مياه خضراء ب 5 جنيه وتنظيف الريدراتير بميه النار
انا بقالى فتره عاوز انضف الريدراتير المهم رحت لواحد كنت بتاعمل معاه من فتره المهم قولتله عاوز انضف دوره التبريد المهم قالى عادى قولتله انت بتنضفها بأيه قالى بميه نار
اتعجبت بصراحه قولتله ازاى والطلمبه والكاوتشات متبوظش قالى ازاى منا شغال بيها بقالى سنين وكده المهم قولت اجرب هو الراجل ده فاهم شويه وصنايعى يعنى
المهم حط حبه ميه نار فى الريدراتير والعربييه دايره ولاقيت فوران وبلاوى ولون المياه بقا نحاسى وسابها دايره ثوانى وقالى زود بنزين وفدلت ادوس وخلع الخرطوم الى فوق فى الريدرتير وفضى المياه وحط الخرطوم فى اليدراتير وغسله والعربيه دايره
المهم قعد يقولى حط مياه خضرا وكده قولتله مش مستاهله
قالى طب انا عندى مزيل صدأ الزجاجه ب 6 جنيه وحطه مع المياه حيظبط الكلام قولت بلاش مش مستهله قالى بس جربه وجاب زجاجه مياه خضراء مركذه وحطها فى الريدراتير والقربه وقالى ده كده 100 100 حيحافظ على الريدراتير
والمياه بقت فعلا فعلا مياه خضراء زى الى بتتباع فى السوق بالظبط
مش عارف الموضوع ده كله صح ولا غلط بس انا حبيت اجرب واشوف الى حيحصل
وانا عاوز اطمن كمان منكم كده الى عملته صح
على فكره العربيه 128 عشان محدش يفتكرها زيرو ولا حاجه ويتخض هيا لو زيرو مكنتش جربت فيها
