اقتراحاتاكم عن اهم انجازات المنتدى في 2009

السلام عليكم ورحمه الله
مع انتهاء عام 1430 امس وبداية عام جديد
وقرب انتهاء 2009 خلال ايام
وبناء على اقتراح اخينا محمد ابو الوليد المصري
وتاييد الاعضاء واستحسان الادارة للفكر
تقرر انشاء هذا الموضوع ليطرح كل عضو فينا رايه في انجازات نايل موتورز خلال 2009
وسيتم اعادة الصياغة وتثبينها في موضوع منفصل بعد التنقيح والاضافة

لذا نرجو من كل عضو ان يكتب في هذا الموضوع ما في رايه اهم انجازات المنتدى في 2009
على الصعيد التقني والاجتماعي وفي مجال السيارات وكافة المجالات الحياتية

في انتظار ارائكم

كريم منير
المنسق العام

على الصعيد الاجتماعى
المقابلة الاخيرة اللى رفعنا فيها العلم

على صعيد السيارات
منسقى الاقسام

على الصعيد التقنى
التطوير فى الشكل
انشاء اهم موضوعات القسم ولو انه يحتاج متابعة اكتر من المشرفين

نموت نموت ....ويحيا نايل موتورز

قسم اخبار السيارات من اهم انجازات المنتدى لعام 2009

العروض المستحدثه الخاصه بالمنتدى

وطبعا اهم حاجه وهي من اهم انجازات المنتدى
اني بقيت موزع للاستيكر هههه

المجهود والسعى الدائم لتطوير المنتدى وجعلة اكبر منتدى سيارات فى مصر والعالم العربى من (عروض وخصومات -استشارات طبية -التواصل مع مهندسى بعض التوكيلات وحل مشاكل الاعضاء - )
واهم حدث يوم مانزل اسم المنتدى فى جريدة اخبار اليوم
ملحق السيارات (رابطة دايهاتسو) فى اعلان تبع عبد اللطيف جميل

عايزين نعمل زاى ما ابو وليد قال .. عايزين نختار العضو الذهبى و الفضى و البرونزى .. يعنى اول و تانى و تالت ..

و هنختارهم من ناحية الاكتر مشاركة و فعالية فى المنتدى .. و يبقا الموضوع دة بالانتخاب ..

و كمان ان احنا نشوف احنا كنا كام عضو نشط و بقينا كام ..

و نشوف اهم المواضيع الاتعملت السنة دى

تنامى العضوية والسمعة الطيبة واشتراك العديد من التوكيلات فى استفسارات الأقسام

ازدياد ترابط الاعضاء >>>>>>>>>>> انجاز هام جدا

الصراحة انا مش عارف اكتب ايه ....من اهم الأحداث والأنجازات في هذا العام تجاوز المشاركات في المنتدي المليون مشاركة وايضا ترتيب المنتدي علي المستوي العالمي حتي هذه اللحظة في المركز ال 30,978 وعلي مستوي مصر 332 حسب موقع اليكسا وافتتاح قسم اخبار السيارات في مصر وهو حتي الأن مسك ختام الأقسام الجديدة في المنتدي وحبذا لو دعم بالمواضيع الخاصة باستطلاعات الرأي والأستفتاءات الخاصة بالسيارات واعتقد ان هذه ستكون اضافة قوية للمنتدي لأن هذا القسم يستطيع تصفحه الزوار الغير مسجلين فضلا عن الأعضاء وايضا هناك المواقع الأخبارية التي تأخذ الأخبار من المنتدي واتمني ان اري خبر مثل(وحسب استطلاع الرأي الذي اجراه منتدي نايل موتورز المصري والذي شارك فيه اكثر من 50 الف شخص تبين ان كريم منير هو الشخصية الأقرب لتولي حقيبة وزارة الداخلية في مصر...واضاف زوار المنتدي ان كريم منير هو الشخص الوحيد في مصر الذي تنعقد عليه الأمال في حل المشاكل المرورية في مصر ).

