التطعيم ضد انفلونزا الخنازير.. معه ام ضده

طبعا كلنا سمعنا عن لقاح انفلونزا الخنازير
وسمعنا كلام كتير ربنا وحده الاعلم بمدى صحته وهو ان التطعيم ضار بالصحة ويسبب السرطان ويسبب العقم
طبعا احنا في بلدنا الثقة في الحكومة منعدمة وحط مليون خط تحت كلمة منعدمة

قبل الحج كان تطعيم الحجاج اجباري لكن حصل فوضى كبيرة وناس كتير اخدوا شهادة التطعيم بدون تطعيم ومسمعناش عن كوارث حصلت للحجاج المصريين بسبب الاهمال في اخد التطعيم

دلوقت بيقولوا هايبدأوا تطعيم الحوامل وهايبدأوا بمحافظة القاهرة
لو وزراة الصحة قررت اعطاء التطعيم لكل افراد الشعب هل هتطعم ولا هترفض التطعيم
وفي الوضع الحالي لو عندك في اسرتك امرأة حامل تنصحها بالتطعيم ولا لأ

لا اوافق
هيه مش مصيبه ده انفلوانزا عاديه و اعراضها صعبه بس لو حد عنده مشاكل فى القلب و فى التنفس بتبقى مشكله او ضعف عام فى جهاز المناعه

ربنا يستر على اولادنا

لا اوافق حيث ان الاهمال سيسود وممكن تسبب الضرر اكتر من النفع وكمان الواحد ايش ضمنه هيحصله ايه بعد ما يطعم مش يمكن يجيله حاجه العن من انفلونزا الخنازير !!

حاليا لا اوافق اما لو حصل ان الموضوع تفاقم زيادة عن اللزوم هافكر

ارفض بشدة و لو مراتي حامل مش هاطعمها و لو التطعيم بقى اجباري هادفع رشوة عشان ما اتطعمش

التطعيم ما اتجربش و وزارتنا الحلوة بتقول اللي هيتطعم يمضي انهم مش مسؤولين عن الاعراض الجانبية المحتملة

موافق و بشده وبلاش البرانويا اللى عندنا دى ..... دول العالم كله المتقدم و المتأخر خدوا التطعيم

المهم يكون من شركه كويسه و بس...... و انا عن نفسى اول واحد هأخده انا و بنتى و زوجتى

مش بارانويا يا محمد

بس مفيش تطعيم في تاريخ الطب نزل فجأة كده بدون دراسات إكلينيكية كافية

و مش مهم العالم المتقدم و لا المتأخر و لا الميديام خده ..... المهم العلم خد مجراه و لا لأ ..... و الإجابة لأ ......

الموضوع يا جماعه حاسس ان النقاش فيه جه متاخر شوي لكن بالرغم من كده مهم جدا جدا جدا ان عن نفسي مش هوافق للاسباب الاتيه وبعدين معلش يا جماعه الي يقول موافق موافق والي مش موافق يقول كمان ليه مش مجرد المشي وراء كلام الناس وخلص المهم الاسباب :-

1- عام 1976 تقريبا المرض ده ظهر قبل كده كان تقريبا في امريكا المهم وكان نازل تطعيم ضد المرض لكن للاسف الشديد كان له عواقب وخيمه واعراض خطيرة على حد قولهم انه سبب (سرطان ومره يقال انه سبب شلل نصفي والخ ) وبعدين لو افترضنا ان الدواء مختلف تماما عن الي اخترعه قبل كده فانا من وجهة نظري ان المرض كل الي محتاجه العنايه الهامه جدا والمتابعه في حالة الشكوك فيه فقط وبمجرد اخذ اللازم من طعام وشراب وعلى راي الصينين (بيقولوا اليانسون مقاوم للمرض) وعدم ممارسه التقاليد التقليديه من اختلاط وعدم الاهتمام بالنظافه ,,الخ فانه كافي بامر الله وباذن الله من الوقايه من المرض

2- ايه السبب وراء توقيع الشخص الي هيلقح بالمصل بتحمل المسؤوليه كاملة جراء اختياره ده معانها حاجتين : عدم الثقه والضمان على المصل , عدم معرفة العواقب من التلقيح بهذا المصل

