحه ده عيبهم

انا عندى الماتريكس الحمد لله بتعمل 280 و 300 كم فى الصفيحة و هتلاقى ناس كتيير بيقولوا عليها مش اقتصادية و بلاعة بنزين و الارقام دى مش حقيقية بس العملية فى الاول و الاخر بترجع للى سايق

استاذ monmonmon و Samir_Adel

شكرا جزيلا لردكم

انا بس كان ليه سؤالين تانيين بس

- اخبار قطع غيار الجيتز ايه, غالية ولا رخيصة , متوفرة ولا غير متوفرة
- لو العربية محملة 5 افراد بتحك فى المطبات ولا لئه

**Samir_Adel** · 25-12-2009 02:21 AM

المشاركة الأصلية كتبت بواسطة amroman2006

استاذ monmonmon و samir_adel

شكرا جزيلا لردكم

انا بس كان ليه سؤالين تانيين بس

- اخبار قطع غيار الجيتز ايه, غالية ولا رخيصة , متوفرة ولا غير متوفرة
- لو العربية محملة 5 افراد بتحك فى المطبات ولا لئه

يا فندم حضرتك بتتكلم علي هيونداي مش ماركة تانية جديدة في السوق! قطع غيارها في كل حتة في الجمهورية و كل يوم مراكز خدمة جديدة و مش ممكن العربية دي تحك لو أنت محمل اربعة عشان دي فعلا عالية جدا عن الأرض, كانت معايا و عمرها ما حكت و الدليل علي كدة ان محدش أشتكي من الموضوع دة عشان بيبان علي العربية يعني.

**amroman2006** · 25-12-2009 02:30 AM

المشاركة الأصلية كتبت بواسطة samir_adel

يا فندم حضرتك بتتكلم علي هيونداي مش ماركة تانية جديدة في السوق! قطع غيارها في كل حتة في الجمهورية و كل يوم مراكز خدمة جديدة و مش ممكن العربية دي تحك لو أنت محمل اربعة عشان دي فعلا عالية جدا عن الأرض, كانت معايا و عمرها ما حكت و الدليل علي كدة ان محدش أشتكي من الموضوع دة عشان بيبان علي العربية يعني.

متشكر تانى

معلش يا باشا انا بس حبيت اتاكد تانى و اسأل علشان كان فى بعض الناس عندى فى الشغل بيفتو على الجيتز بعد ما كنت مقتنع بيها, فحبيت اسأل ناس ثقات زيك كده فى المنتدى , لسه انا بقى فى مرحلة اللأختيار والمقارنة