الفا روميو

**Abo_Lina** · 03-12-2007 12:16 PM

المشاركة الأصلية كتبت بواسطة sharky

سبعاوى باشا بالنسبة لعدم إنتشار سيارات كيا دا نتيجة لمشاكل التوكيل القديم مع الشركة الأم و ليس للتوكيل الجديد أى تقصير فيها بالعكس برغم من إنه ممنوع من بيع أى سيارات كيا فى مصر حتى تحل القضية إلا إنه قد تم بيع عدد لا بأس به من البيكانتو و السيراتو و كل ملاك الكيا اللى ذهبوا لمركز صيانة كيا بتاع نصير شكروا فيه جدا و قالوا إنه أفضل كتير من التوكيل القديم فدا يعتبر بداية موفقة بالنسبة له لحين البت فى القضية
بالنسبة لتوكيل رينو أسعار قطع غيار رينو فى العالم كله غالية كمعظم قطع غيار الأوربى و حتى فى الدول العربية الأخرى غالية جدا و لكن بانسبة لصيانة و إصلاح الميجان فى التوكيل فقد تفوق التوكيل فى هذه النقطة و من توفير قطع الغيار و إصلاح جميع السيارات اللتى تدخل التوكيل و دا بشهادة ملاك السيارة كلهم فى نجاح التوكيل فى توفير قطع الغيار و الإصلاح لكن غلو أسعار قطع الغيار دى سياسة رينو نفسها مش يإيد التوكيل و لكن يحسب له إنتشار الكليو و الميجان فى مصر

اتفق معاك توكيل رينو من افضل التوكيلات في مصر وهذا راي كل من يتعامل معهم.

**CryptonX** · 03-12-2007 03:23 PM

اسعار مين يا جدعان ..
دي موديلات رياضية بحتى ..
اسبرانزا ايه و دايو ايه .. دول في قاع السيارات النسبة للألفا .

الألفا روميو تقارن بموديللات بي ام دبليو الرياضية و اودي و مرسيدس . و لكنا ارخص طبعا .

بس ارخص الغاليين .

نبذة سريعة عن اسعار الآلفا ()

147 2008
13000 جنيه استرليني = 260.000 جنيه

Alfa 159
18.500 جنيه استرليني
360.000 جنيه مصري

Alfa GT
17.500 جنيه استريني
350.000

الاسعار دي " توقعات شخصية " مبنية علي اسعار السيارة في الخارج
اعتقد السيارةالوحيدة الي ممكن تنزل مصر حتكون ال 147
و دي حتنافس الفئة الاولي و الجولف و الاستر و الاودي ال A4

واعتقد تمنها حيتراوح مابين 160الى 200 الف جنيه مصري

فلي بيحلم .. كمل نوم :)

**Abu Aly** · 03-12-2007 10:03 PM

الموضوع مش بس حينجح ولا لا .. الغريب هو حكاية عقلية التكويش ! .. الراجل ده عنده وكلات
فى مليون حاجة مختلفة .. فودافون لوحدها بتجيب دهب .. لكن عاوز يكوش حتى فى مجال واحد زى
العربيات على عدة توكيلات لوحده و يحتكر السوق و ممكن يأخد توكيلات عربيات مفروض بتنافس بعض و ممكن يخش فى حرب شرسة و ضرب تحت الحزام مع منافسين على السيطرة على توكيل ؟؟ و يا ترى بيدفع ضرايب يستفيد منها الغلابة ؟ و ليه مينزلش اسعار قطع الغيار و الصيانة شوية و يخفف عن الناس التعبانه بدل الطمع فى المزيد و المزيد و المزيد فى الفلوس اللى بتصبح غاية مش وسيلة ..

**Abu Aly** · 03-12-2007 10:09 PM

الموضوع مش بس حينجح ولا لا .. الغريب هو حكاية عقلية التكويش ! .. الراجل ده عنده وكلات فى مليون حاجة مختلفة .. فودافون لوحدها بتجيب دهب .. لكن عاوز يكوش حتى فى مجال واحد زى العربيات على عدة توكيلات لوحده و يحتكر السوق و ممكن يأخد توكيلات عربيات مفروض بتنافس بعض و ممكن يخش فى حرب شرسة و ضرب تحت الحزام مع منافسين على السيطرة على توكيل ؟؟ و يا ترى بيدفع ضرايب يستفيد منها الغلابة ؟ و ليه مينزلش اسعار قطع الغيار و الصيانة شوية و يخفف عن الناس التعبانه بدل الطمع فى المزيد و المزيد و المزيد ..