السعى الدائم فى تحديث وتطوير المنتدى العمل على حل كل المشكلات التى تواجة الاعضاء بحيادية وبسرعة عروض المنتدى تطوير المنتدى وتحديثة شكلا ومضمونا واضافة اقسام جديدة مفيدة

عايزين حاجات حدثت على أرض الواقع

اقتباس:

---

المشاركة الأصلية كتبت بواسطة د.محمود صلاح

عايزين حاجات حدثت على أرض الواقع

---

ممكن نعمل احصاء للمقابلات التي تمت هذا العام و تجارب وتقييمات الأعضاء للسيارات واحصاء السيارات الجديدة لهذا العام وايضا التقارير الحصرية الخاصة للمنتدي سواء اخبار او تقييمات او تجارب لبعض منتجات السيارات زي مثلا موضوع بولش بلون العربيه وجهاز Black&Decker للتلميع (تجربة) @@ لأبو عبد الله و ‏دروس تعليمية قدمها الأعضاء في قسمي التعليمي والورشة واحصاء اهم مواضيع الأجتماعي زي مثلا موضوع حكايات البشر للدكتورة مسلمة وموضوع حوار من القلب للقلب للأخت نور القمر
و تتصنف هذه الأشياء علي النحو التالي اهم موضوع في القسم مثلا الأجتماعي و اكثر المواضيع استمرارية ومشاهدة وردود واكثر وافضل المواضيع تأثيرا وانشط قسم والقسم المثالى(زي فكرة جائزة اللعب النظيف) واكثر عضو مشاركة وافضل عضو تأثيرا في كل قسم علي حدي وافضل الأعضاء تأثيرا علي المستوي العام للمنتدي وافضل تقييم ومقارنة....ثم الأنجازات علي المستوي الأجتماعي ودي هامة جدا زي مثلا حملة الألف بطانية التي تبناها الأستاذ كريم منير.
معلش صدعتكم بأفكاري.

وممكن يكون الموضوء احصائى مماثل لجبرتى بريد الأهرام
1- عدد الأعضاء بالمقارنة السنة الماضية والسنة دى وكذلك عدد الموقوفون
2- عدد الموضوعات بالمقارنة
3-عدد المشاركات بالمقارنة
4-عدد العضويات الذهبية والماسية بالمقارنة
5-عدد المشرفين
6- الأفسام الجديده
7-العروض وعروض التوكيلات الجديدة
8-الانشطة الخيرية فى الإجتماعى
9- عدد القاءات الإجتماعية
10- .... الخ

اهم حاجة بالنسبة لى ترابط الاعضاء وحرصهم على افادة بعض ....... تحس انك قاعد ما بين اخواتك

كمان مع اختيار افضل شخصية للمنتدي نختار افضل توقيع.

انا مش هقول انجاز
لأن المنتدي اكثر من رائع
اكتر حاجه عايزه تتظبط بصراحه
المشرفين لازم يتابعوا اكتر ويكونوا اكثر ردعا
لأن بصراحه في بعض المواضيع في الفتره الاخيره
وصلت لمرحله عمري ماتخيلت اني اشوفها هنا بالذات
احتدام واحتداد وتعصب في المناقشات
والله الموفق

افتتاح قسم اخبار السيارات في مصر

هايل في انتظار المزيد
ابو الوليد
حسابنا بعدين :-)
احب اقولكم كمان على خبر هايل بس لسه تحت الاعداد
مجلة المنتدى
قربت تخرج للنور ان شاء الله
وهيا هاتكون الكترونية بالكامل
بس هاتكون اول انجازات 2010 ان شاء الله

اهم حاجة بصراحة بدون زعل ..

المقابلات و التعارف و المحية و الاخوة .. و الكلام الجميل ده كله علي العين و الراس بس ده يخص تقريبا اي منتدى اجتماهي ,, مش هدف منتدى سيارت .

اهم هدف انا شايفه اتححق .

ان المنتدى و الاعضاء طبعا فرضوا اراء علي توكيلات مصرية كتير ووضحوا نقاط ضعف بعضها و بعض التوكيلات بتستجيب وتتحسن .

اهم حاجة بقى هي ان في ناس كتير ماشاء الله اتخدت قرارات شراء او ابتعاد او تاجيل في الشراء بسبب المنتدى .. ودي اهم ميزة ! معظم الناس الي بتشترك بتبقى محتارة في شراء سيارة .

و كل شوية تلاقي موضوع ( اشترت كذا الحمد الله شكر للاخ العضو فلان ) و دي حاجة باسطاني جدا بصراحة .

دول اهم مايميز اي منتدى سيارت و هو مساعدة الناس في اتخاذ رايها و حساب و لوم التوكيلات في التقصير و ممثلين التوكيلات الي بيرده في المنتدى اكبر دليل علي ذلك .

طبعا في سلبيات صغيرة علي الانتشار الكبير و لكنها " مظللة " ومش محتاجة اصلا تناقش .

