Jeremy Clarkson عمره ماشكر في عربية مش بريطاني
ده سيادته مش عجبه ال X5M ولا ال Audi Q7 V12 TDI وفضل يشكر في Rage Rover
انا بحب الراجل ده جدا بس ساعات بتخنق من التعصب بتاعه ده
أنا شفت الحلقة دي ...هو كان قصده العربيات دي ملهاش أي لازمة سواءا ال S&m BMW x5m أو ال audi Q7v12 وقال عنهم مالهمش معنى pointless وقدم بعدهم اللاند روفر وهو بيقول إن في طريقة تالتة ممكن تبعتر بيها فلوسك waste your money
وقعد يتكلم عن مميزات وال تكنلوجيا بتاعت اللاندروفير ...وبرده قال لك ملهاش أي معنى إنك تشتري عربية بالحجم ده وباستهلاك البنزين ده ... وفي ظل سعر البنزين الغالي هناك ...وفي الآخر ملهاش معنى
ياباشا انا مش عايز اقلب الحوار ده خناقه او شبه كدا بس انا بحقي قادر على الرد مهما كان الكلام و انا كان قصدي ان كل واحد حر برأيه ويجيب العربية المناسبه لامكانياته ومافيش حد ليه حق ان يتريق على اي حد بس مع كل احترامي لحضرتك انا قلت رأيي عن تجربه و بكل صراحة وانا ماقلتش اني خبير او اني بفهم وغيري لأ وما تكلمتش بعواطف وبنفس الوقت ماقلتش ان بتوع توب جير مابيفهموا بس انا اللي بيزعجني نقدهم اللاذع اللي باغلب الأحيان غير موضوعي وبما ان حضرتك خبير ومتابع للبرنامج تقدر تقولي حسب خبرتك رأيك ايه في البروتون ? لمعلوماتك البروتون تملك شركة لوتس و عربياتها بشاسيه من لوتس ومحركاتها بتكنولوجيا لوتس وخبرة بروتون بما انها كانت سابقا متعاونة مع ميتسوبيشي واجهزة التغذية ونظام الكهرباء من شركة بوش الألمانية برأيك شركة لوتس و متسوبيشي وبوش ماعندهم خبره ? و مابيفهموا ? لوكانوا كده كان قفلوا شركاتهم من زمان وماكانتش عربيات بروتون نجحت في اغلب الدول وانا عطيت مثال عن شركات محترمة ما قارنتش بنسبه المبيعات ابدا و كل الناس بتعرف ان مبيعات تويوتا كبيرة مش بس انت واصلا لوكانت عربيات بروتون من انتاج شركة لوتس لوحدها كان الحكم مختلف تماما وبما انك تعاملت مع الانجليز و شعوب وسط وشمال اوروبا (هولندا ,فرنسا,المانيا,سويسرا, وال ناس دي ) يعني قصدك ان انت خبير وبتفهم واحنا لأ واحنا مالنا ? ولا انت شايف ايه ????? بعدين انت متعصب ومتحيز عشان بتوع توب جير ليه يعني مافيش ناس عندها خبرة وبتفهم بالعربيات بالدنيا غيرهم ولا ايه ???????????? ولا لازم يكون الواحد مجرب عربيات الدنيا كلها لحتى يكون بيفهم ورأيه يحترم ????
اخي العزيز:
1- اختلفنا في الرأي مش معناه خصومة لا قدَر الله ....احنا اخوات حتى لو الحماس سخنا على بعض شوية.
