عرض للطباعة
رفعت كيا الضمان علي عربياتها و بقي 5 سنين او 100 الف كيلو
و الخبر اتنشر انهاردة في ملحق سيارات الاهرام
في المقابل .. اما رحت التوكيل اسأل عالبيكانتو
لقيت ان سعرها زاد و وصل 63 و نص
يعني زاد بطريقة مبالغ فيها جدا .. خصوصا انها عربية 1100 الف سي سي يعني
ورفعوا لك الضمان لخمس سنين ياعم ورفعولك الضغط معاه كمان عشان ميبقوش حرمينك من حاجه عارف البيكانتو هنا في السعوديه بكام 27000 ريال تكييف وكاسيت وباور واتنين زجاج كهرباء يعني حوالي 40000 جنيه
هههههههه اه .. يعني مش مكفيهم ان العربيات عندنا غالية اصلا و اللي يجيب هنا بيكانتو برة يجيب ياريس ولا هوندا سيتي ولا حاجة
الا كمان مغلي العربية عن الأسعار المصرية اصلا !!
انا شايف ان دي حاجة هتأثر بالسلب اكيد عالعربية .. يعني مثلا الموديل الاوتوماتيك بتاعها ب 70 الف ..
مين هيدفع 70 الف في بيكانتو 1100 سي سي يا جدعان !!!
طيب هي فين عربيات كيا اصلاً وانهي وكيل من الاتنين اللي عمل كدة؟؟ وهل التوكيل التاني هيلتزم؟؟
بالسعر دة العربية دي مش هتتباع اصلاً!
انا متهيألي ان مشاكل التوكيل دي انتهت و بقي توكيل واحد اللي هو ماسك رينو برده ..
انا الاسعار دي عرفتها من صالة العرض اللي في المهندسين
حتى لو كانت القضايا والمشاكل انتهت "وانا معتقدش انها خلصت لسة" فمش من المنطقي انة يجي بعد غياب شبة تام عن السوق ويغلي عربياتة!!
مش الكيا أول عربية في مصر لها ضمان 5 سنوات
البروتون ضمانها خمس سنوات كاملة أو مائة ألف كيلو على الموتور و الفتيس
و 3 سنوات أو ستين ألف كيلو على السيارة بالكامل
يعني بروتون سباقة
كلة ضرب ضرب مافيش شتيمة
بكام الأتوماتيك وفين ممكن اتفرج عليها ياريت حد يفيدنا
70000
Picantooo !!!!
الاوتوماتك بحوالي 69 الف ممكن تتفرج عليها في صالة عرض التوكيل في المهندسين قدام مسجد الحامدية الشاذلية
شكرا يا باشا على الخبر
اقتباس:
المشاركة الأصلية كتبت بواسطة dehumanizer
عالأقل كورى ياريت حد يكتب عنوان صالة العرض فالمهندسين بالتفصيل
على فكرة مكتوب سعرها فجنوب افريقيا ب 76 الف اتوماتيك تكييف تخيل بقا ثمن الشحن والجمارك يبقا واضح ان الثمن ده حلو جداً بالمقارنة بسعرها برة وعندهم النسخة الاتوماتيك تكييف وايرباج وفرامل ABS ب 87000 اسعار غالية جدا واضح انهم موفرينها هنا بسعر قليل واحنا اللى مش عارفين:):mad::confused::oاقتباس:
المشاركة الأصلية كتبت بواسطة dehumanizer
63 ليه يعنى اللى عاوز يجيب ب 63 يجيب لانوس بقى احسن
اقتباس:
المشاركة الأصلية كتبت بواسطة mohaismail
ما بقاش فيه لانوس زيرو يا باشا
وحتى لو فيه :)اقتباس:
المشاركة الأصلية كتبت بواسطة sharky
عنوان صالة العرض بالتفصيل ..