و طبعا اكبر انجاز عالمي تاريخي ! هو قروبي علي ال 3000 مشاركة :)

اقتباس:

---

المشاركة الأصلية كتبت بواسطة cryptonx

و طبعا اكبر انجاز عالمي تاريخي ! هو قروبي علي ال 3000 مشاركة :)

---

يابختك وألف مليون مبروك على اللقب الجديد بعد ماترد على مشاركتى دى :10d5c8~1107:

اقتباس:

---

المشاركة الأصلية كتبت بواسطة د.محمود صلاح

يابختك وألف مليون مبروك على اللقب الجديد بعد ماترد على مشاركتى دى :10d5c8~1107:

---

الله يبارك فيك عقبالك :)

والله الحمد الله الواحد مش بيحب يشارك للمشاركة و خلاص .. يعني ساعات كتير ببقى عايز ارد علي حاجة .. و بعدين اقرا ردي .. الاقي الموضوع مش مستاهل او اني مش حضيف قيمة للموضوع اوي ( مش في كل الحالات طبعا ) فبمتنع !

انما لو شكرت كل واحد و عملت +1000 لكل مشاركة عجبتني :) كان زماني معدي ال 10 الاف . lol .

--

اقتباس:

---

المشاركة الأصلية كتبت بواسطة karim_monir

هايل في انتظار المزيد
ابو الوليد
حسابنا بعدين :-)
احب اقولكم كمان على خبر هايل بس لسه تحت الاعداد
مجلة المنتدى
قربت تخرج للنور ان شاء الله
وهيا هاتكون الكترونية بالكامل
بس هاتكون اول انجازات 2010 ان شاء الله

---

انا مش ناسي موضوع المجله ده خالص
وكنت عاوز اسأل عليه
اظن انه هيكون مرحله هايله في تطور المنتدى

شكرا استاذ كريم

مش عارف اكتب واقول اية غير ان الموضوع دة اساسا يعتبر انجاز لاننا كتبنا كل انجازاتنا فية ودة يعتبر الانجاز الاكبر (حد فهم انا عاوز اقول اية ؟)

اقتباس:

---

المشاركة الأصلية كتبت بواسطة د.محمود صلاح

وممكن يكون الموضوء احصائى مماثل لجبرتى بريد الأهرام
1- عدد الأعضاء بالمقارنة السنة الماضية والسنة دى وكذلك عدد الموقوفون ytd & ppg
2- عدد الموضوعات بالمقارنة
3-عدد المشاركات بالمقارنة
4-عدد العضويات الذهبية والماسية بالمقارنة
5-عدد المشرفين
6- الأفسام الجديده
7-العروض وعروض التوكيلات الجديدة
8-الانشطة الخيرية فى الإجتماعى
9- عدد القاءات الإجتماعية
10- .... الخ

---

الله ينور يا دكترة ... خاصة النقاط من 1 الى 4

اقتباس:

---

المشاركة الأصلية كتبت بواسطة CryptonX

اهم هدف انا شايفه اتححق .

ان المنتدى و الاعضاء طبعا فرضوا اراء علي توكيلات مصرية كتير ووضحوا نقاط ضعف بعضها و بعض التوكيلات بتستجيب وتتحسن .

اهم حاجة بقى هي ان في ناس كتير ماشاء الله اتخدت قرارات شراء او ابتعاد او تاجيل في الشراء بسبب المنتدى .. ودي اهم ميزة ! معظم الناس الي بتشترك بتبقى محتارة في شراء سيارة .

و كل شوية تلاقي موضوع ( اشترت كذا الحمد الله شكر للاخ العضو فلان ) و دي حاجة باسطاني جدا بصراحة .

دول اهم مايميز اي منتدى سيارت و هو مساعدة الناس في اتخاذ رايها و حساب و لوم التوكيلات في التقصير و ممثلين التوكيلات الي بيرده في المنتدى اكبر دليل علي ذلك .

---

هوة ده الكلام اللى كنت داخل أقوله بالضبط إسمحلى أقتبسه منك

آه وحاجة كمان من إنجازات المنتدى برضه ...


..
..
..
..
..
..
..
..
..
..
..
..
..
..
وهي الوصول الى حل مشكلة الـ STACK OVERFLOW AT LINE 000 ... :049:

وكمان حل مشكلة قائمة الألوان المنسدلة :Oc_sun1[1]:

أحسن كنت قربت أفرقع منهم :fun_36_3_4[1]:

التقرير اللى قام به الاستاذ احمد اسماعيل ونادر نبيل عن النيو سيراتو والكارينز والسيراتو الكوبيه بناء على طلب وعرض من كيا موتورز
من اهم الانجازات اللى حققها نايل موتورز
لان تفتكروا كيا قدم العرض ده لمنتدى تانى غيرنا؟؟؟؟ طبعا لا
قدمه بس لنايل موتورز وده معناه اننا لينا صوت يعتد بيه ولو تأثير ليس بالهين