المشاركة الأصلية كتبت بواسطة abou_ruqi
تبقى دولة فاشلة اللي مورد رزقها الوحيد هو الجباية والمكوس
لا أقولك
لو الدولة أدت الواجبات اللي عليها مثلما تقوم إنجلترا
تبقى تتطالبني بحقوقها عليا مثلما تطالب إنجلترا
لما تعطي أولادي تعليم وصحة وهواء نظيف ومياة نظيفة و زروع بدون ملوثات , حدفع للدولة عينيا مش ضريبة وبس
إنما الدولة اللي عاوزه حقها كامل مكمل بدون إنتقاص مليم واحد , بينما المواطنين ليس لهم الحد الأدنى من الحقوق , ينبغي أن يظهر فيها أصوات تنادي بالإمتناع عن دفع الضرائب
حضرتك كمثال أهو بتدفع كل ضريبة تفرض عليك , ولكنك لو دخلت قسم في نزاع مع خليجي حتتبهدل أخر بهدلة وهو حيروح الفندق معزز مكرم وأنت حتبات على البورش (مش العربية :)) , ولو كنت في الخارج وحصلتلك أي مشكلة مش حيفتحولك باب السفارة و حتلاقي التليفونات مشغولة وودن من طين والأخرى من عجين
حقولك حكمة سمعتها من مصري في الكويت , في خضم حديث عن سوء معاملة الكويتيين للعمالة المصرية , قال لي :
لو واحد كويتي ضربك في مصر مش حتعرف تاخد حقك
إنما لو كويتي ضربك في الكويت حتعرف تاخد حقك بالرغم من أنه صاحب البلد !
إذا كانت الضريبة حق الدولة على المواطن
فأين حق المواطن على الدولة ؟