تعليق TopGear على ماركة بروتون... ما تيجوا نعلق عليه!

**ehaballam** · 27-12-2009 01:08 PM

المشاركة الأصلية كتبت بواسطة حماده المصري

استاذي الفاضل سيبك من ردي وردك واعتبر لا قيمه لهم

بس انت شكلك لا سقت جيتز ولا بولو وان كنت سقت الاتنين مستحيل ده يبقى ردك

البولو لا وجه مقارنه بينها وبين الجيتز تماما

أنا سقت الجيتز بس مسقتيش ال Polo وبصراحة الجيتز معجبتنيش خالص ....
وبصراحة مش عارف حضرتك قصدك مين أحسن ....
لو بصينا من ناحية السوق هنا ... البولو اخرها هنا 1400cc والجيتز 1600cc ...ولو سألتني تشتري ايه بفلوسك ...حشتري البولو.... حتقولي إزّي ؟
حقولك أنا مقتنع إن الأوروبي اقيم....وأحسن ...قطع غياره غالية ماشي ...بس عمرها 3 اضعف الكوري.. دي قناعتي اللي التربية عليها ...حتى قبل ماأبدأ أفهم في العربيات.

**CryptonX** · 27-12-2009 01:10 PM

المشاركة الأصلية كتبت بواسطة حماده المصري

استاذي الفاضل سيبك من ردي وردك واعتبر لا قيمه لهم

بس انت شكلك لا سقت جيتز ولا بولو وان كنت سقت الاتنين مستحيل ده يبقى ردك

البولو لا وجه مقارنه بينها وبين الجيتز تماما

معلش يا استاذ حمادة , متزعلش مني :)

انا مليش دعوة بالموضوع بس انا فعلا سقت الاتنين .. و بصراحة الجتز عجبتني اكتر :)

جتز 1600 موديل 2007 مانوال
بولو عيون 2004 اعتقد 1400 سي سي

محستش باي حاجة المانية او علامة او خشوع من vw زي ماكل الناس بتعد تحكي !
و السيارة كانت نضيفة جدا و عاملة حاجاة بسيطة معدتش 60 الف حتى .

و طبعا فرق شاسع في المحرك ! الجتز طلقة ! البولو اشبه بعربيتي الحالية .. حصان داخل المدينة .. فار علي الطرق السريعة :) بس هي اكيث اثبت طبعا من سيارتي علشان عرضها اكبر .

**CryptonX** · 27-12-2009 02:35 PM

المشاركة الأصلية كتبت بواسطة ehaballam

هي مش عربية جري دي عربية جوه المدن ... ده المقصود منها ....

نفس اكلام بالنسبة للجتز .. بس الفكرة لما اعوز اجري الاقي حاجة اجري بيها .. مش اشتري عربيتين للجري و للمدينة وللخضار و كدة :)

بس انا مبنتش مقانرتي علي فرق المحركات بس .. انا بتكلم عامة كسيارة .

**M.Osman** · 27-12-2009 10:19 PM

المشاركة الأصلية كتبت بواسطة human12

هوه شاطوا كذا مره فى لوتس و اتريقوا عليها لما شبعوا

المهم
شوف مكتوب ايه على الGen-2

Proton GEN-2 - gallery
GEN-2

£8,595 - £11,390
Add to Car Bar

A budget five-door hatchback intended to make you think twice about buying a Focus. Frankly, we think a medium-size cabbage makes a more sensible alternative.

بيقول ان اى صفيحه زباله ممكن تكون بديل عقلانى !

Cabbage=كرنب

**تامر.محمد** · 31-12-2009 08:48 AM

سلام عليكم

انا باشوف البرنامج من وقت للتاني , و شفت الحلقة اللي مسكوا فيها العربيات الكوري و الماليزي

ملحوظتي الاولى زي ما ناس قالوا هنا
باحس تعصبهم للصناعة البريطانية بشدة في مقابل الكل , الماني بقى ولا ياباني ولا اي حاجة
بخصوص حلقة تقييم العربيات الكوري و الماليزي , انا شفتهم ما قالوش كلمتين عدلين نوعا ما الا في الجين2 و الجيتز , بهدلوا الريو , و الكليسا , و مش عارف كانوا جايبين الفيرنا الديزل ال3 سلندر دي منين و طبعا اتبهدلت لما شبعت

في المقابل انا لاحظت انهم استبعدوا تماما عربيات كتير مفروض انها عربيات كويسة و مش اقل من الجين2 و الجيتز , و ما فهمتش السبب بصراحة , زي الاوبترا (اللاسيتي) و السيراتو و الواجا و الالنترا