عملت حادثة ورجاء المساعدة العاجلة
يا جماعة عايز مساعدتكم عملت حادثة بعربية اوبترا
المهم من غير ما طول عليكم الرفرف و القايم اليمين و البريبريز و السقف و المراية اليمين دى الاجزاء المضررة
رحت لسمكرى فى الاسكندرية فى الحرفيين اسمه ايمن
قالى الرفرف عايز يتغير و القايم و السقف يتردوا و يترش القايم اليمين و نص السقف فقط و يسحب باقى السقف ورنيش و يلمع العربية كلها
العربية سوداء رحت ادور على رفرف استعمال زى ما قالى مالقيتش رفرف بلون العربية كان معايا صانيعى عنده من الورشة قالى المستعمل احسن من الجديد علشان الجديد من غير الانتركوت الى جوه المهم اشتريت رفرف دهبى حالته حلوه مافهوش خبطات يعنى بس كان فيه فتحة لغمازة اشارة يعنى قالى دى حتتسد ومش حتبان و حتاخد هبوه من جوه و من بره تترش بلون العربية اشتريته ب 300 و المراية ب 150
البربريز ب 400 تقليد بس عليه نفس البادج بتاع الاصلى
انا الى اشتريت الرفرف و المرايه ب 450
و كنت اديتله 1000 جنيه من تحت الحساب
انا ماتفقتش معاه قبل ما يشتغل و معنديش خبرة خالص فى موضوع السمكرة و البويه ده
فرجاء حد يفدنى الكلام ده صح ولا ايه
و المصنعية بالرش كام تقريبا برجاء سرعة الرد