اللوجان ما بتنزلشى اتوماتيك السيدان
عرض للطباعة
اعتقد ان العربية سعرها حلو دى فول اوبشن وهى تعتبر زيرو ويبقى وفرت 7000
يا حضرات بلاش الهجوم ده لاحظوا ان انا الوحيد اللى عرض يتفاوض فى شراء السياره وأنا قلت أنزل بالسعر شويه للاتى
1 لا أعرف سبب البيع قد يكون عيب فنى ممكن يكلفنى
2 الخبطه محدش شافها وممكن يكون لها تأثيرات أخرى
3 عدم معرفتى بأسعار الصيانه بالتوكيل وما أعرفه أنه غالى جدا
4 قدرتى الماديه وانا لم أقول السيارة تساوى أقل ولكن عرضت امكانياتى
وربنا يوفق الجميع ..................مع الشكر
سعر ممتاز و لو فيه كلام عن السعر المفروض بعد المعاينة مش عن بعد كده
و حلال على صاحب النصيب مقدما
محدش هاجم حضرتك ..... و لكن
ردا على الاربع نقاط ....
و ليه ما نفترضش حسن الظن؟ و حضرتك ممكن تكشف عالعربية تعرف فيها ايه و مافيهاش ايه .... ثم انه قايل لدواعي السفر ......اقتباس:
1 لا أعرف سبب البيع قد يكون عيب فنى ممكن يكلفنى
الراجل بيتكلم في تطبيقة بسيطة في الباب و الرفرف .... مش في خبطة في الحوض و لا السقف و لا القايم ..... ماعتقدش فيه عربية فيكي يا مصر مافيهاش "بوسة" بالتعبير الشائعاقتباس:
2 الخبطه محدش شافها وممكن يكون لها تأثيرات أخرى
و ساعتها هتفرق ايه المستعملة عن الجديدة؟ ماهو لو جبتها جديدة ب 67 الف هتعمل الصيانة بنفس السعر !!! و الراجل مشي 800 كيلو بس يعني العربية مش عاملة كيلومتر عالي يخليك تخش في الصيانات التقيلة (كاتينة و غيره)اقتباس:
3 عدم معرفتى بأسعار الصيانه بالتوكيل وما أعرفه أنه غالى جدا
و على فكرة الصيانات مش غالية و لا حاجة ..... تغيير زيت 10 الاف كيلومتر و فلتر و تربيط عفشة في حدود 400 جنيه .... و الصيانة كل 5000 مجانية ..... يعني مش غالية و لا حاجة ... و حتى لو غالية مش هتفرق زيرو من عربية ماشية 800 كيلو .....
ربنا يبارك لحضرتك و للبائع و على خير ان شاء الله .... بس برضه احقاقا للحق حضرتك حاولت تخسف بثمن السيارة عن طريق افتراض ان الاصلاح هيكلف 3000 عالاقل .... و ده برضه كان فرضية غير صحيحةاقتباس:
4 قدرتى الماديه وانا لم أقول السيارة تساوى أقل ولكن عرضت امكانياتى
لو ممكن صورع العربيه من الناحيه المخبوطه علشان الامور تتضح ومحدش يتكلم كتير
العربية سعرها حلو جدا و ربنا يبارك للي هيشتريها
اهوا بدل الأنتظار و الأوفر برايس و اللي يشتريها يكشف عليها في التوكيل و بالمرة يصلح الخبطة البسيطة دي
ربنا يبارك له في فلوسها و يبارك له في سفره و يبارك للمشتري في العربية يا رب