**mina_ramsis** · 03-12-2007 10:12 PM

باشمهندس بيتكلم صح الفاروميو ليها ال brand image بتاعتها انها عربية الهاى كلاس فصعب جدا انهم يعملوا positioning جديد للعربية انها تبقى عربية شعبية علشان كده محدش يتوقع انها هتنزل مثلا بسعر اللانسر او الكورولا فى مصر علشان الالفاروميو بتخدم segment مختلف خالص فى السوق

**mina_ramsis** · 03-12-2007 10:14 PM

المشاركة الأصلية كتبت بواسطة hoko_mosha

باشمهندس بيتكلم صح الفاروميو ليها ال brand image بتاعتها انها عربية الهاى كلاس فصعب جدا انهم يعملوا positioning جديد للعربية انها تبقى عربية شعبية علشان كده محدش يتوقع انها هتنزل مثلا بسعر اللانسر او الكورولا فى مصر علشان الالفاروميو بتخدم segment مختلف خالص فى السوق

اسف اقصد باشمهندس خالد

**sab3aawy** · 03-12-2007 11:04 PM

يا جماعة انا قبل ما اقول دايو واسبرانزا قلت بى إمى دبليو، مش عارف ليه عينيكم ماشافتش بى ام اللى انا كاتبها وشافت دايو واسبرانزا وعلقتم لى ألف مشنقة

انا من البداية قلت ان اللى معاه فلوس البى إم دبليو مش هيبص على اودى او ستروين او الفا روميو، يعنى انا من الأول بقارن الألفا روميو بالبى إم دبليو، وكلامى كان واضح انا قلت علشان تنجح لازم يكون سعرها منافس بالمقارنة بفئتها ،يعنى سعر منافس بالمقارنة بالبى إم دبليو والأودى والستروين والبيجو والفولكس وهكذا

ولما قلت بى إم دبليو او دايو او اسبرانزا كنت بسرد قصص نجاح فى فئات مختلفة، مش بقارنهم بالألفا روميو

لكن المشكلة اننا مش بنقرا اللى مكتوب وما بنصدق نلاقى كلمة متعجبناش ونروح ماسكين فيها وعاملين قضية من لا قضية بدون تمعن فى قراءة المكتوب

انا لو كنت جاهل بالسيارات لدرجة انى مش عارف الفرق بين الالفا روميو والدايو كما ذكر احد الأخوة هنا يبقى مكناش له لازمة اصلا انى اكمتب فى المنتدى ده، لكن المشكلة كما قلت اننا بنقرا كلمة من كل سطر ونكون انطباع بدون قراءة متأنية

ارجو ممن بيتكرم بالرد منكم انه يقرا كويس اللى هيرد عليه قبل ما يرد

**bimmeraddict** · 03-12-2007 11:40 PM

مهما كانت موجهة لفئة معينة في حاجات أساسية لازم تتوفر والا محدش ولو مليونير هيشري السيارة
من أهمهم :سعر اعادة البيع لأن الفئة المعينة بيغير السيارة كل فترة قليلة وسعر اعادة البيع بيتوقف على اداء الوكيل بصفة عاملة في كل حاجة(شوف أسعار الأودي المستعمل)
ثانيا:قطع الغيار:لأزم تكون متوفرة وبأسعار مناسبة(البي ام لما أبو الفتوح راح علية التوكيل وبقت قطع الغيار غير متوفرة أفتكر اية ال حصل ساعتها لحد ما الوكيل الجديد نزل)

**Abdallah** · 04-12-2007 12:58 AM

الالفا روميو سيارة لها عشاقها من الشباب فى انحاء العالم المختلفة, ولكن يعيبها عدم توافر قطع الغيار وسعرها العالى اذا توافرت ولكم ان تتخيلوا ان سير كاتينة ايطالى لسيارة الفا روميو موديل 93 كان يتعدى ال 650 جنيه ومكناش لاقيينه فى بورسعيد, يا ترى نصير هيقدر يحل المعادلة الصعبة ولا هتفضل الفا روميو سيارة للفرجة فقط ؟