3- يا جماعه كانوا جايبين ظابط على قناة الجزيرة من اللجنه مكافحة الامراض البيولوجيه في الجيش الامريكي ونبه على ان المصل مهم جدا جدا للمراه الحامل وهو طبعا كان بيتكلم عن احوال النساء الحامل عندهم الي كانوا بالفعل جايبينهم بالفيديو وهم بيطعموا ,, انا نفسي بقيت مشوش جدا لما جابوا تقرير على ان الناس في الغرب بيطعموا عادي وخصوصا في امريكا ,,بس على ما اعتقد الناس هنا مش عاوزه تتطعم لانعدام الثقه في الحكومة للاسف الشديد ,,,,,,,,, وشكرا

اقتباس:

---

طبعا احنا في بلدنا الثقة في الحكومة منعدمة وحط مليون خط تحت كلمة منعدمة

---

+1111111111111111

والله بنت حلال يا استاذه نور
انا كنت عايز اتكلم فى الموضوع ده بس انت فتحتيه و المفروض انه انا ارد
المهم ازي حضرتك يارب تكونى تمام
من يومين بالظبط كنت قاعد مع استشارى للمسالك البوليه بجامعه كبيره فى مصر بس مش هقول اسمه ولا جامعه ايه والكلمتين دول قالهم فى اذاعه القاهره فى الراديو من فتره من الساعه 12 ل 3 صباحا ممكن حد يكون سمعه
بالنص وفى وجود استشارى باطنى وجراحه
انفلونزا الخنازير مؤامرة صهيونيه
هلخص كلامى
انفلونزا الخنازير double-stranded DNA معنى الكلام ده انه الفيروس ده نتيجه اتحاد نوعين من فيروس الانفلونزا والحركه دى مستحيل تحصل الا اذا كانت مخلقه يعنى الفيروس ده من الاخر معمول فى معامل وشغل حقير واكيد عارفين بدايته كانت فين
انفلونزا الخنازير فيروس ضعيف جداا لانه عشان يتسمى وباء لازم نسبه الموت فيه تعدى ال 1 فى الميه يعنى على الاقل يموت مننا 9 مليون على الاقل وده محصلش
الكلام ده مثبوت مش هو بيقول كده وانا جبت لينكات من النت دلوقتى بكل سهوله عن معلومات عن الفيروس
فى حرب الخليج بعد عوده الجنود الامريكان لبلدهم لاحظوا انه فيه اعداد كبيره جداا مصابه بامراض مختلفه ومشاكل فى الكبد لا فى الكلى لا فى المخ فعملوا متلازمه وسموها Gulf Syndrome
وبعد البحث والتقصى وجدوا انه السبب لقاح اعطوه للجنود اللقاح ده بيتكون من مادتين ماده مضاده طبيعيه وماده تانيه الماده دى بتتعمل من مشتقات صناعيه من البترول و مشتقاته الماده دى هى الى عملت المتلازمه دى
الماده دى داخله فى لقاح انفلونزا الخنازير
وعلى اساسه رفضت نقابه الاطباء الالمان و الفرنسيين تناول اللقاح
الى بيحصل فى مصر لعبه سياسيه و تنفيذ لاوامر اسياد العالم والا :khd:انتم فاهمين بقى
و الباشا المحترم بعد الكلام ده اثبت انه تاجر وعميل من الدرجه الاولى
فى مستشفى ام المصريين حاله راحت عشان تكشف فالدكتور رئيس الاستقبال شك فيها فقام عشان يعمل ليها مسحه الفيرس قاموا قالوله الباشا الوزير منع اخد مسحات لانها مكلفه بس الامر ده امر صوتى مش كتابى المهم سمع الكلام وحولها لمستشفى الحميات الى طلبت من الحاله 400 جنيه تمن المسحه فالحاله ما معاهاش فلوس ورجعت البيت وماتت
قريب للحاله شغال فى الوزاره قام بلغ واتهم الدكتور ورئيس استقبال ام المصريين بالاهمال و الاتنين دكاتره حاليا فى النيابه العامه و الامر الصوتى من الوزير طبعا غير مثبوت والدكاتره محبوسين ولاول مره ماحصلش ليهم الى و افراج مع ضمان الوظيفه
بيسخنوا الشعب على الدكاتره و بيقولولهم بناخد ليكم حقكم اهه
اكيد فهمتم اللعبه
انفلونزا الخنازير فيروس عادى بيعمل رشح و التهاب فى الحلق و التهاب الحلق ممكن يعمل التهاب فى الشعب الهوائيه ويعمل عدوى صدريه
ببساطه الانفلونزا وفيروسها مالهاش علاج تمام بس الجسم والمناعه المفروض هى الى بتتعامل معاها عادى
الى بيحصل اذا الجسم مناعته ضعيفه التفاعل بين الفيرس والجسم بيظهر فى السخونيه والتهاب الحلق وكده ودى عدوى بكتيريه عاديه لازم تتغطى بالمضادات الحيويه القويه
لو ما حصلش الحاله بتدخل فى التهاب رئوى ودى حاله عنايه و جراحه و لازم العيان يدخل عمليات يا بيموت فبيموت وده سبب الموت عشان تبقم فاهمين مش الفيرس يعنى
انا جبت شويه لينكات بتعلن عن رفض دول كتيره للقاح ومنهم حتى الى صنعوه اللقاح و هسيبكم مع اللينكات واسف على الاطاله
معلش اغلب اللينكات اجنبيه
بس فيه لينك عربى شفته حالا بياكد كل الى انا قلته فوق
اهه

