مشكله 3 مكانيكيه وسمكرى مش عارفين يحلوها

بجد مشكله مخليانى الف حوالين نفسى
انا فضلت افصصها وارجع لورا واحده واحده عشان افتكر امتى اول مره حصلت وراجعت كل التغيرات والحاجات الى عملتها فى العربيه
المهم المشكله ابتدت بصوت اكنى مركب ديفل تحت التابلوه صوت كده بالظبط والعربيه على السلانسيه
المهم قولت يمكن انا ودنى الى باظت عادى
المهم لاقيت المدام بتقولى نفس الحكايه ايه الصوت ده العربيه فيها صوت غريب
قولت لا كده فى حاجه فعلا وابقى اشوفها المهم رحت مشوارى عادى وفى نص الطريق الاقى ان الاصوات بقت زنه وحاجات بتترعش تحت رجلى فى الصاج ورا الدواسات قولت تلاقيها خرطوم ولا حاجه بتحك
المهم الصوت بيروح وانا بكبس جامد او وانا بجرى بالعربيه
وهلم جر بقى
رحت للمكانيكى بتاعى قعد تحت العربيه ربع ساعه وقالى جرب بعد 5 دقائق الصوت رجع تانى
رجعتله قعد تحت تانى وقالى لا كده انت لازم تروح لسمكرى يسخن على القنطره عشان يبعدها عن الفتيس اشان بيخبطو فى بعض قولتله ازاى ايه الى حصل عشان يخبطو فى بعض هو انا عملت حادثه وبعدين القنطره دى المفرض انها مستقيمه من الفابريكه اسخن عليها وابوظ الدنيا انا ليه قالى لا لازم تعمل كده
رحت بعد كام يوم لمكانيكى تانى
حل الشداد بتاع الموتور وقعد يدق عليه عشان يبعد الموتور شويه عن الصاج مش عارف هو كده صح ولا ايه وقعد يربط شويه من تحت وقالى جرب
الصوت راح شويه بس بقى موجود وانا طالع مطلع او بهدى جامد او برجع لورا اول مجى اطلع اسمع الصوت

المهم رحت بعديها بكام يوم للسمكرى قولت اشوف كلام المكانيكىالاولانى صح ولالا يمكن الصوت يروح
المهم السمكرى قالى المكانيكى ده بيوزعك ومفيش حاجه اسمها اسخن على القنطره وانا مش مقتنع بالكلام ده بصراحه سمكرى عنده نزاهه ههههههه
المهم بعتنى لمكانيكى تانى قالى انا مش حقدر اشتغل فيها باليل هتهالى بالنهار وربنا يسهل (مش عارف ده ايه نظامه سبته ومشيت)
دلوقتى بقا انا افتكرت ان الصوت ده ظهر على طول لما كنت بزود زيت درابوكس والراجل قالى قاعده الدرابوكس محلوله وحربطهالك المهم ربط المسمار من ناحيه الريدرتير من قدام كده انا شاكك ان ممكن يكون عمل حاجه لما ربط المسمار بتاع الفتيس ده
انا احترت خالص ومش عارف اعمل ايه بصراحه بقالى اسبوعين قرفان ومش عاوز اركب العربيه
هو الصوت كده بقا يروح ويجى وبحس ساعات برجه كده وزنه تحت الدواسات تحت رجلى
ولما اكبس بنزين الصوت يروح
طولت عليكم انا عارف بس شرحت المشكله بالتفصيل

نفس المشكلة كانت عندي تقريبا.
بيبقى فيه صوت زنة خفيفة بحسها في الدواسات وبيزيد لما بدوس بنزين سنة وبيختفي لما أزود بنزين أكتر.

طلع الشكمان بيخبط في جسم العربية (ماكانش مربوط كويس). رحت لبتاع شكمانات والأمور ظبطت شوية.

اقتباس:

---

نفس المشكلة كانت عندي تقريبا.
بيبقى فيه صوت زنة خفيفة بحسها في الدواسات وبيزيد لما بدوس بنزين سنة وبيختفي لما أزود بنزين أكتر.

طلع الشكمان بيخبط في جسم العربية (ماكانش مربوط كويس). رحت لبتاع شكمانات والأمور ظبطت شوية

---

تصدق ممكن بس دا اكتر من مكانيكى نزل تحت العربيه محدش اخد باله يعنى خالص
انا حشوف برضه ممكن يطلع هو الجكمان
وفعلا زى منت بتقول بيحل كده لما بذود بسيط خالص خاص اسمع الوت لما اكبس بنزين مفيش اى حاجه

كل واحد بيفهم في تخصصه.
روح لبتاع شكمانات وقل له الشكمان بيخبط في جسم العربية بس.
وهو هيظبطهالك إن شاء الله.

