الفا روميو

**Mahmoud Saloum** · 04-12-2007 01:42 AM

بما ان المناقشات كانت اكثر من ايجابية وتطرقت الى تفاصيل اكثر يا ريت اعرف رأيكوا فى سياسة نصير؟ يعنى ايه؟ دلوقتى هوا واخد توكيل كيا لينافس فى الفئة تحت مائة الف ودى انضربت بموضوع القضية. وبعدين توكيل رينو وهوا مركز فى الميجان لينافس فى الفئة من 100 الى 150 الف وطبعا امامه التويوتا واللانسر والاوكتافيا يعنى المنافسين فى منتهى القوة( اقوى منه)؟ اما فى الفئة من 150 الى 200 الف هيدخل بالالفا روميو يعنى امامه الاوكتافيا الايليجانس والاوبل فيكترا والجيتا والافنسيس وال 407 وقريب جدا من البى ام 316 والباسات؟؟

من وجهة نظرى الشخصية انه محسبهاش صح وانه بيلعب (فيما عدا الكيا) على شريحة معينة من الناس اللى تحب تركب عربية محدش راكبها غيرها، ودى مغامرة كبيرة! وكان الافضل من وجهة نظرى برضه انه يركز فى توكيل واحد ويجيب كذا فئة تنافس فى كذا منطق سعرية؟ ايه رأيكوا؟

**Karim_Monir** · 04-12-2007 01:47 AM

اعتقد ان سوق الف روميو لن يتجاوز حظ اودى هي النظير الايطالي لها
عشان كدة لو قدر نصير يلعب على سعر توفير ستوك قطع غيار وزي ما عمل لكيا اول ما نزل بيها واشتري ب 10 مليون جنية قطع غيار يبقي لعبها صح
ومن الاول يعمل حملة اسعار قطع غيار زي ما رامي فكري عمل حملة اسعار قطع غيار لفورد عشان يشيل من دماغ الناس فكرة ان قطع غيار فورد غلية
وفعلا في الاعلانات اسعار قطع غيار فوكاس كانت معقولة جدا
لو قدر يلعب على الوتر ده بعد 3 سنين ممكن تاخد مكانة او تدفن للابد زي فولفو

**CryptonX** · 04-12-2007 11:24 AM

المشاركة الأصلية كتبت بواسطة sab3aawy

يا جماعة انا قبل ما اقول دايو واسبرانزا قلت بى إمى دبليو، مش عارف ليه عينيكم ماشافتش بى ام اللى انا كاتبها وشافت دايو واسبرانزا وعلقتم لى ألف مشنقة

انا من البداية قلت ان اللى معاه فلوس البى إم دبليو مش هيبص على اودى او ستروين او الفا روميو، يعنى انا من الأول بقارن الألفا روميو بالبى إم دبليو، وكلامى كان واضح انا قلت علشان تنجح لازم يكون سعرها منافس بالمقارنة بفئتها ،يعنى سعر منافس بالمقارنة بالبى إم دبليو والأودى والستروين والبيجو والفولكس وهكذا

ولما قلت بى إم دبليو او دايو او اسبرانزا كنت بسرد قصص نجاح فى فئات مختلفة، مش بقارنهم بالألفا روميو

لكن المشكلة اننا مش بنقرا اللى مكتوب وما بنصدق نلاقى كلمة متعجبناش ونروح ماسكين فيها وعاملين قضية من لا قضية بدون تمعن فى قراءة المكتوب

انا لو كنت جاهل بالسيارات لدرجة انى مش عارف الفرق بين الالفا روميو والدايو كما ذكر احد الأخوة هنا يبقى مكناش له لازمة اصلا انى اكمتب فى المنتدى ده، لكن المشكلة كما قلت اننا بنقرا كلمة من كل سطر ونكون انطباع بدون قراءة متأنية

ارجو ممن بيتكرم بالرد منكم انه يقرا كويس اللى هيرد عليه قبل ما يرد

استاذ سبعاوي , انا قرأت كلام حضرتك كله , وانا مكانش قصدي علي حضرتك , علشان لو كان قصدي حضرتك كنت عملت QUOTE لكلامك و علقت عليه .

انا كنت عايز احط اسعار الفا روميو , فلما فكرة دايوو جات في بالي , اشمئذت منها مش بقارن كلام حضرتك او باقتبسه .
ارجوا اني اكون وضحت .

