الفتيس بيعض يا ترا حد من الآخوه يعرف علاج هذة المشكلة ايه
عرض للطباعة
الفتيس بيعض يا ترا حد من الآخوه يعرف علاج هذة المشكلة ايه
1-بالنسبة لمسألة التقفيل فهى بالتأكيد تقفيلها نضيف جدا، لكن التقفيل المصرى مش كله شاهين، انا كان معايا الصنى تقفيل مصرى والماروتى تقفيل هندى، الماروتى كان فيها غلطة او اتنين حاجات بسيطة لكن الصنى بدون غلطات، اهم شئ بالنسبة لتقفيل الماروتى انك تراجع على خراطيم المية وتتأكد ان مافيش منها خرران لأن ساعات بتكون مش مربوطة كويس وتخر، راجع على كل وصلات الخراطيم، وتربط وصلات عصاية الفتيس كويس لأنها غلطة تقفيل تانية شهيرة فى الماروتى وهى سبب العضة اللى انت بتحس بيها، هى كلها حاجات بتتعمل فى 5 دقائق وبتديلك اداء ممتاز للسيارة
2-النشوفية فى المطبات واحساس ان السيارة خفيفة فى السرعات العالية هيتحسن مع الوقت لما المساعدين تريح شوية
وربنا يبارك لك فى السيارة ويديلك خيرها ويكفيك شرها، انا بسافر بيها كل مكان فى مصر وبعمل بيها احيانا 500-600 كيلومتر فى اليوم الواحد بدون مشاكل
منقول من نصائح الباشمهندس سبعاوى
ألف مبروك يا باشمهندس على العربية وأنا بصراحة شوفت عربيات مستعملة كتير وبعد تردد دام شهر كامل نويت أجيب الماروتي زيرو بس قلقان أوي من عيوب التقفيل اللي انتو بتقولوا عليها من حيث عصاية الفتيس اللي بتعض وعدم تقفيل خراطيم الميه والعيوب التانية اللي انت لاحظتها شخصيا. ياريت لو انت كنت جربتها هل العيوب دي موجودة فعلا ولا لا؟ ولو موجودة إزاي أعرف احلها وانا بشترى، وخصوصا لاني لسة جديد في عالم السواقة. أرجو الإفادة السريعة وآسف للإطالة.
أحمد عبد المنعم
مهندس تخطيط عمرانى
الله يبارك فيك ياباشا
بالنسبه لحكايه العضه اللى فى الفتيس دى فعلا موجوده بس مش علطول بصراحه
حكاية خراطيم المياه دى مش عندى عيب فيها الحمد لله غير كده باقى التقفيل ممتاز والحمد لله
الف مبروك ربنا يديك خيرها ويكفيك شرها
انا جبت ماروتي موديل 2008 في اول شهر 9/2009 زيرو 30 الف
كانت بواقي ، وسألت على موديل 2009 كان في التوكيل 38 الف وبره 35 الف
هاتلاقي السعر ده عند اوتو سمير ريان هوه تقريبا عند نادي السكه او نادي المقاولين في الحته دي
وممكن تاخد رقمة من الدليل
بس بسم الله ما شاء الله انا شايف انها ممتازة في كل شيء موضوع الشنطه صغير انما ممكن لما تتني الكرسي يبقه كويس جدا
البنزين اول ماجبتها كانت بتستهلك كتير اول الف كيلو روحت عملت الصيانه وحطيت زيت 10 الاف بسم الله ما شاء الله دلوقت تقريبا التفويله بتعمل 400 كيلو تقريبا
وسافرت بيها كفر الشيخ ورجعت تاني في نفس اليوم ومبتسخنش زي ما ناس بتقول ، من الآخر ممتازة
لكن من فتره صغيره ابتديت احسن ان احيانا موضوع القرص اللى في الفتيس لكن قليل قوي لما بيحصل وان شاء الله لما اروح اعمل صيانة خمس الاف اخليهم في التوكيل يشوفوه
ركبت انذار وسنتر بره ، كان فيه نوعين ولف انذار وسنتر 250 بالتركيب
والنوع التاني هارموني 350 برده الاتنين بالتركيب ، فركبت هارموني لأن كذا حد قالى انه افضل لأنه بيتركب في توكيل غبور ، كمان المفتاح اللى معاه كان 2 مختلفين واحد اللى بيركب فيه المفتاح والتاني اللى عامل زي الميدالية
في التوكيل سألتهم قالوا لى متركبش بره علشان الضمان بس واحد في الصيانه قالى متصدقش همه بيقولوا بس كده علشان تركب عندهم ومتقولش انى قلت لك كمان كان فيه واحده اتصلت بيه من خدمة العملا بتسألني عن الخدمع ان كانت عجبتني او فيه شكاوى سألتها قالت لى دي عربيتك تعمل فيها اللى يعجبك بس متخليش حد يلعب في الضفيره الرئيسية بتاعت الكهربا
ولما قلت كدا للى ركبت عنده قالى الكلام ده مظبوط وعلشان كده احنا مش بنقطع اي سلك علشان نركب الانذار او السنتر احنا بس بنعري حته صغيره وناخد منها وصله وبكده ملهومش حجه.
ربنا يوفقك ويكفيك شرها ويرزقك خيرها