2- معاك إن الموضوع أذواق بس وإن كل واحد يجييب اللي بيحبه ...بس أنا كواحد مهتم بالعربية وبادعي إني بفهم فيها مفروض ادي نصيحة وإنت بعد كده حر ....أنا بس بنصح
3-أنا لولا إن فيه ناس عايزة تشتري العربية بتبص على المواضيع دي مكنتش رديت فيها ...مش تعالي ...ولا أي حاجة ...بس علشان مانضايقش الناس اللي عندهم العربية فعلا..لان لو دفعت دم قلبي في عربية وجيه واحد قال لي دي وحشة حدايق...بس أنا متر علشان اللي عايز يشتري يبقى على نور وهو حر
4-بالنسبة للعلاقة بين بروتون ولوتس ...فـأنا عارف قصة حياة الشركتين .....بس لو إنت متابع كنت عرفت إن لوتس اللي بيميزها مش المواتير ...لوتس بتعمل أحسن car handling في الدنيا ...ورغم تاريخ لوتس إلى انها طول عمرها شركة صغيرة عندها مشاكل مالية ... وللأسف لما بروتون جت تاخد حاجة من لوتس خدت الموتور ال campro مع اعجابي بيه بس مش ده اللي كان مفروض تاخده من بروتون .... بس دي سياسة شركات... بس ده رأيي الشخصي اللي ممكن يكون غلط.... أما البروتون فـهي في رأيي أحسن من hyundai بس مازالت من عربيات الفئة الرابعة...يعني مش أحسن من الفئة التالتة اللي هي الامريكاني و لا أحسن من الفئة التانية اللي هي الياباني ..ولا أحسن من الاوروبي
5- أنا لما قلت إني عارفهم كويس ...مانفتش إن الناس التانية تعرفهم... بس أنا بأقول إن ظروف شغلي خلتني في احتكاك معاهم فـفهمت الناس دي بتفكر إزّي .... دا مش معناه إن الناس التانية مبتفهمش .... أي حد عاشر الناس دي أكتر مني بالتأكيد يعرفهم أحسن ... ده مايعبنش في حاجة
6-أما topgear فـده البرنامج اللي بالنسبة ليَّ بدأت كل حاجة من عنده ...أنا اتفرجت عليه وبدأت أسأل وبعدين بدأت أقرأ وبدأت أنزل الشارع اشوف ...وادور في موقع النت ... وبعدين بدأت اتفرج عليه من الأول تاني ...علشان أفهم أكتر ..واشوف fifthgear وكل الحاجات دي
فـبالنسبة ليَّ البرنامج ده كان بداية حبي وعلاقتي بمجال العربيات ....
صلـوا عالنبـى يارجالــه ...
وانا شايف ان الاراء كلهـا تحتــرم ... وكل واحد بيقول وجهة نظر عن تجربته الشخصيــه
واهــم حاجه فى الاخر ان بروتون عربيه بترضى كل اللى بيركبهــا (بمميزاتها وعيوبهــا)
تحيـــــــــــــاتــــــىhttp://i122.photobucket.com/albums/o.../th_eclown.gif
+111111 الحق معك ايمن باشا بس انا مشكلتي اني عصبي وبسخن وبتحمس بسرعة وخاصة اذا الموضوع بخص الواجا
اللهم صلي على سيدنا محمد وعلى آله وأصحابه وسلم
Every body knows that CLARK the top gear rep. is ........*, always has a different point of view, to show that British cars is the best cars ever no matter what
and also the British market is full of high class cars so they judge according to different points of view than the one we evaluate cars here in Egypt
المهم يعني سيبك منهم كلارك على طول كده مبيسبش عربيه في حالها طالما مش صنع في إنجلترا!!!
طيب هو حضرتك متنفسن ليه دلوقتي؟؟؟؟؟؟؟؟؟
وايه علاقة شغلي بالموضوع
اعتبر اللي انا قلته سخرية
الموضوع كله على بعضه مش مستاهل, أنا بس عجبني الرد بتاع الاستاذ وسام فحبيت أعلق
يا ريت احنا بس بدل منتكلم كثير نعمل عربية بنصف مستوى عربيات بروتون
ومتخدش المواضيع كدة على اعصابك
ولو يا سيدي المعلق بتاع توب جير معرفة ليك ولا حاجة, انا بعتذرلك
الموضوع دة هيفضل كدا علطول خناقات يريت يتقفل هيبقا احسن والله
]100%[/QUOTE]
غالبا هو متنفسن شوية من ان شركة زي لوتس وهي شركة انجليزية تتباع لبروتون الماليزية
بجد كلامك تمام:verygood::satelite::Ta_clap[1]:
طبعا لازم لما يتكلموا عن جين 2 يتكلموا كده دى ناس بتطلع عيوب فى bmw ومرسيدس وفيرارى وانا حاطط فيديو لتعليقه على عربيتين موجودين عندنا فى السوق بس للاسف معرفتش اجيب فيديو للجين
YouTube - Jeremy Clarkson destroyed Perodua Kelisa
YouTube - Jeremy Clarkson destroying a Lada
لو قصدك سخرية من المشاركة أو مني أو من الراجل jeremy مش مشكلة ...ولو قلت عليه حمار مش مشكلة ...ولو قلت عليه بتاع فلوس مش مشكلة ...أنا اللي ضايقني حكاية منفسن علشان ماليزيا بلد إسلامي واشتريت لوتس... علشان كفاية نعلق كل حاجة على نظرية المؤامرة ...
