أنا فعلا سواقتي رياضية وعنيفة زي ما اسلام قال بس مش بشد مع حد إلا لو هو شد معايا وأغلب الناس دي بكون في طريقي عادي رايح شغلي على الدائري مثلا وبجري عشان أروح بدري وعشان أنا بحب الجري فييجي واحد يشوفني بجري كدا ويبقى مصمم يشد معايا بضطر أشد معاه والحمد لله 95% من الحالات بعمله باي باي بمساحة العربية اللي ورا في الأخر
المهم أول أمبارح كان فيرنا متظبطة جدا زينون ومتوطية على الأرض و ديفل وناس كتير قالو ان الفيرنا بتطلع من الجين تحت ال100 ونا قلت ان دا بيتوقف على السواق عن تجربة المهم انا عديت من جنب الفيرنا بس كان صوت الموتور عندي عالي شوية فهو افتكر ان انا عايز اشد قعد يجري جنبي وكان في مطب بعد حوالي 100 متر فمرضيتش اجري معاه استنيت المطب عشان نبقى طالعين سوا وشدينا والجين طلعت منها بفضل الله تحت المية اينعم بصعوبة بس طلعت المهم طلعنا الدائري والسرعة بقت فوق ال100 وعملت له باي باي ومشفتوش تاني :pointi~2[2]::pointi~2[2]:
وفي يوم كان على المحور واحد معاه النترا ومقطع بيها الناس وبفضل الله هو اللي اتقطع في الأخر دول أخر حاجة حصلت بس كان في كتير جدا بس لو افتكرت
في مرة ماتركس علم عليا بس غرز مش شد عشان هو كان بياخد غرز مميتة وانا عمري ما بعمل كدا أنا مش بشد نهائي في أي طريق زحمة ولا في وسط البلد لازم طريق يكون أصلا سريع وفاضي