آخر صيحة في عالم علبة البيئة
ازيكم يا اجدع شباب على أحلى منتدى
كنت عاوز احكيلكم على حاجة عشان نستفاد كلنا ومانأمنش ل صنايعية خالص
المهم انهاردة رحت لواحد بتاع جاكمنات 2 قلتله على موضوع ال نعرة الي بسمعها قلت اشوف هيقول آه رحت وقاعة احكي قال لي تمام رفع ال عربية ونزل تحتها وزود بنزين وزود تاني وهكذا طلع ال باشا
هـا آه الاخبار ياريس
قال لي لالالالالا متقلقيش دي ال هانم
من الهانم
قال لي دي علبة البيئة
قلتله تمام والحل
قال لي أنا عندي حاجة بس آه من ال آخر
قلت بس هو ده يا وديع
هياعم فين
قال لي تعالى معايا
روحت لقيته مطلع علبة بيئة مش بتاعت لانوس وقال لي دي بقى جامدة جدا
قلتله آه الي جامد
قال لي ياباشا دي تركب مكان علبة ال بيئة
قلتله وده فارقها آه عن الي عندي
قال لي احنا بنجيب علبة البيئة ونكسر الفحم وننزله كله ونحط جواها ماسورة مخرمة ونلحمها من فوق ومن تحت ونحطها فيمكنها تاني
قلتله طب منجيب وصلة وخلاص قال لي لالالالالالا ده كده غلط وبعدين هتعالي حس (صوت ) الماتور ومشاكلها كتير ومتخليش حد يعملك كده
طب ليه ياريس
قال لي لالالا دا موضوع كبير لما تيجي عشان تركب العلبة إن شاء الله هابقى احكيلك
وأنا في قررت نفسي م هي هي الوصلة نفس فكرة التحويرة الي قالها
ما علينا المهم
قلتله طب ياريس أنا هشوف كده وإن شاء الله في اقرب وقت وجايلك على طول
قال لي اهم حاجة متخليش حد يلعبلك في الجاكمن عشان في ناس مش فاهمة حاجة وبتفتي وخلاص
أنا سمعت الكلمة ده وفطست من الضحك
قلتله طب أوكيه
وسلام
عاوز اسمع رايكم في صنايعية مصر