كل آرائكم فى الفليشيا ... محتاجها قوى وبسرعة ... قبل ما اشترى الله يكرمكم

السلام عليكم ورحمة الله وبركاته

النهاردة نزلت سوق السيارات بنية الشراء بجد
ووجدت السيارات الجيدة وموديل عالى هى :
فليشيا
بولو
جولف
ابيزا
كورولا
سيفيك

طبعا الوحيدة اللى فى حدود الفلوس اللى معايا 30 الف هى "اسكودا فليشيا"

باقى العربيات من 35 الف وانت طالع

رجاء معلومات عن الاسكودا الفلشيا
حالتها
قطع غيارها
اماكن صيانتها
قوة التحمل
استهلاكها للبنزين داخلى وطوالى
اسعار قطع غيارها
العفشة وقوة تحملها
مزاياها وعيوبها
وكل آرائكم الشخصية

واخيرا تقييمكم النهائى للاسكودا الفلشيا
تستاهل ان الواحد يتوكل على الله ويشترى واحدة فى حدود 30 الف
ونصائحكم لى قبل الشراء

الله يكرمكم كل كلمة هاتكتبوها مهمة قوى لى

مع اطيب التمنيات
اخوكم حسين غزالة

بص يا استاذ حسين العربية تعتبر مناسبة جدا بالنسبة للفلوس اللى معاك بس يا ريت تقولنا موديل كام اولا حسب حالة العربية بالنسبة لقطع الغيار معقولة و اسعارها معقولة الى حد كبير صيانتها سهلة جدا استهلاكها للبنزين يعتبر كويس و بالامكان انك تحط 80 و حيوفر معاك جامد العفشة اعتمادية جدا و قوية ده كله يعتبر من مميزات العربية اما عيوبها انها عربية ناشفة يعنى ممكن تحس انك راكب لادا بس بشكل مختلف و ده برضه يرجع للحالة الدركسيون تقيل شوية بس بيتحل انك تجيب اسكترا جديدة او تحشى القديمة و بالاضافة ان العربية تفتقد الكماليات حتى اللى فيها تكييف مش بيبقى كويس اوى يعنى من الاخر عشان ما اطولش عليك العربية تعتبر من افضل العربيات الاقتصادية و استخير ربنا برضه ف الاول و ف الاخر

ممكن تشوف عربيه سوزوكي بالرنج بتاعك

بص رأيي في العربية دي كالتالي :
- العفشة قوية جداً عن تجربة ، العربية دي وأنا راكبها أكلت مطبات وعلى سرعات ، لو كانت عربية تانية كان المقص اتكسر أقل حاجة

- قطع الغيار زي الرز خصوصاً الاستيراد ، ممكن تجمع عربية كاملة من الاستيراد (الكلام ده في المنصورة)

- التابلوه بتاعها حلو وواخد كتير من الموديلات الأحدث زي اللانوس مثلاً

- العربية نفسها قابلة للتظبيط من برا

- العيب الوحيد الي أنا شايفه هو الموتور ، صوته عالي وخشن والتسارع بتاعه مش قد كده

الكلام ده عن تجربة في فيليشيا 1997

عزيزى
ان أسوأ ما انتجتة شركة سكوداهى الفليشيا
واكبر دليل هو استبدال الشركة نفسها

الى فابيا ابتداء من عام 2001
عيوبها اولا العربية خشنة جدا جدا جدا وهذا يرجع الى سير الكاتينة الحديدى
ثانيا عفشتها كانك راكب عربية نص نقل العافشة ناشفة لابعد الحدود

وقطع غيارها غير متوفرة بالمرة وان وجدت ستجدها غالية جدا مقارنة بامكانات السيارة
فهناك وحدة اليكترونية تتحكم بشكل كامل فى كهربة السيارة وهذة الوحدة موجودة على الرفرف اليمين وهذه الوحدة ازا طالتها المياه فتتعطل بشكل نهائى وللعلم هى غالية جدا
(عن تجربة)
نصيحة اشترى اوبل كورسا موديل 94 فى حدود المبلغ اللى معاك او حتزيد 1000 او2000 جنيه

اقتباس:

---

المشاركة الأصلية كتبت بواسطة shooter123

عزيزى
ان أسوأ ما انتجتة شركة سكوداهى الفليشيا
واكبر دليل هو استبدال الشركة نفسها

الى فابيا ابتداء من عام 2001
عيوبها اولا العربية خشنة جدا جدا جدا وهذا يرجع الى سير الكاتينة الحديدى
ثانيا عفشتها كانك راكب عربية نص نقل العافشة ناشفة لابعد الحدود