لو انت داخل شارع جامعة الدول من ناحية ميدان سفنكس .. عاليمين هتلاقي ماكدونالدز .. خش اول شارع بعد ماكدونالدز .. هتلاقي الصالة في اخره عالشمال
عادي يا جماعة ما الأتوس الأتوماتيك صناعة هندية ب 69 ألف ،،
انا شفتها في غبور ابو رواش ،،
يا جماعة اللانوس الزيرو أنا شايفها واقفة في معارض كتير ؟؟
يبقي كده السبارك برقبتها امكانيات قرريبه منها و بسعر معقول جدا عنها 55 الف
انا سوقت البيكانتو وركبت السبارك البيكانتو عربية احسن بكتير من السبارك والهيونداى اتوس برايم موتورها سحبتة حلوة الصالون بتاعها واسعاقتباس:
المشاركة الأصلية كتبت بواسطة storm_unleashed
تحبوا تضحكوا يا جماعة ، كنت باكلم التوكيل النهاردة فرع الجيزة و بأسأل على الأسعار فقالولى ان الضمان ال5 سنين او 100000 كم ده على العجل الكبير فقط زى ال 4*4 و ليس السيدان او الهاتش باك !!! و عمار يا مصر:eek::eek::eek:
لا معتقدش علي فكرة لأن نزل في ملحق سيارات الاهرام ان الضمان علي كل عربيات كيا بقي 5 سنين و كان الاعلان مركز عالبيكانتو و السيراتو .. كمان انا سألت في توكيل المهندسين و قاللي انها 5 سنين ضمان .
اكيد اللي كلمك ده كان تايه شوية عشان انا برده قابلت واحد قاللي كلام غريب عالعربية و كنت انا بصححله بعد كدة اتكلمت مع واحد تاني بيفهم .
مش دايما اللي بيقف في توكيل او في معرض بيبقي بيفهم ! مش عارف ليه .. مع ان ده اهم حاجة في ال sales man امال هو شغلته ايه ..
احسن توكيل بصراحة موقفة ناس محترمة فاهمين عربياتهم كويس توكيل دايهاتسو .. بس انا رحت فرع المهندسين بس
والله كل شئ جايز ، فعلا انا اتعذبت فى الموضوع ده فى معارض كتير تلاقى فى نفس المعرض كل واحد يقول كلام غير التانى ، و برضه كل شئ جايز لأن فيه فى سوق العربيات كلام بيتقال لجر رجل الزبون و ساعة الجد تلاقى كلام الليل مدهون بزبدة يطلع عليه النهار تسيح ، و لا عزاء للمشتريناقتباس:
مش دايما اللي بيقف في توكيل او في معرض بيبقي بيفهم ! مش عارف ليه .. مع ان ده اهم حاجة في ال sales man امال هو شغلته ايه ..
حاجة غريبة اوي في البيكانتو في موديل 2005 و2006 كان فيها مساحه خلفية وسبويلر
شالوهم في 2007و2008 طب ليه؟؟؟؟؟؟؟؟؟؟؟
وكمان مغليين سعرها!!!!!!!!!!!!!
يا جماعه اعلان السيراتو نازل فى اخبار السيارات مكتوب فى اخرة ((( البيع بنظام المناطق الحرة ))) حد يعرف ايه معنى الحكاية دى؟؟
معنى الكلام دا إن لسه مشكلة التوكيل ماتحلتش و إن اللى عايز يشترى كيا التوكيل يدخلوا العربية بإسمه من الجمارك يعنى التوكيل بياخد منك تمن العربية شامل الجمارك و بيدخلهاك بإسمك مش بإسمه
انا شايف ان الماركه دي بتموت بالبطئ او ماتت لكن يمكن يكون لسه فيه امل كيا سيراتو موجوده في الشوارع
كيا بيكانتو عربية عبقرية ..صالونها حجم الشاهين.. توفر في البنزين ..تركنها في اي مكان .. شنطها تحت الكرس موسعة ..شكلها حلو .. هي تستاهل
مسألتش على الريو ؟؟؟؟؟؟
انا كنت كلمتهم عشان واحدة صاحبتي كانت عايزة الريو قالولى كمان شهر نازلة الاوتوماتيك ب 92 !! 1400 cc
سعرها مبالغ فيه اوىاقتباس:
المشاركة الأصلية كتبت بواسطة dehumanizer
اللانوس و الفيرنا احسن منها بكتيير فى نفس الفئة السعرية
ده بدل ما يقدموا عرض كويس يرجعوا بيه للسوق بعد المشاكل و القضايا اللى خلت الناس تفقد الثقة فى التوكيل