عرض للطباعة
السلام عليكم ورحمة الله وبركاته
أنا كنت ماشي النهاردة على كوبري أكتوبر بعد الصلاة بشوية كده والطريق كان فاضي والدنيا رايقة خالص وجايب ال 100 عادي وفجأة... أسمع صوت بوووووم وكأن طوبة نزلت من السماء على الزجاج الأمامي. لقيت الزجاج كله مشرووخ عالآخر (مفيش أي آثار لأي طوبة جت على الزجاج).
عندي سؤالين:
1. الزجاج عمل كده ليه؟ علما بأن الزجاج مليان تجاريح وشوية نقر في الزجاج.
2. بكام الزجاج (نوعية نظيفة)؟ العربية مازدا 323 موديل 82.
وشكرا
غالبا سرطان الازاز بيبقى قضاء وقدر
وتاثير الحراره وتغير الجو بره وجوه العربيه احيانا بياثر
لكن فى حاجات تانيه مهمه
مثلا لو كان متغير ومش متريح كويس
لو كان فى قايم مش مظبوط فبيضغط على جنب الازاز ف المطبات
اى اعوجاج فى مكان البربريز وده تبص عليه كويس وانت بتركب عشان الازاز لازم يتحرك بنسبه بسيطه مع الاهتزازات العاديه ف جسم العربيه
بس احنا في الشتاء؟ يعني المفروض الجو برد؟اقتباس:
المشاركة الأصلية كتبت بواسطة aymaym
العربية كانت مركونة تحت الشمس بس الإزاز فرقع بعد ما مشيت بحوالي نص ساعة.
على العموم قدر الله وماشاء فعل