وقطع غيارها غير متوفرة بالمرة وان وجدت ستجدها غالية جدا مقارنة بامكانات السيارة
فهناك وحدة اليكترونية تتحكم بشكل كامل فى كهربة السيارة وهذة الوحدة موجودة على الرفرف اليمين وهذه الوحدة ازا طالتها المياه فتتعطل بشكل نهائى وللعلم هى غالية جدا
(عن تجربة)
نصيحة اشترى اوبل كورسا موديل 94 فى حدود المبلغ اللى معاك او حتزيد 1000 او2000 جنيه

---

لأ اسمحلي أختلف مع حضرتك في الرأي ده

لو العربية فاشلة مكنتش استمر انتاجها من 94 حتى 2001

ده فيه بلدان بالكامل قايمة على الاسكودا فيليشيا حتى الآن ، والعربية شغالة زي الفل لأنها بتستحمل

والعفشة مش ناشفة قد كده ، أنا شايفها معقولة عشان تستحمل الاستخدام الشاق في بلدنا ، وكمان مش متعبة مثلاً زي اللادا

وموضوع الكاتينة الجنزير لا أظن أنه السبب في خشونة الموتور ، ما الكورولا مثلاً الكاتينة بتاعتها جنزير والموتور ناعم جداً

وبالنسبة لقطع الغيار تعالي حضرتك عندنا المنصورة مليانة محلات استيراد سكودا بس ، ونصها بيكون فيليشيا وأسعار قريبة من الـ 128
جوز كبالن ألماني 100 جنيه
طقم عدادات كامل 150 جنيه
مراية كاملة 50 جنيه

طبعاً الكلام ده كله استيراد

أكيد كلام حضرتك ده مبني على تجربة مأساوية مع عربية فيليشيا متهانة ، فده الي كرهك فيها

السخونية
بتسخن ولازم تخللى بالك من السخونة علشان بتقلب عبى وش سلندر

شاكر افضالكم
برغم شكلها الحلو قوى
وموديلها الحديث

لكن موش كفاية عشان ادفع الـ 30 الف اللى حيلتى فيها

اعتقد هاصرف نظر عنها

مع اطيب التمنيات
اخوكم حسين غزالة

استخدمتها لمدة سنتين , حلوة وقوية بس عايزة صيانة مستمرة وملاحظة موضوع السخونة لأنها بتضرب جوان وش السلندر لوسخنت

اقتباس:

---

المشاركة الأصلية كتبت بواسطة Abdo_Eldesokey

لأ اسمحلي أختلف مع حضرتك في الرأي ده

لو العربية فاشلة مكنتش استمر انتاجها من 94 حتى 2001

ده فيه بلدان بالكامل قايمة على الاسكودا فيليشيا حتى الآن ، والعربية شغالة زي الفل لأنها بتستحمل

والعفشة مش ناشفة قد كده ، أنا شايفها معقولة عشان تستحمل الاستخدام الشاق في بلدنا ، وكمان مش متعبة مثلاً زي اللادا

وموضوع الكاتينة الجنزير لا أظن أنه السبب في خشونة الموتور ، ما الكورولا مثلاً الكاتينة بتاعتها جنزير والموتور ناعم جداً

وبالنسبة لقطع الغيار تعالي حضرتك عندنا المنصورة مليانة محلات استيراد سكودا بس ، ونصها بيكون فيليشيا وأسعار قريبة من الـ 128
جوز كبالن ألماني 100 جنيه
طقم عدادات كامل 150 جنيه
مراية كاملة 50 جنيه

طبعاً الكلام ده كله استيراد

أكيد كلام حضرتك ده مبني على تجربة مأساوية مع عربية فيليشيا متهانة ، فده الي كرهك فيها

---

ممكن رقم موبيل حضرتك علشان انا محتاج للعربيه قطع غيار كتيره و اساسيات العربيه
او ممكن حضرتك ترسيلنى على الخاص ممكن
انا اميلى
lovestoryman_ahmed2000@yahoo.com

