تخفيضات مغرية لبيع نيسان صنى 2010 لفترة محدودة

أعلنت نيسان اليوم فى جريدة الأهرام اليوم الجمعة 18-12-2009 عن تخفيضات مغرية لبيع الصنى 2010 بعيداً عن المعرض و التجار بمعنى أن نيسان هى اللى عاملة هذا العرض كعرض تسويقى للسيارة المهم يا جماعة الخبر كده حقيقى علشان يوم الثلاثاء الماضى 15-12-2009 حجزت صنى 2010 من عند طارق إسماعيل فى كارفور اسكندرية و دفعت 5000 جنيه كمقدم حجز على أن ادفع باقى المبلغ عند الإستلام ، أنا حجزت المانيول + abs بـ 91000 جنيه و أخبرونى أن العربية على حظى الحلو و أتمنى أن يكون هكذا هاترخص الأيام الجاية من خلال عرض ترويجى بسبب أخر السنة و الكريسماس بصراحة ياجماعة لم أصدقهم و قلت ده كلام تجار بس فوجئت النهاردة فى ملحق السيارات بجريدة الأهرام عن الخبر و كده يبقى أكيد و على العموم أكيد كل حاجة حاتوضح لما استلم إن شاء الله و حاقولكم ايه اللى حصل بالضبط

ممكن تقول لنا ايه الاضفات الجديده فى 2010 من حيث الكمليات والف مبروك مقدما وربنا يبارك فيها انشاء اله

أشكرك ، الجديد فى 2010 كالتالى
1-المصابيح الأمامية و الشبكة تصميم جديد
2-الفوانيس الخلفية شكل جديد
3-Air bag للسائق فى EX-Saloon و للراكب الأمامى و السائق فى Super Saloon
4-نظام تعليق مطور للخدمة الشاقة
5-هيكل صلب معزز ضد الصدمات

بالاضافة الى بعض الرفاهية داخل السيارة يمكنك معرفة تفاصيلها أكثر بالدخول على Nissan Home

قرأت الخبر فى كونتاكت كارز وده شئ هايل

اتصلت اليوم بالتوكيل و سألت عن الأسعار الجديدة و أفادونى بأن التخفيض قيمته 4500 جنيه يعنى الفئة اللى أنا حاجزها ثمنها أصبح 86500 جنيه بدلاً من 91000 جنيه و لما استلم حأقولكم ايه اللى حصل بالفعل و أدعولى يكون الكلام ده بجد و حقيقى

انا اشتريت ال EX-saloon+ABS اوتوماتيك من المصرية فى اسكندرية ورخصتها يوم الاربعاء اللى فات وكانت ب 93 الف مع انها فى التوكيل مودرن موتورز ب 96 الف

ألف مبروك ربنا يديك خيرها و يكفيك شرها و عقبال ما أستلم أنا كمان و على فكرة الفئة اللى أنت اشترتها بقى ثمنها اليوم 91500 جنيه

اقتباس:

---

المشاركة الأصلية كتبت بواسطة mohamedhamam

أشكرك ، الجديد فى 2010 كالتالى
1-المصابيح الأمامية و الشبكة تصميم جديد
2-الفوانيس الخلفية شكل جديد
3-Air bag للسائق فى EX-Saloon و للراكب الأمامى و السائق فى Super Saloon
4-نظام تعليق مطور للخدمة الشاقة
5-هيكل صلب معزز ضد الصدمات

بالاضافة الى بعض الرفاهية داخل السيارة يمكنك معرفة تفاصيلها أكثر بالدخول على Nissan Home

---

هذا الاضافات موجودة من أول 2009 وتفاصيلها كالتالى:
1- موجودة من 2009
2-موجودة من 2009
3-كل الصنى المصرى كدة من يوم مانزلت فى 2006
4- السوبر صالون لم يتغير نظام تعليقها من 2006 ، اما الEX فتم تغيير نوع المساعدين الخاصين بها الى koni من 2009 لتكون نفس النوعية المسخدمة فى سوبر صالون مع بقاء السوبر صالون متميزة بقضبان منع الانقلاب
5--كل الصنى المصرى كدة من يوم مانزلت فى 2006