**3mr Farrag** · 26-12-2007 10:41 PM

انا مش شايف انها هتعمل اي شغل خالص في مصر....
ذي ما قال بعض الاخوه انها عربيه رياضيه و تحت مرتبه الفولكس و البي ام و الاودي....
يبقي ما ينفعش يخلي سعرها اغلي منهم او زيهم حتي....لازم يكون في فرق ....
غير كمان انا فئه الالفا روميو عماتا عاليه و مش اي حد يجبها.....و اللي هيجبها الاكثر هيكون شاب
انا عن نفسي اجيب جولف بدل 147

**SmartMega** · 01-08-2010 11:46 AM

يا رجاله انا قدامي 147 جامدة جدا وحالتها نضيفة ومطلوب فيها 50 الف
طبعا السعر ده لقطه والعربيه مفيهاش خربوش واحد ولسه متغيرلها عافشة كامله ومتسقطلها مطور 1800cc افيدوني
بصراحة العربيه سحرتني ومش عارف اعمل إيه ..... انا بس خايف من قطع غيارها
بالمناسبة العربيه موديل 2002

**dodz** · 08-01-2013 05:39 PM

هو اه الحصل لتوكيل نصير، أنا فكر اني اعدت أسمع عن الموضوع ده ومات بعد كدا ؟

**Batman372** · 08-01-2013 06:19 PM

المشاركة الأصلية كتبت بواسطة dodz

هو اه الحصل لتوكيل نصير، أنا فكر اني اعدت أسمع عن الموضوع ده ومات بعد كدا ؟

بعد التحيه ،
دا للاسف الى كان متوقع .... يعنى بعد مرور 6 سنوات اين سوق الفاروميو اليوم ؟؟ الاجابه لا يوجد ...
لانجاح اى موديل سياره يجب اولا تحديد سعر منافس لاقرب المتشابهين فى السوق ثم توفير قطع الغيار بكميات و بأسعار منافسه ثم الصيانه ..... وهكذا
انجح نموذج الى حد ما فى وجهه نظرى لاعاده احياء اسم قديم هى فورد مع وكيلها الجديد فكرى ...
غير كده لم ينجح احد حتى الان مع اودى/فولفو/سوبارو ...
و على فكره الى بيعاند الواقع و السوق هو فى النهايه الوحيد الى خسران ... لان ايه الفايده انك راكب عربيه اسما و امكانيات ممتازه و يمكن من القله و ده يفرح فى الاول و لكن مع اول مشكله حتلف حولين نفسك و لو الموضوع قطع غيار حتلاقيه نادر (ممكن تركن العربيه زى ما كانت فورد مع رجب !) و غالى موت بحكم ليس عليه اى طلب و عند اعاده البيع لا تجد المشترى و ان وجد خساره فظيعه !!! طيب ايه لازمه وجع الدماغ و انت عندك مرسيدس و بى-ام ثم الفولكس و الاوبل ؟؟؟
تحياتى ...

**dodz** · 08-01-2013 07:05 PM

المشاركة الأصلية كتبت بواسطة Batman372

بعد التحيه ،
دا للاسف الى كان متوقع .... يعنى بعد مرور 6 سنوات اين سوق الفاروميو اليوم ؟؟ الاجابه لا يوجد ...
لانجاح اى موديل سياره يجب اولا تحديد سعر منافس لاقرب المتشابهين فى السوق ثم توفير قطع الغيار بكميات و بأسعار منافسه ثم الصيانه ..... وهكذا
انجح نموذج الى حد ما فى وجهه نظرى لاعاده احياء اسم قديم هى فورد مع وكيلها الجديد فكرى ...
غير كده لم ينجح احد حتى الان مع اودى/فولفو/سوبارو ...
و على فكره الى بيعاند الواقع و السوق هو فى النهايه الوحيد الى خسران ... لان ايه الفايده انك راكب عربيه اسما و امكانيات ممتازه و يمكن من القله و ده يفرح فى الاول و لكن مع اول مشكله حتلف حولين نفسك و لو الموضوع قطع غيار حتلاقيه نادر (ممكن تركن العربيه زى ما كانت فورد مع رجب !) و غالى موت بحكم ليس عليه اى طلب و عند اعاده البيع لا تجد المشترى و ان وجد خساره فظيعه !!! طيب ايه لازمه وجع الدماغ و انت عندك مرسيدس و بى-ام ثم الفولكس و الاوبل ؟؟؟
تحياتى ...

ولاهي حضرتك كلامك مقنع وصح ١٠٠ فل ١٠٠ وفعلاً الهيجبهة يا إما غالباً هيخلهة معاه العمر كلو وهو الهيعمل صيانتها وهيبأة مسؤول عنها يا إما هيتبهدل في السوق كل ما هيحسل فيها مشكلة. هي عربية محترمة مفش كلام بس من أول أم تبدء تبوظ وصاحبها هيبدء يتبهدل أنا نفسي ولاهي العربية دy يبقى ليها سوق ف مصر، لو كان في توكيل كان زماني جبتها

-

مشاهدة نتائج الإستطلاع: هل بعد محمد نصير ماخد توكيل الالفا روميو ممكن تغير خطط شراءك لسيارتك القادمة ولا متفرقش ؟

الموضوع: الفا روميو - نصير

LinkBack

أدوات الموضوع

عرض

-

-

-

المواضيع المتشابهه

الفا روميو 75

الفا روميو 146 للبيعالفا روميو 146 موتور بوكسر موديل 96 1600 سي سي زينون و الرخصة انا

الفا روميو 146

الفا روميو 147

الكلمات الدلالية لهذا الموضوع

المفضلات

المفضلات

ضوابط المشاركة