اتفق معك فى هذا العيب لانه عيب صعب ومالهوش اى حل
ومن عيوبها ايضا الخشونه والصوت العالى وتقل عجلة القياده .
هناك عيب اخر غريب و شاهدته فى اكثر من عربيه فيليشيا وهو كسر يحدث عند بطاحات المساعدين من داخل الحوض وتشعب هذا الكسر بصورة غريبه فى عدة اتجاهات

اما الميزه التى من رايي اراها وحيده فى هذه العربيه انها سيارة متينه

اقتباس:

---

المشاركة الأصلية كتبت بواسطة a.saad

السخونية
بتسخن ولازم تخللى بالك من السخونة علشان بتقلب عبى وش سلندر

---

المشكله فى الاسكودا هى السخونه العربيه كانت بتسخن معايا على طول لحد ماجابت جوان وش السلندر لكن لما اتغير والتكيهات اظبطت والكهربه اصبحت كويسه

Mine has original air condition and it does not overheat at all. I think this model has better cooling than the ones without air condition

والله العظيم للأمانة أبعد عن العربية دى صرفت عليها دم قلبى و بجد مش عايز اسب فيها عشان ملاكها ميذعلوش
خشنة بغباء اخشن من اللادا
الدركسيون تقيل بعبط
اعطال كتييير جابت معايا وش سلندر من السخونية بطيئة و بتركبها البارومة عربية بجد ....................* مفيش اسوأ من كدة
بيعتها و جبت اية احسن منها 100 مرة و تضربها بالجزمة
مش حتصدق و نفس سنة الموديل و نفس السعر

كيا برايد العصفورة هاتش باك عربية روعة

يا رجالة انا معاية فليشيا وعايز اظبطها ومش عارف اعمل ايه فحد يقولي اعمل ايه بس اي حاجة ماعدا الجنوط والرش عشان معيش غير 1000وشكرا

رجاء معلومات عن الاسكودا الفلشيا
حالتها....حالتها ؟؟؟؟ تقصد ايههه
قطع غيارها...متوفره جدا ف شارع دمشق كل حاجه
اماكن صيانتها.. فى ميكانيكيه كتير بس انت قول انت ساكن فين
قوة التحمل.. هايله بسم الله ما شاء الله صاج متين
استهلاكها للبنزين داخلى وطوالى...10.5لتر/100كم داخلى-9لتر/100كم طوالى
اسعار قطع غيارها.. متوسطه ومعمره
العفشة وقوة تحملها.. حدث ولا حرج...بس هى ناشفه قوى
مزاياها وعيوبها..سياره يعتمد عليها ده باختصار..عيوبها تظهر لو اهملت صيانتها
وكل آرائكم الشخصية.. انا مجربها والحمد لله مريحانى وده راى عن تجربتى معاها:vctry:

اقتباس:

---

المشاركة الأصلية كتبت بواسطة seaman

رجاء معلومات عن الاسكودا الفلشيا
حالتها....حالتها ؟؟؟؟ تقصد ايههه
قطع غيارها...متوفره جدا ف شارع دمشق كل حاجه
اماكن صيانتها.. فى ميكانيكيه كتير بس انت قول انت ساكن فين
قوة التحمل.. هايله بسم الله ما شاء الله صاج متين
استهلاكها للبنزين داخلى وطوالى...10.5لتر/100كم داخلى-9لتر/100كم طوالى
اسعار قطع غيارها.. متوسطه ومعمره
العفشة وقوة تحملها.. حدث ولا حرج...بس هى ناشفه قوى
مزاياها وعيوبها..سياره يعتمد عليها ده باختصار..عيوبها تظهر لو اهملت صيانتها
وكل آرائكم الشخصية.. انا مجربها والحمد لله مريحانى وده راى عن تجربتى معاها:vctry:

---

بما ان حضرتك ممكن تديلنا علي ميكانيكي للفليشيا يكون كويس انا كمان بسأل علي ميكانيكي كويس لاني لسه جايب فليشيا 97 من حوالي شهرين ومحتاج يطظبط فيها شويه حاجات انا ساكن في عين شمس و شغلي في المعادي

انا بس عاوزه اعلق علي الناس الي بتقول ان الفليشيا اخشن من الادا

انا عندي الأتنين فليشيا ولادا يعني بجد مفيش وجه مقارنه طبعا الفليشيا تعتبر ناااااااااااااااااااعمه مقارنه بالادا

مش عارفه الناس بتجيب الكلام ده منين اانا عن تجربه و عندي دي وعندي دي