http://forums.fatakat.com/thread295207


http://www.youtube.com/watch?v=iwxBv9WNKJ4



http://www.youtube.com/watch?v=eEce83C8o1o







http://www.fightbackh1n1.com/2009/10/60-german-doctors-will-refuse-to.html

لو حد دور هيلاقى لينكات تانيه

http://www.mahalo.com/h1n1-vaccine-deaths

الله يسلمك يا دكتور محمد
بجد بعد كلامك مفيش كلام
انا كمان ضد التلقيح
وربنا يستر على الجميع

النهاردة وصلني ورقة من مدرسة ولادي بالموافقة او عدم الموافقة على تطعيم انفلونزا الخنازير
طبعا ان شاء الله عدم الموافقة مع التأكيد على الولاد بعدم اخذ اي حقن

بس المشكلة ان فى ناس معرفة خالى لسو واصلين من امريكا وقلوة احنا اطعمنا كلنا هناك وخد التطيعم ضد المرض دة وان المرض بئى خطير جدا جدا هنا فى مصر ومصر بدات تاخد مستوى على العالم فى خطورة وةانتشار المرض وان انتوا لازم تخدوااا الطعم بس الله اعلم

نقطه مهمه لازم الكل ياخد باله منها

حتى لو الدوا ده فعال....
المصل الي هياخدوه المصريين ..هيكون صناعه مصريه ولا أجنبيه
عشان لو صناعه مصريه ...هتبقا مصيبه
احنا ماعندناش صناعه دوائيه محترمه في مصر
ولو صناعه أجنبيه
هتبقا كارثه أكبر
الصناعات الدوائيه في الدول الأجنبيه ..معظمها - ده لو مش كلها - ملكيات يهوديه
تخيلوا مثلا رئيس شركه ادويه يهودي
هيدي دوا عشان كل المصريين ياخدوه
إيه الي ممكن يحصل؟؟؟

ولو حصل ان المصل ده طلع بيسبب السرطان أو أي حاجه تانيه
المصريين كلهم يروحوا في داهيه


.................................................. ................
أنا طبعا ضد المصل ده ..حتى ثبوت فعاليته وحصر اعراضه الجانبيه

مهي دي الاسباب اللي مخوفانا
عارف لو مقيمين في دولة اوربية وهايطعمونا مكنش هايبقه في مشكلة