الخلاصة: لاجديد فى صنى 2010

طبعاً لا أستطيع أن أعلق على ما قلته يا أستاذ سبعاوى لأنك أكثر خبرة منى فى النيسان و على فكرة أنا حبيت النيسان و أتخذت قرار شراءها بعد قراءة مواضيعك عن النيسان و بعد أن حسيت مدى حياديتك و صدقك فى نقل كل المعلومات عن السيارة الصنى سواء بالسلب أو بالإيجاب و لكن ده اللى عرفته من التوكيل و ما قرأته و لكن هل الـ ABS & Radio CD,MP3 موجود من 2006 و أكدوا أيضا أن شكل الفوانيس الخلفية و الأمامية و الشبكة الأمامية مختلف عن 2009 و أخيراً أتمنى الشفاء العاجل لأبنتك من كل قلبى

لا جديد في موديل 2010

يا فكرة يا جماعة أنا حجزت اللون الأسود و تأكدت بالفعل أن السعر الجديد للمانيول +abs بـ 86500 جنيه و عايز أعرف إيه رأيكم فى الصنى باللون الأسود

أولا: ألف مبروك على العربية الجديدة وربنا يرزقك خيرها ويكفيك شرها
ثانيا: الألوان دي مسألة أذواق ، وعموما اللون الأسود في الصني جميل ويعطي فخامة وشياكة ولكن عيبه أن أي عفرة بتبان فيه وبالتالي يحتاج لنظافة مستمرة
ثالثا: لو سألتني بتحب لون إيه في الصني هاختار النبيتي
والله الموفق...........

الله يبارك فيك و متشكر لحضرتك قوى و عندك حق اللون الأسود يحتاج نظافة مستمرة و لكن بالفعل له فخامة و شياكة متميزة و ربنا يقوينا على نظافتها

بعض الزملاء هنا فى قسم النيسان كانوا بيسألوا عن التخفيض اللى حصل على الصنى دائم أم لفترة محدودة و الإجابة من التوكيل و الموزعين أنه لفترة محدودة حيث أن العرض هو عرض ترويجى لزيادة المبيعات خلال هذه الفترة و البعض بيقول أنه لمدة شهر

شكرا على الخبر لازم نيسان تعمل زى كل الشركات ما بتعمل
علشان تحافط على المبيعات

من خلال المرور على مشاركات بعض الزملاء هنا فى قسم النيسان لى بعض الملاحظات إذا سمحتم لى أقولها
1-كل شىء نصيب بمعنى من إشترى أثناء فترة التخفيض و إستفاد بقيمة التخفيض فهذا نصيبه و لا يغضب من إشترى قبل فترة التخفيض لأن ده زى ما قلت نصيب المهم أن نستمتع بعربياتنا و ربنا يباركلنا فيهم
2-التخفيض الذى حدث هو عرض ترويجى لزيادة المبيعات و ليس تقليلاً من شأن النيسان الصنى كما ذكر البعض حيث ذكروا أن السيارة بها مشاكل و السر فى التخفيض هو قلة المبيعات فى الفترة الماضية
3-أعتقد أن كل أعضاء قسم النيسان يتفقون على أن الصنى سيارة محترمة جداً و أن كل سيارة لها عيوب و مزايا و أعتقد من وجهة نظرى المتواضعة أن النيسان الصنى مزاياها أكثر من عيوبها بكثير

الحمد لله استلمت ورخصت يوم السبت الموافق 2 يناير 2010 و سأوافيكم بالأخبار ان شاء الله

مبروك يا باشا...................
أنتم السابقون و نحن اللاحقون إن شاء الله:vctry:

الله يبارك فى حضرتك و متشكر قوى و عقبال حضرتك و على فكرة العربية رائعة و ستنال إعجابك إن شاء الله

بعد أن بدأت الصنى التخفيضات ، التويوتا عملت تخفيضات و تلتها الأنترا و النيو أكسنت و ربنا يسهل و الباقى يخفض علشان الكل يستفيد

يا ترى هل استفاد أحد من أعضاء قسم نيسان بالعرض الجديد و ما رأيه الشخصى

اقتباس:

---

المشاركة الأصلية كتبت بواسطة mohamedhamam

يا ترى هل استفاد أحد من أعضاء قسم نيسان بالعرض الجديد و ما رأيه الشخصى

---

و الله انا استفدت و جبت صني 2010 اوتوماتيك ب 88000 و العربية معاي من اسبوع ... و انا مرتاح جدا في سواقتها .... ناعمة و قوية و كلها حنية :10D5C8~1107::Oc_sun1[1]:

ألف مبروك و ربنا يديك خيرها و يكفيك شرها

التخفيض مستمر حتى الان بس هل سيبقى السعر كده على طول ولا هاريجع تانى

أكيد ظروف السوق هى اللى حاتحكم و بالفعل اللى حايرخص حايبيع و اللى حاينشف دماغه لا يلوم إلا نفسه