اقتباس:

---

كل واحد بيفهم في تخصصه.
روح لبتاع شكمانات وقل له الشكمان بيخبط في جسم العربية بس.
وهو هيظبطهالك إن شاء الله.

---

يارب يطلع هو

يا معلم ده يا قاعدة موتور بايظة أو راكبة غلط اللى هو كرسى النص بتاع الفتيس او الجيربوكس

طالما ياباشا بتقول في التابلوة يبقا كرسي من كراسي الموتور

انزل تحت العربيه وهزهز الشكمان جامد وشوفه بيخبط فى جسم العربيه ولا لا

انا معاك ان ممكن جدا الشكمان خصوصا والعربية باردة علشان الموتور بيكون عالي وبيرج العربية كلها لغاية مايسخن ويهدا علشان كدة يمكن محدش خد بالة لأنك علي ما توصلهم بيكون الموتور سخن وهدي فالصوت يروح ....... :)

بس الصوت بيبقى موجود والعريه سخنه بس تروح للمكانيكى الصوت يروح ركبت المكانيى معايا ولفيت بيه برضه الصوت مش عاوزيطلع بعد نص ساعه الصوت رجع
وهكذا حركات نص كم

اقتباس:

---

المشاركة الأصلية كتبت بواسطة mavrck75

يا معلم ده يا قاعدة موتور بايظة أو راكبة غلط اللى هو كرسى النص بتاع الفتيس او الجيربوكس

---

كان عندى نفس الصوت زنه فى الدواسات كانت عندى و طلع انا قاعده الماتور كنت مغيرها و مكنتش مربوطه كويس مع الفتيس كانت المسمامير مفوته رحت لمكانيكى تانى قلوظ مكان المسامير من الاول و ركبها و الصوت اختفى

و الله يا باشا الله اعلم ده صوت ايه
بس انت لو محتاج لميكانيكى شاطر و سمكرى شاطر ابعتلى على الخاص و انا اقولك على ناس كويسة جدا

ان شاء الله من الشكمان

روحت لبتاع جكمان كويس وعنده الحته الى الى بيبقو واقفين فيها تحت العربيه زى بتاع الزوايا كده انا قولت ده عشان يبقى شايف العربيه كلها من تحت ويعرف الصوت منين
المحم فضل يمسك الموتور ويميله من تحت الصوت طبعا راح
قالى لا دى مشكله مكانيكى وانا معنديش حاجه اعملها روح لمكانيكى كويس
يعنى مطلعش جكمان
ياريت حد يفيدنى
وعلى فكره كل مروح لمكانيكى واقوله بصلى على قواعد الموتور يقولى مفهاش حاجه
مش عارف هما بيستسهلو ولا ايه النظام

اقتباس:

---

كان عندى نفس الصوت زنه فى الدواسات كانت عندى و طلع انا قاعده الماتور كنت مغيرها و مكنتش مربوطه كويس مع الفتيس كانت المسمامير مفوته رحت لمكانيكى تانى قلوظ مكان المسامير من الاول و ركبها و الصوت اختفى

---

ده شكله مكانيكى فاهم لو حضرتك من كنت من اسكندريه كنت حقولك اوصفهولى واروحله

بص انا حوصفلك ناس تروحلهم و حيطلعلوك المشكله علطول
مركز اسمه كار بويز في جسر السويس و قوله المشكله و هو حيجيبلك السبب علطول
بس المشكله ان الميكانيكيه هنا في مصر مبيغيروش القواعد الا بعد دمارها و ده غلط

اقتباس:

---

بص انا حوصفلك ناس تروحلهم و حيطلعلوك المشكله علطول
مركز اسمه كار بويز في جسر السويس و قوله المشكله و هو حيجيبلك السبب علطول
بس المشكله ان الميكانيكيه هنا في مصر مبيغيروش القواعد الا بعد دمارها و ده غلط

---

الف شكر ليك يا باشا على المساعده الجميله دى بس انا من اسكندريه والعربيه بالطريقه دى مش حتستحمل اسافر بيها
انا خايف الموتور يقع حصلت معايا مره برضه وكانت بسبب صنايعى رحتله وقولتله القاعده بايظه والى قالى كده صاحب العربيه الى شاريها منه قالى القاعده سليمه وعاوزه تتربط بس تانى يوم الموتور كان حيقع وميل جامد يمين والعربيه وقفت فى الشارع
كانت عربيه سيات مت 3 سنين تقريبا والساعه 1 باليل فى حته مقطوعه
اهو الى خايف منه ان ده يتكرر تانى بسبب البهوات الصنايعيه الى بيقولولى كبر دماغك وعادى بس ده مش عادى العربيه مكانش فيها الاصوات دى