و الله الواحد إحتار في الموضوع ده

يحكى ان رجل فى عهد الرسول صلى الله عليه وسلم
اصيب فى رأسه بجرح وتقرح فذهب للوضوء ولم يمسح على شعره فرأه بعض الرجال فنهروه وزجروه على ذلك فقال.. انى اخشى الماء على القيح فقالوا ان وضؤك غير جائز فخاف الرجل وعاد وضؤه ومسح على رأسه فمات فلما علم الرسول صلى الله عليه وسلم قال فيما معناه..
قتلوه قتلهم الله ... قتلوه قتلهم الله ... قتلوه قتلهم الله .....
فمن قال لا اعلم فقد افتى خوفا من تعدد الاراء وكل من يأخذ بالنصيحة ولاقدر الله توفى فذنبه فى رقبة الناصح.
وقال الرسول صلى الله عليه وسلم فيما معناه ..
كفى بالمرء اثماً ان يحدث بكل ما يسمع .. صدق رسول الله
انا شخصيا اخبرنى اكثر من شخص ان المقصود من اخافة الناس من التطعيم غرضه ان الكمية المتوفرة لا تكفى ومنعا للبلبلة يتم اطلاق الاشاعة
ولا اعلم من اصدق اتطعم ام لا ...
وواجب على الاخوة الاطباء بالنتدى افادتنا بذلك على اساس علمى وعدد ضحايا كل تطعيم كم بالمائة
منعا للبلبلة والتخبط
جزاكم الله عنا خيرا ووقانا واياكم شر البلاء
الهم اكشف عنا البلاء انا مؤمنون
الهم ارفع غضبك ومقتك عنا
الهم لاتؤاخذنا بما فعل السفهاء منا
الهم لاتؤاخذنا بأعمالنا بل برحمتك
الهم امين امين امين

اقتباس:

---

المشاركة الأصلية كتبت بواسطة w-m-a

يحكى ان رجل فى عهد الرسول صلى الله عليه وسلم
اصيب فى رأسه بجرح وتقرح فذهب للوضوء ولم يمسح على شعره فرأه بعض الرجال فنهروه وزجروه على ذلك فقال.. انى اخشى الماء على القيح فقالوا ان وضؤك غير جائز فخاف الرجل وعاد وضؤه ومسح على رأسه فمات فلما علم الرسول صلى الله عليه وسلم قال فيما معناه..
قتلوه قتلهم الله ... قتلوه قتلهم الله ... قتلوه قتلهم الله .....
فمن قال لا اعلم فقد افتى خوفا من تعدد الاراء وكل من يأخذ بالنصيحة ولاقدر الله توفى فذنبه فى رقبة الناصح.
وقال الرسول صلى الله عليه وسلم فيما معناه ..
كفى بالمرء اثماً ان يحدث بكل ما يسمع .. صدق رسول الله
انا شخصيا اخبرنى اكثر من شخص ان المقصود من اخافة الناس من التطعيم غرضه ان الكمية المتوفرة لا تكفى ومنعا للبلبلة يتم اطلاق الاشاعة
ولا اعلم من اصدق اتطعم ام لا ...
وواجب على الاخوة الاطباء بالنتدى افادتنا بذلك على اساس علمى وعدد ضحايا كل تطعيم كم بالمائة
منعا للبلبلة والتخبط
جزاكم الله عنا خيرا ووقانا واياكم شر البلاء
الهم اكشف عنا البلاء انا مؤمنون
الهم ارفع غضبك ومقتك عنا
الهم لاتؤاخذنا بما فعل السفهاء منا
الهم لاتؤاخذنا بأعمالنا بل برحمتك
الهم امين امين امين

---

هي دي المشكله
مفيش معلومات أكيده عن الموضوع
بس الأكيد
إن عضو سابق في مركز البحوث ..أكد الاعراض الجانبيه للدوا
والي مش أكيد
محدش يقدر يجزم فيه
ولو حد من اطباء او صياده المنتدى اتكلم في الموضوع ده
هيكون برضووو بيفتي
عشان مفيش مصدر اكيد عن العقار ..ومحدش يقدر يأكد صحه العقار أو اضراره
إلا صانعه
والله اعلم يطلعوا مين؟؟؟؟

و بعدين كل الادوية و اللقاحات لازم يتم تجربتها في تجارب ثنائية التعمية

Double blinded clinical study

لتحديد فوائدها و اضرارها و اعراضها الجانبية ...... مش سلق بيض اطلع من المصنع عالسرنجات على جتت الناس

وزير الصحة نفسه قال ان التطعيم يستخدم لاول مرة ومفيش خبرة علمية بيه وبالتالي محدش ضامن نتائجه
ففي الحالة دي وبما ان جميع الاطباء اجزم بان المرض خطورته لا تتعدى خطورة الانفلونزا الموسمية بل واقل نها إلا على ضعيفي المناعة فالافضل عدم المجازفة وربنا يستر علينا جميعا