تعرف يا صديقي أنا دلوقتي بقى في جملتين لما اسمعهم يركبني 100 عفريت ...
حكاية أصل دي مؤامرة على الاسلام : طب بأمارة ايه ...هو احنا عدلين علشان يتأمروا علينا ...أنا أفهم إني الفشلة يتأمرو على المتفوق علشان هو أحسن منهم ...إنما ده احنا خيبتنا مواردت على حد ...يا صديقي احنا بنعمل في نفسنا اللي اعدائنا مفكروش فيه .... وبنعملوا ببلاش ...
الجملة التانية : خصوصية الحالة المصرية ....الجملة دي بقالها فترة مابتتقلش إلى مع مصيبة ....تقول الدنيا بتعمل كذا ...يقولك لأ أصل خصوصية الحالة المصرية...أصل احنا كائنات فضائية.....
اخيرا : أتمنى إنك تكون فهمت أنا قصدي ايه بالرد اللي فات ...وعذرتني .... وأنا آسف وحقك عليا....
تحياتي ليك اخي في الله
هوه شاطوا كذا مره فى لوتس و اتريقوا عليها لما شبعوا
المهم
شوف مكتوب ايه على الGen-2
Proton GEN-2 - gallery
GEN-2
£8,595 - £11,390
Add to Car Bar
A budget five-door hatchback intended to make you think twice about buying a Focus. Frankly, we think a medium-size cabbage makes a more sensible alternative.
بيقول ان اى صفيحه زباله ممكن تكون بديل عقلانى !
أنا سقت الجيتز بس مسقتيش ال Polo وبصراحة الجيتز معجبتنيش خالص ....
وبصراحة مش عارف حضرتك قصدك مين أحسن ....
لو بصينا من ناحية السوق هنا ... البولو اخرها هنا 1400cc والجيتز 1600cc ...ولو سألتني تشتري ايه بفلوسك ...حشتري البولو.... حتقولي إزّي ؟
حقولك أنا مقتنع إن الأوروبي اقيم....وأحسن ...قطع غياره غالية ماشي ...بس عمرها 3 اضعف الكوري.. دي قناعتي اللي التربية عليها ...حتى قبل ماأبدأ أفهم في العربيات.
معلش يا استاذ حمادة , متزعلش مني :)
انا مليش دعوة بالموضوع بس انا فعلا سقت الاتنين .. و بصراحة الجتز عجبتني اكتر :)
جتز 1600 موديل 2007 مانوال
بولو عيون 2004 اعتقد 1400 سي سي
محستش باي حاجة المانية او علامة او خشوع من vw زي ماكل الناس بتعد تحكي !
و السيارة كانت نضيفة جدا و عاملة حاجاة بسيطة معدتش 60 الف حتى .
و طبعا فرق شاسع في المحرك ! الجتز طلقة ! البولو اشبه بعربيتي الحالية .. حصان داخل المدينة .. فار علي الطرق السريعة :) بس هي اكيث اثبت طبعا من سيارتي علشان عرضها اكبر .
سلام عليكم
انا باشوف البرنامج من وقت للتاني , و شفت الحلقة اللي مسكوا فيها العربيات الكوري و الماليزي
ملحوظتي الاولى زي ما ناس قالوا هنا
باحس تعصبهم للصناعة البريطانية بشدة في مقابل الكل , الماني بقى ولا ياباني ولا اي حاجة
بخصوص حلقة تقييم العربيات الكوري و الماليزي , انا شفتهم ما قالوش كلمتين عدلين نوعا ما الا في الجين2 و الجيتز , بهدلوا الريو , و الكليسا , و مش عارف كانوا جايبين الفيرنا الديزل ال3 سلندر دي منين و طبعا اتبهدلت لما شبعت
في المقابل انا لاحظت انهم استبعدوا تماما عربيات كتير مفروض انها عربيات كويسة و مش اقل من الجين2 و الجيتز , و ما فهمتش السبب بصراحة , زي الاوبترا (اللاسيتي) و السيراتو و الواجا و الالنترا