طب انا حقولك حاجه
تعرف تصورلي القاعده ديه بس بكاميرا عاليه علشان اشوفهالك محتاجه تتغير ولا لأ
لان عاوز اعرف نظام الجلبه ازاي

اقتباس:

---

طب انا حقولك حاجه
تعرف تصورلي القاعده ديه بس بكاميرا عاليه علشان اشوفهالك محتاجه تتغير ولا لأ
لان عاوز اعرف نظام الجلبه ازاي

---

اوك بس هو كده انا حصورها من تحت العربيه

محدش فاهم حاجه.........
.......................
....................

لا يا احمد المشكله ان الميكانيكيه عندهم مبدا الحاجه تتغير لما تنتهي
لما كنت بتدرب في كار بويز في الصيف عرفت ليه الفلاتر بتتغير بدري
و امتى البوجيهات تتغير حتى لو متبهدله طبعا احنا بنغيرها بعد ما بتسود و ناس بتكمل عليها
و امتى القواعد بتتغير حتى لو مش متاكله و فعلا الموضوع مظبوط انا عندي مشترك الشكمان اتكسر 3 مرات و عرفت في الاخر ان السبب القاعده التالته بتاعت الموتور بقت ضعيفه
و لما دخلت على النت لقيت فعلا ده الكلام المظبوط
فيه حاجات لازم تبقى في احسن حالاتها علشان متعملكش مشاكل زي الكاوتش مثلا مينفعش متقطع و متبهدل

اه لازم تصورهالي من تحت و الاضاءه تبقى حلوه علشان انا عاوز اعرف الجلبه مترحله من ماكنها و لا لسه جامده
ده ان مكنتش مقطوعه اصلا

بص انا شاكك لما الواد بتاع الزيت ربطلك القاعدة بتاعت الفتيس ممكن يكون كسر مسمار من المسامير اللى مسكاها هما تقريبا 3 مسامير فما لما واحد من الثلاثة بيتكسر مبيرضاش يقول بيخافوا لتمسك فية ويقول فى نفسة مهما 2 مسكينها يبقى الثالث ملهوش لزمة
الموضوع دة عن تجربة فى عربيتن 128 بس الحمد لله غير عربيتى
والعربيتين برضة كانوا بيعملوا زنة فى الصاج واتظبطوا لما ربطنا المسمار الثالث

اقتباس:

---

لا يا احمد المشكله ان الميكانيكيه عندهم مبدا الحاجه تتغير لما تنتهي
لما كنت بتدرب في كار بويز في الصيف عرفت ليه الفلاتر بتتغير بدري
و امتى البوجيهات تتغير حتى لو متبهدله طبعا احنا بنغيرها بعد ما بتسود و ناس بتكمل عليها
و امتى القواعد بتتغير حتى لو مش متاكله و فعلا الموضوع مظبوط انا عندي مشترك الشكمان اتكسر 3 مرات و عرفت في الاخر ان السبب القاعده التالته بتاعت الموتور بقت ضعيفه
و لما دخلت على النت لقيت فعلا ده الكلام المظبوط
فيه حاجات لازم تبقى في احسن حالاتها علشان متعملكش مشاكل زي الكاوتش مثلا مينفعش متقطع و متبهدل

اه لازم تصورهالي من تحت و الاضاءه تبقى حلوه علشان انا عاوز اعرف الجلبه مترحله من ماكنها و لا لسه جامده
ده ان مكنتش مقطوعه اصلا

---

فعلا المكانيكيه مبيغيروش الحاجه غير لما تطلع عينها وتعمل اكتر من مشكله
انا ححاول اصورها ولو انى عمرى منزلت تحت العربيه لانى معنديش جراش

اقتباس:

---

بص انا شاكك لما الواد بتاع الزيت ربطلك القاعدة بتاعت الفتيس ممكن يكون كسر مسمار من المسامير اللى مسكاها هما تقريبا 3 مسامير فما لما واحد من الثلاثة بيتكسر مبيرضاش يقول بيخافوا لتمسك فية ويقول فى نفسة مهما 2 مسكينها يبقى الثالث ملهوش لزمة
الموضوع دة عن تجربة فى عربيتن 128 بس الحمد لله غير عربيتى
والعربيتين برضة كانوا بيعملوا زنة فى الصاج واتظبطوا لما ربطنا المسمار الثالث

---

طب هى المسامير دى مكانها فين وانا ابص عليهم بالمره